NIBOU NDIG NYA GI NICAN 11:18 - ALLAH NIHYET MEM TUNGWATU NYA

¹⁸ Gima leu lene limwa nya injei bicoi ug ei Baal nibousi binggek. Lene ibinggek nimbar hum dok kin kwar di ikuk yok bak nya cem hagom ningwig a. Lene igyai nimai bak Matan di imam Baal cem ei nimbar hum dok dima nuhui a. Lene Yoyada kes yo di igya ser Tuhan De Ig cem bigya ser bingkiem.

NIBOU NDIG NYA GI NICAN 11:18 ပူးပေါင်းရင်းမြစ်များ

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

NIBOU NDIG NYA GI NICAN 10:21

leu api noni tri tut ngon bou dima bidem minu Israel nisurti-nipekti. Ngon bou dima dem tu lene yo di ikuk yok bak Baal yahagom ikwei dem yam. Hi di gwam ei bi. Yahagom icoi ug ei ig Baal nibousi bibindei ba, Baal nibousi dima bimpung kei ei dimbou hui kikau ug bipek ig biho.

NIBOU NDIG NYA GI NICAN 10:25

Yehu bon midut dima ei nimbar hum dokti bak Baal leu lene hei haninyai bicuk nibou tentara nya kin ide limwa di igya ser nya “Jicoi ug ba, jiyai nimai bak yo dima yahagom lene ma jisindui sut tungwagom biningwes ngun au!” Lene icoi sut ide simeda di ikrau ei indati ba, ibiyai nimai bak yo dima yahagom ei ig Baal nibousi dima. Leu api ikri nimbiam ngut dima yok hagom ug ei nisai. Leu api icoi ug ei Baal nibousi di jo ninsi bibor dima ba,

NIBOU NDIG NYA GI NICAN 10:26

ibindei hei kwar Baal ug ei nisai bindig kep hum hak.

NIBOU NDIG NYA GI NICAN 10:27

Indig kwar ningat bitut ig Baal nibousi cem. Ibindei ba, mpia dima noyam kin gumuhukti kikau kwei bipek ammani kep.

NIBOU NDIG NYA GI NICAN 18:4

Noni ya kep mpia di tungwatu nya ikuk yok bak kwar eisi nya binggek hagom bitut kwar nidihim nya kin kwar Asyera ngot cem bingwig. Lene noni nggek wou ngkimom-tembaga di Musa bon di ibijem ninyeng Nehustan cem. Lewo mben Israel indig biei nggrai di ui-gwang kei ba, ibikuk yok bak wou dima kikau bipek nijam dima kep.

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOU NDIG NYA GI NICAN 23:14

Yosia bindei ba, inggek cou nibiyok ngon kep kwar nya kin kwar nisop Asyera hagom leu api ibindei suwok tug hon gi idis nimai njum bidem ei mpia dima.

NIBOU NDIG NYA GI NICAN 23:20

Noni bindei ba, imam nitrowai nya yahagom itug ndei nimai ei ide nimbar hum dok dip di ibon midut eisi nya bindig nimai njum nya cem eisi. Lene noni ngkwei hanyen ug ei minu ndig Yerusalem.

NIBOHON MBEN ISRAEL GI NICAN 21:17

Icoi ug ei minu Yehuda bihwen yok leu lene icoi ug ei minu ndig Yerusalem binggek nibou ndig de ig cem. Lene ibikat Yehoram nimunggwom bat nya kin nitnem bat nya yahagom bingkwei sut yok. Noro Ahazia di Yehoram nipmot nipumiap nongkom he rino ningwes ngun leu ba, igikat bi ug a.

NIBOHON MBEN ISRAEL GI NICAN 34:4

Yosia de limwa nya inggek kwar dima yok ba, idram hagom bindung-diem leu api ikam nindung ba, ibigimahap ug ei yo di indig mindhe-ndhe ei nimbar hum dokti bak kwar nya dima ijui dip nya. Ibinggek Baal de nimbar hum dok nya kin nimbar di indig biei nggrai di ui-gwang kei ei niti nya ei mpia dima cem.

NIBOHON MBEN ISRAEL GI NICAN 34:7

Yosia nya igya kep bilet Asyera de nimbar hum dok nya di jo bidem Ninyeng Tak Kepti Ei Nite Bei Mpia Nijjai. Igya kep kwar nya kin nimbar di indig biei nggrai di ui-gwang kei eisi nya ba, idram hagom bindung-ndiem hak. Leu api Yosia ngkwei hanyen kwei ei minu ndig Yerusalem.

NEHEI LEUSI 32:20

Lene noni ug yai kwar di nide limwa nya iba mas bibon noyam kin sapi pima bindig kep hum ba, jet bingwig. Api tirigi hem tu lene noni dram hagom bindung-ndiem leu api ba minyei biwir lene cuk mben Israel yahagom bidut minyei dima.

YESAYA 2:18

Kwar di tungwatu nya ikuk yok bak nya cem misar bihigom.

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

NINDAT KEP TUHAN NICUKTI NYA 12:3

Suar jinggek ide nimbar hum dok nya ba, jiki ide cou tig di ipigig sut nya kukiau cem jindig ide nung mien nya di bindo tut kwar nisop Asyera kep hum cem jidram ide nung nindigsi di ikuk yok bak nya cem bingwig. Gima hagom nok leu binhyepo bit bon ikuk yok bak nung dima yok ei mpia ttou nsi nya dima hanyen bu kan bi.

NINDAT KEP TUHAN NICUKTI NYA 13:10

Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

NINDAT KEP TUHAN NICUKTI NYA 13:9

Noro suar aba tig bihwen noni bimai. Nangkom aba tig bihwen noni bibie leu api mben Israel nindigsi nya iba tig bihwen noni bram bu.