NIBOU NDIG NYA GI NICAN 10:11 - ALLAH NIHYET MEM TUNGWATU NYA

¹¹ Leu api Yehu yai nimai bak Ahab nide bat nindigsi nya di ibong ei Yizreel yahagom bitut yo di igya kui noni kin nisut bat di ningon kieti nya kin nide imam nya cem. Yehu sindui sut gom biningwes ngun bi sren.

NIBOU NDIG NYA GI NICAN 10:11 ပူးပေါင်းရင်းမြစ်များ

NIBOU NDIG NYA GI NIGOM 14:10

Gima rino midikes hukum di buhun bibor ei na di Yerobeam ade nintun him di bram yam nya dip drek dip abon munti dima. Midiyai nimai bak munggwom pinai di intun nani him hagom bitut yo di igyati kwes kin awak nya cem yahagom. Midicok tut ade ig bei nsi nya yahagom noyam kin gi tungwatu nya icok mindhe nooi bipwoi leu cem.

NIBOU NDIG NYA GI NIGOM 15:29

Haninyai tirigi Baesa kui bigwam nok nibou ndig lene noni yai nimai bak Yerobeam de ig bei nsi nya bitut nide bat nya yahagom. Gima dem igbit tuhan nikwai ceti di pai tug hon Nide awak di Nabi Ahia leu Silo nuhui him pima. Apino Baesa yai nimai bak yo di intun Yerobeam him yahagom ba, hi di ningwes ngun bi.

NIBOU NDIG NYA GI NIGOM 16:11

Haninyai tirigi Zimri kui bigwam nok nibou ndig tu lene noni yai nimai bak Nibou Ndig Baesa de ig bei nsi nya yahagom bitut nide bat nya kin nisut bat di pinai nya cem ba, hi di ningwes ngun leu ninda nsi bi.

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

NIBOU NDIG NYA GI NIGOM 21:22

Ambier kimti nya midem kep nok Nebat nipmot di Nibou Ndig Yerobeam nimbier kimti nya kin Ahia nipmot di Nibou Ndig Baesa nimbier kimti nya drek dip gi abindei ba, dingon sibui sut mben Israel tirigi abie tut yok ug ei sisarti.’

NIBOU NDIG NYA GI NIGOM 21:29

“Ayok ayai kep Ahab di ba ningon di huk niti bikuk no ei Doho bei tu e? Leu gima rino midibindei ba, mun di buhun bibor micut igkep noni bi kikau bibou niyaijo ngwig hon ug e. Midibindei ba, mun di buhun bibor dima micut igkep nide mbier nikimti nya mem nijam di nipmot ya luei nohoti.”

NIBOU NDIG NYA GI NIGOM 22:6

Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

NIBOU NDIG NYA GI NICAN 10:12

Lene Yehu jo leu Yizreel buug ei Samaria. Noni ug krau mpia gom di ijem ninyeng Gembala Nya Ide Prak Meng Yati ei puig sinon,

NIBOU NDIG NYA GI NICAN 23:20

Noni bindei ba, imam nitrowai nya yahagom itug ndei nimai ei ide nimbar hum dok dip di ibon midut eisi nya bindig nimai njum nya cem eisi. Lene noni ngkwei hanyen ug ei minu ndig Yerusalem.

NIBOU NDIG NYA GI NICAN 9:7

Suar ahwen ade andigpoi di Ahab kin nide ig bei nsi nya yahagom bisar ningwig ug. Tug hon nisinati dima midikes hukum ei Izebel dip drek dip gi po noni yai nimai bak Ditde nabi nya kin Ditde awak di nindigsi nya pima.

NIBOU NDIG NYA GI NICAN 9:9

Midibibon nide ig bei nsi nya noyam kin gi dibibon nibou ndig mem mben Israel cin di Yerobeam kin Baesa pima ide ig bei nsi nya ug ri.

NIBOHON MBEN ISRAEL GI NICAN 22:7

Allah kos tut ei su bipia Ahazia de njap mingwig hon mpe dino noni ug bisis ser Yoram di nggwen nibok pima. Leu api Yehu di Nimsi nipmot gom hwen bit Yoram Ahazia nya ei mpe di Ahazia ug bisis ser Yoram pima. Lewo tuhan dimig Yehu ei mem gima ba noni bicok tut yo di intun Nibou Ndig Ahab him yahagom.

NIBOHON MBEN ISRAEL GI NICAN 22:8

Tirigi Yehu bindei mbut hukum leu Allah pima ei yo di intun Ahab him dip lene ug um siceu nimpung gom. Yo dima ne nibou timiei Yehuda di inyeng jei nya kin Ahazia ninggwo bat nya di ibit Ahazia bikwei bisis ser Yoram pima ri. Yehu yai nimai bak yahagom hak.

AYUB 18:19

No dima yai nimunggwom bat nya kin nide nintun him yamti di bram yam nya hi bi ba, tungwagom ngat cem ningat rin ei nidihyei bi.

MAZMUR 109:13

Nnaba nide nintun him yamti di bram yam nya yahagom imai urung hak leu binhyepo nimpung munggwom di misrek ei nidipti bu ibbwe ser ninyeng ug.

MAZMUR 125:5

Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

HOSEA 1:4

lene tuhan pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

YOSUA 10:30

tuhan bindei ba, tentara Israel ibindei timek minu ndig dima kin nide nibou ndig cem. Yoni isindui sut tungwagom cem biniyaijo ei bi. Noro igyai nimai bak timiei minu ndig dima yok yahagom. Lene Yosua bibon nibou ndig dima noyam kin gi po bibon nibou ndig Yerikho pima.

YOSUA 11:8

Apino tuhan bindei ba, tentara Israel ihwen yok bibindei timek yok leu api yuhuk bram nindigsi nya kikau ug ei minu ndig Misrefot-Maim kin Sidon nite bei mpia nijjai kikau ug bipek kin Mbang Briep Mizpa nite bei mpia nipriti. Pran dima cig-cai kikau ba, tungwagom ngat leu siceu dima yok niyaijo ei cem bi ba, yahagom imai ningwig hak.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.