NIBOU NDIG NYA GI NICAN 1:2 - ALLAH NIHYET MEM TUNGWATU NYA

² Mpe di gom ne Ahazia di nok Nibou Ndig mem mben Israel cut nai bibor leu ninsi bas di binut ig ngat ninggre gi anai ei nide ig nibou ndig ei Samaria ba, nibokti buhun. Apino cuk tungwatu ba, yuug hig ser mben Filistin ei minu ndig Ekron ide kwar Baal-Zebub leu binhyepo ndo igbit tut nibokti di buhun dima pia mikei hanyen yo e, he mikei bi e?

NIBOU NDIG NYA GI NICAN 1:2 ပူးပေါင်းရင်းမြစ်များ

NIBOU NDIG NYA GI NIGOM 11:33

Dibirop bak Salomo drek dip gi kou sut Da leu di ug kuk no bak kwar nya. Kwar di ug kuk no bak tu dima yok rino Asytoret di mben Sidon ide kwar kin Kamos di mben Moab ide kwar kin Milkom di mben Amon ide kwar a. Noni bit dihyet kin Ditde nikos tutti nya kin dicuk noti nya bit leu nok nicig Daud niyai kepti nya bi.

NIBOU NDIG NYA GI NIGOM 14:3

Ma apwoi roti nindak simnai kin roti nyop poi mien kin ahwei lon ningei ampou gom ba, ayai binoni. Ahig ser noni tut mun di mipek kep mem sipmot Abia leu api noni mipai sut bina.”

NIBOU NDIG NYA GI NIGOM 22:34

Noro tuhan bindei ba, tentara Siria gom pilei tibor hammi nide siceu nya ariwace lo, tibor dima tibim Ahab de sinsun pran ninggreti bindei noni. Lene Ahab hara no di krau nide kroba pran “Tibor gom ndei da tu! Akiek kroba tut sa ba, soom sa leu pran hak ug!”

NIBOU NDIG NYA GI NIGOM 22:40

Tirigi niabiati Ahab mai leu su lene nipmot Ahazia luei nohoti nok nibou ndig nijep bu.

NIBOU NDIG NYA GI NICAN 1:16

bipai bak “tuhan pai ‘Acuk tungwatu nya biyuug hig ser kwar Baal-Zebub ei minu ndig Ekron tut abokti di buhun tereu nok akan bipia Allah hi ningat rin ei minu Israel dini mem gima ahig ser tut bi. Gima rino nani ma akei hanyen bu bi noro amai drek dip ug ri.’ ”

NIBOU NDIG NYA GI NICAN 1:3

Noro tuhan de malaikati cuk Nabi Elia di bong Tisbe bipia suar noni ug um yo di Nibou Ndig Ahazia cuk yok pima bihig ser yok, “Allah hi ningat rin ei minu Israel bi apino bitig dino juug hig ser kwar Baal-Zebub ei minu ndig Ekron leu binhyepo ndo igbit tut nibou ndig nibokti di buhun pima e?

NIBOU NDIG NYA GI NICAN 1:6

Lene ibuhup “Pinai gom kwei um nye lene cuk nye biningkwei hanyen lene suar nipai biNa Di Anyeng Jei bipia tuhan simbot dat tut Na Di Anyeng Jei bipia Allah hi ningat rin ei minu Israel bi apino bitig dino acuk nye di nuug hig ser kwar Baal-Zebub ei minu ndig Ekron leu binhyepo ndo igbit tut abokti di buhun dima e? Lewo akei hanyen bi noro amai ug ri.”

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

AYUB 31:3

Noni bindei ba, mun di buhun bibor kin ninggruk biborti cut igkep yo di isibut bibor nya!

DIUN MIMUN 2:9

Noni dem kep andai nikre kin rusa nikre nitu. Jingat i! No ya ngug tig ninghim ma kwei biba niyai binggok-nggok nyen ser lene su niyai ei kendera mihyeti bitou kep kwei.

YESAYA 19:3

Midibindei ba, mben Mesir ingon kanti di itin ei nya mipek kep bi leu api mimbri di kui ingkek dahat leu yok. Yahara kwar nya bimpu yok ba, yahara nung nya kin ninnei rom nya cem tut nipingokti di bindo puig di kei biyok.

YESAYA 2:6

Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

YESAYA 37:12

Mpe di po didigup bat-didigai bat nya ihwen minu ndig Gozan kin Haran kin Resef bitimek ba, ibiyai nimai bak mben Eden di ibong ei minu ndig Telasar ne yo dima ide kwar di ikuk yok bak nya hi di teu yo dima bingwes ngun bi.

YESAYA 37:19

indig ide kwar di ikuk yok bak nya cem lene ibindei timek hagom. Lewo kwar di tungwatu nya ikuk yok bak dima isindem bi nitu. Yoni ne kwar nitu di tungwatu iba tig kin biei bibon bou inda him he ri.

MATIUS 10:25

Gima rino ma munggwom pikor ningon cut hon gima kui klas ug ei sur nide guru. Ma awak di brim ningkek ningon cut hon gima yai ninyeng ug ei sur niceu ninyenga. Gino tungwatu nya ipai ig ceu hi kinei bijem ninyeng Beelzebul lene notou mem nide ig bei nsi nya i? Tungwatu nya mijem inyeng kinei bibor dor njiriek bu!”

MARKUS 3:22

Guru Puig Yahudi nicukti nya ibou poi di ikwei leu Yerusalem ipai kep Noni bipia nibou ndig mem ninnei rom nya di ninyeng Beelzebul ya Yesus ningonti bisindem tut Noni leu binhyepo jji ninnei rom nya leu tungwatu nya ingonti.

LUKAS 11:15

Noro hiter isrep “Beelzebul di nibou ndig mem ninnei rom nya ya ningonti bisindem tut Noni leu binhyepo jji ninnei rom nya.”

KISAH 20:9

Pinjoi pilei di ninyeng Eutikhus cem no rima bigwam ei kendera mihyeti lo, tti-top lewo Paulus huk nihyet bijo ninno. Tti-top nyen bibong mai leu api tti bicut leu anai biborti ug ei dihyeisi. Tirigi yo dima ikon noni kui lene ingat lo, ninnei kimbas tu.

YOSUA 15:11

Lene jo leu Timna kikau ug bipek kin nungug tou gom ei minu ndig Ekron nijjai bikriek ndam minu ndig Sikron ba, mbut njiriek Nungug Baala kikau ug bipek kin minu ndig Yabneel leu api mbut kikau bibon nohon keti ei Muk Hacan nipimat di nok minu niya kwas yamti,

NIJAM NIKEI NYA 11:24

Leu api nogindini abingon ei mem gima abrim dihyei dima hanyen bu e? Suar jima dihyei di jide kwar Kamos yai bije bou je nok jide hak. Noro nyeni miniya ngkiem ser dihyei di nyende tuhan Allah yai binye tu.

NIJAM NIKEI NYA 5:28

Mpe dima lene Sisera nipmem cem kep kendera mihyeti ser nikwei hanyenti bikan ei ningonti “Nggon rino Sisera de kroba pran tau kwei bigyo i? Nggon rino nide kuda pran nimig buhun ba, simiap nibimbi bigyo i?”

SAMUEL GI NIGOM 5:10

Gima rino imbut tut Brua Gi Preu ug ei mben Filistin ide minu ndig hiter bu ei Ekron. Noro tirigi timiei Ekron ingat lo, Brua dima kwei krau ide minu lene yahara “Ayo! Ikon Brua Gi Preu dima kwei bibindei ba, nyeni cem yahagom imai ug ri!”