NEHEMIA 9:6 - ALLAH NIHYET MEM TUNGWATU NYA

⁶ Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

NEHEMIA 9:6 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 1:9

Leu api Allah pai bu “Ma minyei gi hi di jo ei mpia-bbed him nibehei pima biam sok yam ei gom leu binhyepo dihyei ninjek dip tau ei nibreisi.” Lene dem igbit nipaisi.

NITRITI 2:1

Nok gima lene nipai tes mpia-bbed him kin dihyeisi kin mun di joti nya hagom put tu.

NITRITI 32:2

Tirigi noni ngat yok tu lene simbot dat “Allah hok Nide prak meng ei gumihyep dini.” Gima rino noni jem gumihyep dima ninyeng “Mahanaim.”

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOU NDIG NYA GI NICAN 19:15

Lene noni ngat nadi bipai “tuhan di nok Allah mem nye di mben Israel e, agwam ei Ade banggo mbrei dip nai njiriek kerub nya. Nangkom ne Allah rin ba, anyeng tak kep nibou ndig nya bidem dihyeisi dini hagom. Apai tes dihyeisi dini kin mpia-bbed him cem.

NIBOU NDIG NYA GI NICAN 19:19

tuhan di nok nyende Allah e, ma ateu nye biningwes ngun leu mben Asyur inda nsi leu binhyepo jo nibreisi mem mben dihyeisi dini hagom bipia Nangkom ne Allah nijit ri.”

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 102:25

Leu api dahara Noni “Allah e, ma ayai dinnei leu da mem ditde njap nahacanti dini au.” Na di tuhan ayaijo ninno bijo kikau.

MAZMUR 103:21

Je di tuhan pai tes je nya kin je di jinok Nide awak nya ei gwamti e, ma jinggei sut Noni.

MAZMUR 115:15

Ma tuhan di pai tes mpia-bbed him kin dihyeisi dini njei mun di kei bak jeni!

MAZMUR 124:8

tuhan di pai tes mpia bbed-him kin dihyeisi dini ne No di kwei mpu nye ri.

MAZMUR 146:6

Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 24:10

Nibou Ndig di ninyeng jei dima tou i? Noni ne tuhan Di Sindem Bibor cem ninyeng jei cem ri!

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

MAZMUR 36:6

tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

YESAYA 37:16

“tuhan Di Ninyeng Jei Bibor di Allah Israel di gwam nai kerub dip e, Nani ne Allah gom ngat hak di anyeng tak kep minu ninyeng tak kepti nya hagom ei dihyei ninjek dip dini ri. Nani rino apai tes mpia-bbed him kin dihyeisi dini.

YESAYA 37:20

Nyende tuhan Allah e, ma ateu nye biningwes ngun leu mben Asyur dima inda nsi leu binhyepo ngkiai nya ei dihyeisi dini hagom ikan tut bipia Nangkom ngat he rino tuhan.”

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEHEZKIEL 20:11

Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.

YUNUS 1:9

Yunus buhup “Dani ne munggwom Ibrani rin ba, dikuk da bak tuhan di nok Allah ei gwamti di pai tes muk ngei kin mam bei a.”

YOHANES 10:30

Dicig kin Dani ninok gom kin yam.”

KISAH 4:24

Tirigi isut bat nya imiap mun di ipui sut dima lene iba ingon gom bingat nadi bak Allah bipai “Na di Tuhan apai tes mpia-bbed him kin dihyeisi dini kin muk ngeisi tut mun di joti nya hagom.

NINDAT KEP TUHAN NICUKTI NYA 10:14

tuhan di nok jide Allah nyeng tut mpia-bbed him di jo anai kin dihyeisi dini bitut mun di joti nya hagom.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 1:6

Noro dem igbit nituti di Allah cuk Nipmot mighumbou kwei ei dihyeisi dini lene Noni tri tut “Suar Allah de malaikati nya yahagom ikuk yok biNoni.”

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”

NINGAT-HI-NGAT NYA 4:11

“Tuhan e, nyende Allah e, Nangkom dem mem gima ayai anyeng jei kin nikei-kau-keisi kin nisindemti. Lewo apai tes mun nyeng hagom ba, hagom jo nijoti bigyai niyaijo tug hon angon kanti.”