NEHEMIA 9:34 - ALLAH NIHYET MEM TUNGWATU NYA

³⁴ Nyeni nidigup bat-nidigai bat nya kin nibou ndig nya kin yo di inyeng jei nya kin imam nya yahagom ipwoi angon bitut acuk nyeti nya bi. Yahagom itingou ndok ser Ade nicuk nyeti nya kin Ade nisok kep nyeti nya.

NEHEMIA 9:34 ပူးပေါင်းရင်းမြစ်များ

NIBOU NDIG NYA GI NICAN 17:13

tuhan pinak Nide awak nya kin Nide nabi nya cem ndam limwa Israel kin timiei Yehuda nya leu binhyepo isok kep yok “Ma jikes hon jibon munti di kinei nya lene ma jibit dicuk jeti nya kin dikos tutti nya di diyai bak jidigup bat-jidigai bat nya ba, diyai bak jeni cem tug hon Ditde awak di nabi nya dima.”

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

NIBOHON MBEN ISRAEL GI NICAN 29:6

Idigup bat-idigai bat nya iba ingon di gom bibit tuhan Allah bi. Ba, ikes Noni ei leu api iba inghim bak Nide gumihyep di Ningat rin eisi dini cem.

EZRA 9:10

Noro tuhan Allah e, nogindini mun nyeng di kinei dima yok hagom cut igkep nye lene notou nibuhup hanyen biNa i? Nyeni nitunggwei sut acuk nyeti nya,

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

NEHEMIA 9:33

Aba angon di sren-srau bibibon nye tirigi akes hukum ei nye di nibon sisar dip. Mbro nok gino nicut ei sisarti lo, angon gom kikau.

NEHEMIA 9:35

Anjei mun di kei bak nibou ndig nya di inyeng tak kep Ade limwa nya tirigi ibong kei igwam kei ei minu di bres bibor ba, nnum bibor po ayai biyok pima. Noro igikes igyai munti di mbuk bibor nya bijo ei leu bikuk yok biNa bi.

YEREMIA 29:19

Mun nyeng dima yok hagom cut igkep yok drek dip gi ibit Ditde nisokti di disok kep yok bijo kikau tug hon ditde awak di nabi nya bi ri. Ikou sut Ditde nisok kep yokti dima.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

YEHEZKIEL 5:6

Noro minu ndig Yerusalem rok Ditde nicukti ei su apino jo nibreisi bipia minu ndig dima kinei bibor dor njiriek ngkiai nya. Minu ndig dima gibit dihyet bi bidor njiriek minu ngkiai nya di jo ttai nya hagom. Minu ndig Yerusalem yai mun tunggwei dicukti nya bikou sut gi bit Ditde niggai serti nya.”

DANIEL 9:6

Ningig nitingou mem Ade awak di nabi nya ighyet tirigi itri tut ahyet tug hon anyeng bak nyende nibou ndig nya kin yo di ibie tut nye kin nidigup bat-nidigai bat nya kin mben Israel yahagom bi.

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”