NEHEMIA 9:30 - ALLAH NIHYET MEM TUNGWATU NYA

³⁰ Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

NEHEMIA 9:30 ပူးပေါင်းရင်းမြစ်များ

NIBOU NDIG NYA GI NICAN 18:11

Nibou ndig mem mben Asyur kat mben Israel dima ba, isima ug ei minu Asyur. Noni kwas yok ei nimpung ningai ba, nimpung gom isima ei Halah lene nimpung gom isima ei Gozan dideu Minyei Habor lene nimpung gom isima ei timiei Madai ide minu ndig gom-gom.

NIBOU NDIG NYA GI NICAN 21:10

Gima rino tuhan pai nihyet tug hon Nide awak di nabi nya,

NIBOHON MBEN ISRAEL GI NICAN 24:19

tuhan pinak nabi nya ndam yok bipingok ingonti leu binhyepo ingkwei hanyen ndam tuhan ba, yoom yonti binok awak mem Noni. Noro limwa nya itingou nam ser ighyet.

EZRA 9:10

Noro tuhan Allah e, nogindini mun nyeng di kinei dima yok hagom cut igkep nye lene notou nibuhup hanyen biNa i? Nyeni nitunggwei sut acuk nyeti nya,

NEHEMIA 9:20

Aba angon di nggriu sut yok nyohou pingok ingonti ba, ayai njita manna kin minyei biyok cem.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 95:10

Dikou sut yok mem ari bingwam ningot bitai bidikan “Yo dima ingon mang ba, ingkek ndok tut Side nicuk yokti nya.

YESAYA 28:10

Mbenjen! Noni nyohou ngginau nye tut hurup kin kata kin nipuig gom-gom sindam.”

YESAYA 42:24

Tou rikes mben Israel ei nipos kep mun cig nya inda nsi i? tuhan Nonti ri! Nyeni ibon sisar tut Noni ba, itunggwei sut nihyet cem. Ibit ningginausi nya bi cem.

YESAYA 48:9

Doom kep Ditde niggati leu binhyepo tungwatu nya mikon dinyeng bidem minu. Doom kep niggati dima nyahan drek dip je leu binhyepo dibibindei sar je bi.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YEREMIA 25:4

Mbro nok gino tuhan pinak Nide awak di nabi nya ndam je tu lo, jigimiap kep ighyet ba, jigingig jitingou mem ighyet cem bi.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

YEREMIA 44:5

Noro jikou sut gima jimiap kep dihyet. Jingig jitingou mem bi. Jikou sut gi jikes hon nibon midut di kinei bibor nya tug hon gi jinding mindhe-ndhe ei humti ba, jibikuk je bak kwar nya.

YEREMIA 7:25

Dipinak Ditde awak di nabi nya ndam je tirigi po jidigup bat-jidigai bat nya yehei leu minu Mesir pima kikau kwei bipek ammani kep.

NIBWOS-BWOS NYENTI 2:17

tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

DANIEL 9:6

Ningig nitingou mem Ade awak di nabi nya ighyet tirigi itri tut ahyet tug hon anyeng bak nyende nibou ndig nya kin yo di ibie tut nye kin nidigup bat-nidigai bat nya kin mben Israel yahagom bi.

ZAKHARIA 7:12

Ibindei ba, ingon ngkiem-ngkiau bidem tig tindak a. Digga bibor drek dip gi igibit nipingokti di diyai biyok nya tug hon nabi di nipou nya bi.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

MBEN ISRAEL IMBUT-MBUT NYEN 11:26

Noro ibou can di inyeng Eldad kin Medad leu ibou ningot muhwindacan pima ikieti ingat rin ei ide prak meng behei ba, yahatap nindigsi di igya bikrop ttai tuhan De Prak Meng bigyo. Lene tuhan Ninnei coi ug ei yo cin dini cem ingonti ei ide prak meng yati ba, sindi itri tut nihyet dem kep nok nabi nya.

KISAH 13:18

Noni om ningon tut yok drek dip igyai munti nya kikau mem ari bingwam ningot bitai ei iggum ndigsi.

KISAH 28:25

Isrep tut yam ba, ibintek leu mpia dima tirigi Paulus binut nihyet mbigom kin bu bipai biyok “Mun di Allah Ninnei pai bak jidigup bat-jidigai bat nya tug hon Nabi Yesaya nuhui him dima ne nijit ri.

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.