NEHEMIA 9:25 - ALLAH NIHYET MEM TUNGWATU NYA

²⁵ Ade limwa nya ipos minu ndig di bon tentara nibousi di igya coi nya kin dihyei di nnum kei kin ig di mpung tut ndigban di nibok kak kin minyei bousi nya kin biei zaitun nghousi nya kin biei di ngat ningat nghousi nya kin ba anggur nghousi hagom. Igyem njita di ndei yok bit leu ingon kanti apino immau ndok. Ingon llei sut mun di kei nyeng hagom di ayai biyok tu.

NEHEMIA 9:25 ပူးပေါင်းရင်းမြစ်များ

NIBOU NDIG NYA GI NIGOM 14:9

Noro tut nani ne abon mun di kinei nindig bibor dor tunggwei mun di kinei di yo di inyeng tak kep mben Israel ibonti nya pima nipou tirigi anyeng tak kep yok bigyo. Aba anghim bak Dani lene abindei ba, digga bibor tug hon gino abindei ba, tungwatu nya iba ngkimom nitu bibon kwar nya ba, ikuk yok bak cem tu.

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NEHEMIA 9:35

Anjei mun di kei bak nibou ndig nya di inyeng tak kep Ade limwa nya tirigi ibong kei igwam kei ei minu di bres bibor ba, nnum bibor po ayai biyok pima. Noro igikes igyai munti di mbuk bibor nya bijo ei leu bikuk yok biNa bi.

MAZMUR 105:44

Noni yai ngkiai nya ide minu bak Nide limwa nya apino igyai ide miai nya ba, ima bou yok nok ide dihyei ninda rom,

MAZMUR 65:11

Akes biget di but kwei biprok miai ngausi bibon dihyei suti kin ninnumti lene abindei ba, nikioi ntun him cem.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

YESAYA 63:7

Miditri tut tuhan ningon ngakei nyeti bidinggei sut Noni tut niyai munti nya. Noni njei mun di kei nindig bibor bak Nide limwa nya lewo ningondut yokti kin ningon ngakei yokti ug hon nohonti bi sren.

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 31:14

Midibindei ba, imam nya igyem kep njita ninyeng hagom bindei yok lene dinjei mun di Ditde limwa nya isuar nya hagom bak yoni. Da di tuhan disimbot dat tu.”

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

DANIEL 11:24

Noni ba nide niris mun igkeisi binggok puig nyahan ba, njei siceu bicoi ug ei hanjop nsi di nnum kei nya kros bihwen timiei di ibong kei igwam kei ei mpia dima yok. Noni bon kep mun di nidigup bat-nidigai bat nya ibon bi sren. Leu api kwas ndigban ngot di pos leu siceu nya kin ndigban ngot di nyeng tut tug hon nikon pranti nya tut nide limwa nya. Noni nggok puig mem gima njei siceu bihwen tentara nibousi di igya coi nya lo, nituti mem noni ngwig haninyai ser.

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

NINDAT KEP TUHAN NICUKTI NYA 3:5

Minu ndig dima yok hagom bon ngug tig di jo anai bibor di krop ttai nya kin dimbou pmem nya di iba biei nggam mbou di nindig cem bikibi dimbou pmem dima yok bingkiem-kiau cem hagom. Ter leu gima lene minu mien mang bibor nindigsi nya di bon ngug tig hi bi cem.

NINDAT KEP TUHAN NICUKTI NYA 32:13

Noni sindui sut yoni inyeng tak kep nungug him nya ba, igyem njita di hei bidem susti leu api idut ahwei lon ningei di igyai leu hak mihyeti nya ba, ide biei zaitun ngat ningat nindig bibor ei tig bou-bousi.

NINDAT KEP TUHAN NICUKTI NYA 32:14

Yoni idut sapi kin kambir do ngei nindig bibor ba, ide domba kin kambir kin sapi nya hagom pap-nap kei. Ide gandum kin ba anggur ningei hagom kei bibor kei.

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.