NEHEMIA 9:19 - ALLAH NIHYET MEM TUNGWATU NYA

¹⁹ Noro akes yok bihigom ei iggum ndigsi bi lewo angondut yok nindig bibor. Abrim bumbuhui ttou kin cou hum di piga digai ide puig mem njap kin mmun ningwig leu yok bi sren.

NEHEMIA 9:19 ပူးပေါင်းရင်းမြစ်များ

NEHEMIA 9:12

Aba bumbuhui ttou bibie tut yok mem njap lene aba cou hum bipiga digai ide puig mem mmun.

NEHEMIA 9:27

Gima rino asindui sut ide siceu nya bihwen yok leu api inyeng tak kep yok. Tirigi mun di buhun cut igkep Ade limwa nya lene yahara Na di Allah leu binhyepo ampu yok. Leu api abirop ighyet hanyen kwei leu gwamti. Angondut yok ba, ata nibou kin nikon pran cig nya mem gima iteu yok bingwes ngun leu ide siceu nya inda nsi.

NEHEMIA 9:31

Mbro nok gima lo, acom yok ba, acok tut yok bihigom bi lewo angondut yok nindig bibor. Ningat ne hi noyam kin Na di Allah bi. Asingat tut Ade limwa nya nindig bibor ba, angondut yok kikau!

MAZMUR 106:45

Allah yok ngon kep Nide nipreu ei mem yokti mem gima bimpu yok ba, ngondut yok lewo Nide ningon ngakei yokti nindig bibor.

MAZMUR 136:16

Noni bie tut Nide limwa nya ba, ite-te nyen ei iggum ndigsi. Nide ningon ngakeisi jo ninghig-niker.

NEHEI LEUSI 40:36

Bikwop mpe dino bumbuhui pima kui bijo nai tuhan De Prak Meng lene mben Israel illet ide prak meng mien nya hagom bitin ei mem imbut ug ei minu hiter.

NEHEI LEUSI 40:38

Lene tuhan ningat rin ei Nide Prak Meng nsi biluei nitta nok cou bumbuhui mem njap lene biluei nitta nok cou hum mem mmun bou mben Israel yahagom igyai him kikau bidem imbutti nya hagom.

YESAYA 44:21

tuhan pai “Je di mben Israel e, ma jiyok ngon kep bipia jinok Ditde awak. Dipai tes je bijinok Ditde awak. Midingon prion ser je bi sren.

NIBWOS-BWOS NYENTI 3:22

tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

YEHEZKIEL 20:14

Lo, diyai nok gi ditin ei memti dima bi drek dip Ditde ninyeng jeisi. Leu binhyepo mben di ingat gi dibuwak yok kwei leu minu Mesir ipai dinyeng kinei bi.

YEHEZKIEL 20:17

Noro niabiati bu ne dingondut yok. Apino diyai nimai biyok ei iggum ndigsi di wer iggum dima bi a.

YEHEZKIEL 20:22

Noro diyai nok gi ditin ei mem yokti dima bi ser nhyema ngkiai nya di ingat gi dibuwak mben Israel kwei leu minu Mesir ipai dinyeng kinei bi.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

MALEAKHI 3:6

“Dani ne tuhan rin ba, diluei dingonti bi sren. Gima rino je di jintun Yakub him jisrawir bi.

MBEN ISRAEL IMBUT-MBUT NYEN 14:14

lene yoni mitri tut bak timiei minu Kanaan nya bu. Yo dima ikan tut bipia Na di tuhan angat rin ei nyeni nikieti ba, ando Nanti binye tug hon Ade bumbuhui ttou di bie tut nye mem njap ba, tug hon Ade cou hum di bie tut nye mem mmun cem tu.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.