NEHEMIA 9:17 - ALLAH NIHYET MEM TUNGWATU NYA

¹⁷ Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

NEHEMIA 9:17 ပူးပေါင်းရင်းမြစ်များ

NIBOU NDIG NYA GI NIGOM 6:13

Midikwei bong bit Ditde limwa di mben Israel ei Ditde ig di angot ei su dini lene midikes yok ei bi sren.”

NIBOU NDIG NYA GI NIGOM 8:57

Handei kon ba, nyende tuhan Allah ningat rin bit nye bit leu nok ningat rin bit nyeni idigup bat-idigai bat nya ba, kes nye ei bi sren.

NIBOHON MBEN ISRAEL GI NICAN 36:13

Nibou Ndig Nebukadnezar bidip huk Zedekia leu binhyepo heng bitug hon Allah ninyeng bipia ningon gom tut Nebukadnezar. Noro niabiati bu lene Zedekia ham nimbuk kep Nebukadnezar hanyen. Zedekia ningkek ndok tut tuhan Allah mben Israel ba, kou sut gima tin ser nide sisar bingkwei hanyen ndam tuhan cem.

EZRA 9:9

Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

NEHEMIA 9:31

Mbro nok gima lo, acom yok ba, acok tut yok bihigom bi lewo angondut yok nindig bibor. Ningat ne hi noyam kin Na di Allah bi. Asingat tut Ade limwa nya nindig bibor ba, angondut yok kikau!

MAZMUR 106:13

Noro ibbwe ser tuhan nibon munti dima haninyai leu ba, igyai igbit yonti ingon kanti nipou tirigi tuhan bie tut yok bigyo.

MAZMUR 106:7

Nidigup bat-nidigai bat nya di ibong ei minu Mesir ingon kiowi niti. Ingon gidor niti tut Ade midyai mindur nya bi. Ingon prion ser angon ngakeisi di nindig bibor ba, yaham imbuk kep Na di Allah Di Anyeng Jei tirigi yuug krau Muk Lipig.

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MAZMUR 78:10

Itunggwei sut mun di Allah preu ei bit yok lene igibit Nide nikos tutti nya bi.

MAZMUR 78:11

Ibbwe ser Allah de midyai nya kin mindur di bon mem yok di ingat bou igyai him nya cem.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

NEHEI LEUSI 32:9

Jo nibreisi mem Da bipia yo dima ingkek ndok bibor.

NIPINGOK NINGONTI 1:24

Dihig je ninno tu lo, jikou sut da bijingkek ndok tut dihyet.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEHEZKIEL 5:6

Noro minu ndig Yerusalem rok Ditde nicukti ei su apino jo nibreisi bipia minu ndig dima kinei bibor dor njiriek ngkiai nya. Minu ndig dima gibit dihyet bi bidor njiriek minu ngkiai nya di jo ttai nya hagom. Minu ndig Yerusalem yai mun tunggwei dicukti nya bikou sut gi bit Ditde niggai serti nya.”

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

IMAM NYA IDE MIDYAI 26:44

Noro tirigi ingat rin ei ingkiaisi ei minu di ide siceu nya ide lene midikes yoni ei ba, midibindei sar yoni bingwig cem bi. Leu gino dibindei sar yok lene gima bindo bipia dibindei bitun gi preu di dipreu ei mem yok lo, Dani ne tuhan ide Allah ri.

NAHUM 1:3

Ningat ne tuhan gga haninyai bi. Noro Noni sindem bibor apino bindei ba, bit bon no di bon mun tunggwei ningwes ngun leu hukum kan bi. Hou di nimig ten bibor cut ei mpia di tuhan mbut eisi. Dihyei ndung wer bumbuhui ei mpia di nimig co eisi.

MBEN ISRAEL IMBUT-MBUT NYEN 14:11

Lene tuhan hig ser Musa “Yo dini misrep tut Da kikau apig bu i? Mbro nok gino dindo bindo kin mun di mindur mang bibor ei ikieti tu lo, iba ingon com Da bi kikau apig bu i?

MBEN ISRAEL IMBUT-MBUT NYEN 14:41

Noro Musa srep bipai “Nggon rino jibisau sut gima jiyai mun njiriek tuhan ningon kanti mem je nogindini i? Jingon kanti dima mibindei ba, ningat di kei ntun him bi.

MBEN ISRAEL IMBUT-MBUT NYEN 16:14

Ningat ne agibuwak nye kwei ei minu di nnum ba, apek hanjop mem niyai miai kin biei anggur ninghousi binijem bou nye nok mun ninda rom hi bigyo! Jo nibreisi bipia aris nye! Gima rino minihwou ngat na bi!”

KISAH 7:39

Mbro nok gima lo, ide pung di intun him nya ikou sut Musa nihyet. Yoni irok noni ei itta leu api iba yoho rok minu Mesir hanyen.

ROMA 9:15

Lewo Noni pai bak Musa “Dingon nggriu sut tungwa tou rino didimig ei su ba, dingondut tungwa tou rino dingon llei sut.”

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.