NEHEMIA 8:15 - ALLAH NIHYET MEM TUNGWATU NYA

¹⁵ Gima rino itri tut nihyet bak timiei minu ndig Yerusalem kin yo di ibong bidem minu ndig kin minu mien nindigsi nya cem bipai “Ma jahagom jintek ug ei nungug tou dini kou bijitot biai kin biei zaitun kin biei mini kin dui kin biei nindigsi nya ninda-nda nya kwei leu binhyepo jibohok ig jibei mpam meng bit leu nok Srat Nicukti cuk nyeti.”

NEHEMIA 8:15 ပူးပေါင်းရင်းမြစ်များ

NITRITI 8:11

Mmunti lene hakimoi dima ngkwei hanyen kwei ndam Nuh bikot biei zaitun nimeng di ngig-ngun ei nihwakti. Gima rino Nuh kan tut bipia minyei sri hanyen leu dihyei ninjek dip tu.

IMAM NYA IDE MIDYAI 23:4

Gini ne njap tto bou mem nibon midut nya di dindo bije ri. Ma jitri tut hagom bak mben Israel.

IMAM NYA IDE MIDYAI 23:40

Njap gi nigom lene ma jipuk biei ngat di kei bibor kei leu api ma jitot dui meng kin biei nda di nimeng nggrou nindigsi nya hagom kwei leu binhyepo jibinggei sut Da di tuhan lewo dinok jide Allah.

ZAKHARIA 1:8

Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

MATIUS 21:1

Tirigi Yesus nya yuug ei dideu Yerusalem ba, yuug krau minu mien Betfage dideu Nungug Tou Zaitun lene Noni cuk yo di igya kui Noni ibou can bidor bibie leu yok.

YOHANES 12:13

Gima rino itot dui meng bittei leu binhyepo ibiya um Noni. Yahara “Jikwei ba, inggei sut Allah o! Allah njei mun di kei bak No di kwei tug hon Nonti ninyeng o! Allah e, anjei mun di kei bak Nibou Ndig di mben Israel ide o!”

NINDAT KEP TUHAN NICUKTI NYA 16:16

Suar pinai mben Israel yahagom ikwei kuk yok bak jide tuhan Allah mbiningai ei nijam ari bingwam gom ei mpia ttou nsi di Noni ndo ei su. Nok idem yam ei Njap Ndig Paskah kin Njap Ndig Nike Gandum kin Njap Ndig Ig Jibei Mpam Meng. Bikwop tungwagom-gom suar ttei munkwas,

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.