NEHEMIA 4:17 - ALLAH NIHYET MEM TUNGWATU NYA

¹⁷ yo di ikinding ngug tig dima nindig bibor. Yo di ipian tig kwei cem iba inda nite hi yai kep midyai lo, ikrau minggwen ei inda nite hi bu ba, ibitindei ser siceu nya.

NEHEMIA 4:17 ပူးပေါင်းရင်းမြစ်များ

NEHEMIA 4:13

Gima rino dikwas simeda kin micim kin hampiap tut yo di inda jo kep midyai dima leu api dita yok bit leu nok ide pung nikim yamti ei ngug tig nikineisi hammi mpia di ngug tig put bigyo.

NEHEMIA 4:16

Hon kep njap dima kui lene ditde limwa nya ikwas yam ba, bihi inda jo kep midyai nikinding ngug tig lene bihi ijuk sinsun pran bikrau micim kin mun di ibipukep ser tibor ninggwenti kin ikrau hampiap ei indati bigya ser ide siceu nya. Nibou nya di inyeng tak kep limwa dima yok yahati tut,

NEHEMIA 4:18

Tukan nya di ikinding ngug tig dima cem iba bang bikri simeda kin intig bou lo, no di miep kep pun mbrei tin ei mem gima miep pun mbrei bitto siceu itausi ya kui da hak.

MAZMUR 149:6

Ma iba ighyet ndig kin singau simeda di nggwen di isu nya bikon ide Allah ninyeng,

DIUN MIMUN 3:8

Nihwen kep mun cig dima yok yahagom ijus singau simeda ei intig bou noyam. Itindei ser siceu di micut igkep bihwen yok mem mmuna.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

YOEL 2:8

Imbut ariwace bi. Noro injei mun di ide siceu nya idat ser yok. Bit bon hi bindei ba, ikes hon bingkwei hanyen kan bi.

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

KORINTUS GI NIGOM 16:9

Mbro nok gino tungwatu nya imang bibor itte tut da ei minu ndig dini lo, diyai nituti kin nikwesti mang bibor mem gima diyai kep Tuhan de midyai di ningat nindig mintun him.

KORINTUS GI NIGOM 9:12

Gino dem mem yo di hiter itindei kep jindati tut mun di pror yon lene dem mem nyeni cem miniyai nok gima lo, dor njiriek bu e? Mbro nok gino dem mem ditindei kep jindati lo, doom dingon tut hak ug. Lewo diba dibou coi mem mun di cut igkep da hagom leu binhyepo dibindei ba, mun nyeng hi bigen ser Nihyet Di Kei tut Kristus bi.

KORINTUS GI NICAN 6:7

Niba nihyet di nijit-jau di nitri tut kin nisindemti di kwei leu Allah kin bindo bipia nyeni ne Allah de awak nya ri. Nikrau kep Allah ningon kanti tereu nok nikrau kep simeda. Nibihwen siceu nya ba, nibimbrap gau nyenti.

FILIPI 1:28

Ma jingwes mien tut yo di ihwen bit je au noro ma jibrim jingkek. Tug hon nisinati dima ne mijo nibreisi mem yok bipia icut bak jeni ba, Allah misindem tut je leu binhyepo jibindei cut yok cem.

2 TIMOTIUS GI NICAN 2:3

Ma atindei ser ninghuisi wei dem kep nok Kristus Yesus de tentara di ningon gom.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.