NEHEMIA 2:3 - ALLAH NIHYET MEM TUNGWATU NYA

³ bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

NEHEMIA 2:3 ပူးပေါင်းရင်းမြစ်များ

NIBOU NDIG NYA GI NIGOM 1:31

Lene Batsyeba kuk no ei nibou ndig nimig him bipai “Andigpoi Nibou Ndig Daud e, ma ayaijo ninno!”

NIBOU NDIG NYA GI NICAN 25:8

Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti ba, nok nibou pran cem kwei ei minu ndig Yerusalem ei njap nimuhwindacan mem bed nimuhwi bicoi ug ei minu dima.

NIBOHON MBEN ISRAEL GI NICAN 21:20

Nide limwa nya hi di nso tut nimaisi dima cem bi. Lene itig ei Daud De Minu Ndig noro igitig bit nibou ndig nindigsi nya ei jui dip nibou ndig pima bi. Tirigi po Yehoram kui bigwam nok nibou ndig pima ne nide njap ug ei ari bingwam ningot ningai ba, can. Ninyeng tak kep mem nijam ari bingwam muhwindaningai ei minu ndig Yerusalem.

NIBOHON MBEN ISRAEL GI NICAN 28:27

Ahas mai lene itig ei minu ndig Yerusalem. Noro igitig ei nibou ndig nya ijui dip bi. Lene nipmot Hizkia kui bigwam nok nibou ndig biya luei nohoti bu.

NIBOHON MBEN ISRAEL GI NICAN 32:33

Hizkia mai leu api itig ei dihyei di itig kep nibou ndig nya kikep eisi pima nijjai. Tirigi noni mai su lene timiei Yehuda kin timiei minu ndig Yerusalem yahagom ibon mun di bindo tut gi inggei sut noni nindig bibor. Lene nipmot Manasye kui bigwam nok nibou ndig biya luei nohoti bu.

NIBOHON MBEN ISRAEL GI NICAN 36:19

Noni ya kep ngug tig di bikrop ttai minu ndig Yerusalem binggek lene bindig minu ndig Yerusalem bitut tuhan De Ig kin nibou ndig de ig nya bitut ndigban ngot di nibok kak di jo niti nya hagom cem ningwig a.

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

NEHEMIA 2:13

Mmun mau rino dehei kak Dimbou Pmem Mbang Briep bei mpia nikimbasti bidimbut ei nite bei mpia nibiho kikau bidinjiriek Minyei Bousi Naga kikau ug ei Dimbou Pmem Mumpiang. Lene diyok diyai kep ngug tig dima kin dimbou pmem nya kak dimbutti bidingat lo, hum yem hagom bingwig su.

ESTER 8:6

Dem tut gima ade awak di dani dingat ade limwa nya ei ade ninyeng tak kepti dini icok tut ditde mben bitut yo di imbier kim da ba, imai sinsiou ei bi.”

MAZMUR 102:14

Mporo akiju ba, angondut Sion yo. Ngon bou dem mem gima angondut minu ndig dima.

MAZMUR 102:15

Mbro nok gino ngkiai nya inggek Sion binggek sinsiou tu lo, Ade awak nya ingon ngakei mpia dima. Mbro nok gino Sion wer ndung-diem tu lo, yoni ingondut minu ndig dima.

MAZMUR 137:6

Gino dingon prion ser minu ndig Yerusalem bidingat dingwes ei minu ndig dimati bu bi cem ne nna ba abindei bidipai doia bu bi sren!

MAZMUR 38:7

Dindun bou bidinghim koi sut. Digwam bidimmou ba, dingon cem ngguk ei njap jei.

YEREMIA 52:12

Tirigi Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti di nok nibou pran cem kwei ei minu ndig Yerusalem ei njap nisimnai mem bed nimuhwi bicoi ug ei minu dima.

NIBWOS-BWOS NYENTI 2:9

Ngug tig di lus dima dram dimbou pmem nya ba, mun di ibikibi dimbou nya dahat ningwig o! Nibou ndig kin yo di igya kui noni di inyeng tak kep limwa nya isima ug ei ingkiaisi o! Imam nya iba tuhan de nicukti nya bingginau limwa nya bu bi o! tuhan sindui sut ba, nabi nya ingat ningat-hi-ngat hi bu bi o!

DANIEL 2:4

Yo dima iba nihyet Aram bibuhup “Nnaba na di Nibou Ndig ayaijo ninno! Na di Andigpoi e, apui sut ade mumpriem binye leu api minipai igbit bina tut ningat a.”

DANIEL 3:9

Gima rino ipai bak Nibou Ndig Nebukadnezar “Ma na di Nibou Ndig ayaijo ninno!

DANIEL 5:10

Mpe dima lene nibou ndig nipmem miap nibou ndig kin yo di inyeng jei di yahara-hara nyen ighyet leu api bisau bicoi ug ei ninsi di igyem pesta eisi. Noni pai bak nibou ndig “Nnaba na di Nibou Ndig ayaijo ninno! Nnaba na di Andigpoi angon jo nyahan lene ma aimaisi hai bibor nok gima au.

DANIEL 6:21

Ug krau lene ba ningon di pri bijem “Daniel, awak Allah di niyaijo e, ade Allah di aba angon di gom bikuk na bak sindem mem gima teu na ba, angwes ngun leu singa nya tu e?”

DANIEL 6:6

Gima rino isimbot kep biyam bipai “Bit bon inggok tut mun di ibisrou noni tug hon puig hiter kan bi noro tug hon gi noni bindei mbut nikuk no bak Allahti he.”

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.