NEHEMIA 2:17 - ALLAH NIHYET MEM TUNGWATU NYA

¹⁷ Noro nogindini dimbot kep tut biyok “Ide minu dini kinei bibor ba, ngug tig cem lus bingwig su. Mun di buhun cut igkep nye tu! Jikwei ba, ikinding ngug tig di bikrop ttai ide minu ndig leu binhyepo immai sut itimieisi dini bu bi.”

NEHEMIA 2:17 ပူးပေါင်းရင်းမြစ်များ

EZRA 9:9

Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

NEHEMIA 2:13

Mmun mau rino dehei kak Dimbou Pmem Mbang Briep bei mpia nikimbasti bidimbut ei nite bei mpia nibiho kikau bidinjiriek Minyei Bousi Naga kikau ug ei Dimbou Pmem Mumpiang. Lene diyok diyai kep ngug tig dima kin dimbou pmem nya kak dimbutti bidingat lo, hum yem hagom bingwig su.

NEHEMIA 2:16

Mpe dima lene nibou nya di inyeng tak kep minu ndig Yerusalem hi kan tut dimbutti kin dingon kanti pima bi. Hon kep njap dima ne dimbot kep tut bak disut bat limwa Yahudi nya kin imam nya kin yo di inyeng jei nya kin nibou minu ndig nya yahagom di miba yok bikum da tut midyai dima bi.

MAZMUR 102:15

Mbro nok gino ngkiai nya inggek Sion binggek sinsiou tu lo, Ade awak nya ingon ngakei mpia dima. Mbro nok gino Sion wer ndung-diem tu lo, yoni ingondut minu ndig dima.

MAZMUR 44:13

Aba nibok di laide bitri Ade limwa nya leu api abipek mun nyeng hi bi.

MAZMUR 44:14

Ngkiai nya di ibong ttai nye iba nye bikek ba, ipa ndip nye cem drek dip abibon nyeti dima.

MAZMUR 79:12

tuhan e, ma abuhup mbimuhwindacan bram yam bak mben ngkiai dima yok drek dip ighyet di tigut Na.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

NIBWOS-BWOS NYENTI 2:2

tuhan ngondut yo po ibindei sar bikwop minu mien ei minu Yehuda hagom bi o! Noni ba Nide niggati bihwen tentara nibousi di igya coi nya di ibicuon minu dima hagom bilus ningwig o! Noni bindei timek nibou ndig nya bitut ide ninyeng tak kep limwati nya yahagom ei minu dima apino nimmai jun yok o!

NIBWOS-BWOS NYENTI 3:51

Tirigi dingat notou nyende siceu nya ibibon sop timiei ngot di ingat rin ei nyende minu ndig lene dingon ngguk tut yok.

YEHEZKIEL 5:14

Awer ig kum kroi ningkom ba, ngkiai nya di ibong ttai na miba ighyet bicig na. Bikwop yo di imbut binjiriek na miyoom yok leu na.

MIKHA 7:11

Je di timiei minu ndig Yerusalem e, nikwesti di kei bibor mem gima jikinding ngug tig di bikrop ttai jide minu dideu su. Mpe dima lene jide hanjop nsi mikum eisi bu binindig.

SAMUEL GI NIGOM 11:2

Noro Nahas buhup “Midikwam minggwen bit je ser tug hon nisinati gom ngat nok gini. Midiket jahagom jiyai njep nite jinda com leu. Leu binhyepo dibinim kep mben Israel yahagom.”