NEHEMIA 2:14 - ALLAH NIHYET MEM TUNGWATU NYA

¹⁴ Lene dimbut sir ngug tig nikiou ei nite bei mpia nipriti njiriek Dimbou Pmem Minyei Bousi kikau ug ei Urwer Nibou Ndig. Noro bit bon keledai di digwam dip kak puig kan bi lewo ngug tig di nggek tu nya jo sinsiou ser.

NEHEMIA 2:14 ပူးပေါင်းရင်းမြစ်များ

NIBOU NDIG NYA GI NICAN 18:17

Lene nibou ndig mem mben Asyur cuk nide tentara nya imang bibor ba, ijo leu Lakhis ba, ihwen timiei minu ndig Yerusalem nya. Nide nibou pran di inyeng jei ibou ningai ibie tut tentara dima yok. Ba, yo dini ne Tartan kin Rabsaris kin Rabsaki ri. Tirigi ikwei krau minu ndig Yerusalem lene idis yam ei mpia gom di ijem ninyeng bipia Mpia Yo Di Itot Sinsun Igkei di jo simiak minyei di yehek kwei leu minyei bousi gom di jo nai nindenti dima.

NIBOU NDIG NYA GI NICAN 20:20

Nipas kep tut Nibou Ndig Hizkia niyai munti nindigsi nya bitut mimbri di kui ningkek kin nibon minyei utti kin nibindei ris minyei ug ei minu ndig dimati cem hagom jo ei srat Nibohon Nibou Ndig Mben Yehuda Nyati.

NIBOHON MBEN ISRAEL GI NICAN 32:30

Nibou Ndig Hizkia dima rino hajung ser minyei bousi Gihon nibiamti. Leu api bindei hei minyei ningei ba, biam kak dihyei nyem di itig ei dihyei jou ug ei minu ndig Yerusalem. Ningat ntun mun nyeng di Hizkia bon hagom him.

NEHEMIA 12:37

Tirigi yuug krau Dimbou Pmem Minyei Bousi lene ikrop yok ba, ikui lin di ug ei Daud De Minu Ndig ba, ibitunggwei Daud de ig nibou ndig. Leu api ijuk hanyen bikinyon ei ngug tig dip ba, yuug krau Dimbou Pmem Minyei ei minu ndig nite bei mpia nipriti.

NIBA NINGON SRIP HUKTI 2:6

Dicuk yok ba, itig urwer nya mem minyei leu binhyepo itau minyei bibiprok miai mitou kin biei mmon nghousi kin miai ngot dima yok.