NEHEMIA 13:28 - ALLAH NIHYET MEM TUNGWATU NYA

²⁸ Yoyada ne Imam Nibou Ndig di Elyasib nipmot rin noro nipmot gom jem nipmang bit Sanbalat di nitimieisi leu minu ndig Bet-Horon. Gima rino dijji Yoyada leu minu ndig Yerusalem bihigom.

NEHEMIA 13:28 ပူးပေါင်းရင်းမြစ်များ

EZRA 10:8

Tungwa tou rino kwei ei ninsi njap ningai bi lene nibou nya migyai nide ndigban ba, ima hak leu noni leu api iciu ser no dima ninyeng leu daptar di limwa mben Israel inyeng joti. Nibou nya iba inda ceti bipas ei srat di tibim tut nihyet di buhun dimati.

NEHEMIA 12:10

Yo di intun Imam Nibou Ndig Yesua him pijum inyeng rino Yesua kin Yoyakim kin Elyasib kin Yoyada kin Yonatan kin Yadua.

NEHEMIA 12:22

Gini ne daptar tut nibou ig bei nsi di Lewi nya kin nibou ig bei nsi imam nya ei nijam di Imam Nibou Ndig dini yok inyeng tak kep yokti ri. Imam Nibou Ndig nya inyeng rino Elyasib kin Yoyada kin Yohanan kin Yadua. Daptar di ipas kep dima ngwig hon nohonti mpe di nibou ndig Darius ninyeng tak kep Persia.

NEHEMIA 13:25

Gima rino disok kep yok bidisigion yok cem leu api dibui bihi bidibrim bihi ibou. Lene dicuk yok leu binhyepo yeheng bitug hon Allah ninyeng bipia yoni migya tut imunggwom bat nya ba, iwak sop ngkiai srig yamti hanyen bu bi.

NEHEMIA 2:10

Mpe dima lene Sanbalat leu minu ndig Bet-Horon kin Tobia di nok nibou gom ei minu Amon imiap dinghapti tut gi dikwei cem kep mben Israel di ikinding itimieisi hanyen lene yahacem ingon mpo tut da.

NEHEMIA 2:19

Noro Sanbalat kin Tobia kin Gesyem di mben Arab gom imiap nyeni ninghapti tut ningon kanti dima lene yahagom ipa ndip nye bipai “Ma jibon ndei notou i? Mijaham jimbuk kep nibou ndig minu Persia e?”

NEHEMIA 3:1

Gini ne srat nibohon tut notou nyeni ikinding ngug tig dima ttai minu ndig Yerusalem ninggekti ri. Elyasib di Imam Nibou Ndig ya tut nisut bat imam nya ba, iwin Dimbou Pmem Domba ba, ibikinding dimbou pmem nimeng nya leu api ipiga gima hagom pijum ei mem tuhan. Lene ikinding ngug tig kikau ug ei ig di bon ninggre di jo-jo yam dip ei anai mem gima ibiya ser minu ndig Gi Sratus Gom ba, ibinut bu kikau ug ei ig di bon ninggre di jo-jo yam dip ei anai mem gima ibiya ser minu ndig Hananeel ba, ipiga gima hagom pijum ei mem tuhan.

NEHEMIA 4:1

Tirigi Sanbalat kan tut bipia mben Yahudi ikinyon ei nikinding ngug tigti tu lene ningon sibui sut nye ba, nihyet wer mpiahi tut nye.

MAZMUR 101:8

Midicok tut yo di isibut nya di ibong ei minu dini sindam bikwop mmun-njap hagom bidibindei sar yo di ibon kep mun di kinei nya yahagom leu tuhan de minu ndig.

NIPINGOK NINGONTI 20:26

Nibou ndig di ningon ki ngat igbit yo di isibut bibor nya leu api kes hukum ei yok dip. Noni kos ser ide nisibutti nya bi.

NIPINGOK NINGONTI 20:8

Nibou ndig gwam nok nikei mem tungwatu nya bingat igbit ide mun di kinei nya hagom.