NEHEMIA 13:22 - ALLAH NIHYET MEM TUNGWATU NYA

²² Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:22 ပူးပေါင်းရင်းမြစ်များ

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOU NDIG NYA GI NICAN 23:4

Lene Yosia cuk Imam Nibou Ndig Hilkia kin imam di igya kui noni kin yo di igya ser dimbou hui dima leu binhyepo icat kwar Baal kin kwar Asyera kin kwar ham mpia-bbed him nya bitut imbumbati nya hagom leu tuhan De Ig. Noni bindei ba, indig imbumbati dima yok hagom kep hum ei minu ndig Yerusalem nisai ma kwei dideu Mbang Briep Kidron biket hum pimbang dima hagom biyuug sut ug ei minu ndig Betel.

NIBOHON MBEN ISRAEL GI NICAN 29:24

Igyok inda ei dip bidem leu api imam nya ibui ba, iba ninggrom biprok nimbar hum dok. Iba midut dima biyai nikos ser sisarti gau limwa nya yahagom. Ibon midut nindig mindhe-ndhe titut kin midut nibiyai nikos ser sisarti ei nimbar hum dokti gau limwa nya yahagom nok gima lewo nibou ndig cuk yok tut.

NIBOHON MBEN ISRAEL GI NICAN 29:27

Hizkia yai mun di bitto leu binhyepo ikinyon ei nibon midut nindig mindhe-ndhe ei nimbar hum dokti. Tirigi ibui kep mindhe-ndhe bindig kep ei nimbar hum dokti rino limwa nya iba doia bikon tuhan ninyenga. Lene yo di ikek musik nya iba pun mbrei nya kin nggong mbrei nya kin yeng beng nya kin musik hi ter nya cem bipai doia.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

NEHEMIA 12:10

Yo di intun Imam Nibou Ndig Yesua him pijum inyeng rino Yesua kin Yoyakim kin Elyasib kin Yoyada kin Yonatan kin Yadua.

NEHEMIA 12:30

Imam nya kin Lewi nya dima yok ibon midut nibindei pwoi yonti nipou ug e leu api ibindei pwoi limwa nya kin dimbou pmem nya kin ngug tig ttai minu ndig dima cem.

NEHEMIA 13:14

Lene dingat nadi “Ditde Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEMIA 5:19

Allah e, handei kon ba, ayok ngon kep mun di dibon mem limwa dini yok ba, anjei mun di kei bida drek dip.

MAZMUR 130:7

Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

MAZMUR 5:7

Abindei sar yo di iris mun igkei yahagom ba, angwes om kep niris kep mun cig nya kin nihwen kep mun cig nya.

MAZMUR 51:1

Doia Daud mem no di bie tut doia nimpung

YESAYA 38:3

“tuhan e, ma ayok ngon kep bipia diba dingon gom boom danti nok awak biNa ba, dingon sren cem tu. Dibrim dingkek mem gima dibit angon kanti tu.” Leu api Hizkia ba ningon di ngguk bibor bipim nggruet.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

NINDAT KEP TUHAN NICUKTI NYA 5:12

Ma jipiga Njap Nigwam Kep Ninghuisi ei ba, jitug hon njap dima nok njap di kwes bit leu nok Da di dinok jide tuhan Allah dicuk je tut tu.