NEHEMIA 13:17 - ALLAH NIHYET MEM TUNGWATU NYA

¹⁷ Lene dinjei mun dima yok hagom kep nibou Yehuda nya ba, dibipai biyok “Apo jingon hukti tut gi jibon mun di kinei bibor tug hon gi jibindei di map kui Njap Nigwam Kep Ninghuisi bi e?

NEHEMIA 13:17 ပူးပေါင်းရင်းမြစ်များ

NEHEMIA 13:11

Gima bindei ba, disok kep nibou nya drek dip lewo isindui sut tuhan De Ig bijo hak ei. Dijem Lewi nya kin yo di iba musik bipai doia ba, ingkwei hanyen kwei ei minu ndig Yerusalem leu binhyepo igyai kep ide midyai ei tuhan De Ig hanyen.

NEHEMIA 13:16

Ibou poi leu minu ndig Tirus di ibong timiei ei minu ndig Yerusalem ittei wau kin ndigban nitri hi gom hi gomti kwei ei minu ndig Yerusalem mem Njap Nigwam Kep Ninghuisi leu binhyepo itri bak limwa Yahudi nya bibipek ndiyok.

NEHEMIA 13:25

Gima rino disok kep yok bidisigion yok cem leu api dibui bihi bidibrim bihi ibou. Lene dicuk yok leu binhyepo yeheng bitug hon Allah ninyeng bipia yoni migya tut imunggwom bat nya ba, iwak sop ngkiai srig yamti hanyen bu bi.

NEHEMIA 5:7

bidiyai gi kos tut ei mem gima diyai dibou tut. Leu api dipai kep yo di inyeng jei nya kin nibou limwa nya bidisok kep yok “Jico kep jide bat limwa mben Israel!” Leu api ditri tut bipia suar yahagom idem yam mem gima imbus tut munhyet dini.

NIPINGOK NINGONTI 28:4

No di ningkek ndok tut nikei de nikos tutti nya noyam kin no di tti kin yo di isibut nya. No di bit nikei de nikos tutti nya tte tut yo di isibut nya.

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

IMAM NYA IDE MIDYAI 19:17

Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

MIKHA 3:1

Je di nibou mben Israel e, ma jimiap kep dihyet! Suar ma jikan bidem tut nikos tutti di sren kei nya,

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!