NEHEMIA 13:15 - ALLAH NIHYET MEM TUNGWATU NYA

¹⁵ Ei nijam dima cem dingat lo, limwa Yehuda nya igyai midyai nipot ba anggur ngei ei Njap Nigwam Kep Ninghuisi ba, ibihi bu ikon gandum kin ba anggur ngei kin ba anggur ngat kin biei ara ningat kin ndigban nindigsi nya ei ide keledai ninghim dip bibittei hagom ug ei minu ndig Yerusalem cem. Diggai ser yok leu binhyepo itri mun-bipek ndiyok ei minu ndig Yerusalem mem Njap Nigwam Kep Ninghuisi au.

NEHEMIA 13:15 ပူးပေါင်းရင်းမြစ်များ

NIBOHON MBEN ISRAEL GI NICAN 24:19

tuhan pinak nabi nya ndam yok bipingok ingonti leu binhyepo ingkwei hanyen ndam tuhan ba, yoom yonti binok awak mem Noni. Noro limwa nya itingou nam ser ighyet.

NEHEMIA 10:31

Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NEHEMIA 10:32

Bikwop ari bingwam hagom minikwas nyende perak nibuhunti gram muhwi ba, nibahati tut tuhan De Ig.

NEHEMIA 13:16

Ibou poi leu minu ndig Tirus di ibong timiei ei minu ndig Yerusalem ittei wau kin ndigban nitri hi gom hi gomti kwei ei minu ndig Yerusalem mem Njap Nigwam Kep Ninghuisi leu binhyepo itri bak limwa Yahudi nya bibipek ndiyok.

NEHEMIA 13:21

Noro disok kep yok “Gino joom jingon bijigwam ei ngug tig nisai kikau ug bipek njap tekti lene gima mikui-kausi he. Gino jiyai nok gima mbigom kin bu lene midiyai dibou tut je bibor! Hon kep njap dima kwei ne yo dima ikwei hanyen mem Njap Nigwam Kep Ninghuisi bu bi sren.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

AYUB 39:12

Ayok ngon mem gima noni ug yai gandum kwei leu beisi bikon hagom ei ninghat dip lene mbut tut ug ei ninsi di allet ningan leu nisina bai eisi e?

MAZMUR 50:7

Ditde limwa jen e, midimbrap ug ri. Ma jingig jitingou mem. Mben Israel e, midipai kep je. Dani ne Allah rin bidinok jide Allah.

NEHEI LEUSI 31:12

Lene tuhan sok nihyet ei Musa dip,

NEHEI LEUSI 31:16

Suar mben Israel igyok ngon kep njap dini nok mun di bindo tut gi preu pima bijo ninno bijo kikau.

NEHEI LEUSI 34:21

Diyai njap nitindur muhwindagom bije mem gima jiyai kep jide midyai nya eisi. Noro ma jiyai kep jide midyai nya nok miai di jiyai kin gandum di jike mem njap gi nimuhwindacan au.

NEHEI LEUSI 35:2

Ma jiyai kep jide midyai mem njap nitindur muhwindagom noro njap gi nimuhwindacan ne njap ndig rin ba, Allah dimig njap dima ei mem Nonti. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

NIPINGOK NINGONTI 28:4

No di ningkek ndok tut nikei de nikos tutti nya noyam kin no di tti kin yo di isibut nya. No di bit nikei de nikos tutti nya tte tut yo di isibut nya.

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

YEREMIA 17:24

Ma jibit Ditde nicuk jeti nya hagom. Ma jikon ndigban nyeng gom cem mem Njap Ningwam Kep Ninghuisi ba, jibicoi kak dimbou pmem kwei ei minu ndig dini cem au. Ma jidimig Njap Nigwam Kep Ninghuisi pijum hak ei mem Da lene ma jiyai midyai nyeng gom mem njap dima au.

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 42:19

Leu api dibinut bu “tuhan cuk je di niken-ken di jibong ei Yehuda leu binhyepo juug ei minu Mesir au. Gima rino disok kep je nogindini leu binhyepo jiyok ngon kep,

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MIKHA 6:3

tuhan pai “Ditde limwa jen, dibon mun tunggwei sut je notou i? Notou dikes mun di buhun ei jinghat dip i? Ma jibuhup dihyet hak ug!

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

GALATIA 5:3

Disok kep no di sindui sut hi basunat noni mbigom bu bipia suar noni bit leu Puig Yahudi niggai serti hagom drek dip!

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

NINDAT KEP TUHAN NICUKTI NYA 8:19

Ma jingon prion ser tuhan di nok jide Allah ba, jikuk je bak nung nya bijibon jenti nok awak mem nung nya cem au. Disok kep je njap di ammani bipia gino jiyai nok gima lene tuhan mikes hukum ei je dip bijimai bijingwig.

TESALONIKA GI NIGOM 4:6

Tut gima ne ma hi bon mun tunggwei sut nisut hi biris noni au. Nisok kep je ngkiem ser nipou su bipia Tuhan mikes hukum ei yo di ibon mun tunggwei nok gima dip.