NEHEMIA 12:27 - ALLAH NIHYET MEM TUNGWATU NYA

²⁷ Tirigi ipiga ngug tig di jo ttai minu ndig Yerusalem lene ijem Lewi nya ba, ikwei leu ide minu di ibong niti hagom leu binhyepo iba doia nipai sigyoti bikon tuhan ninyeng ei njap nipiga ngug tig dimati. Yo dini iba yeng beng nya kin nggong brei nya bikon tuhan ninyenga.

NEHEMIA 12:27 ပူးပေါင်းရင်းမြစ်များ

SAMUEL GI NICAN 6:12

Lene Nibou Ndig Daud miap tut bipia tuhan njei mun di kei bak Obed-Edom bitut nide ig bei nsi nya kin mun di noni nyeng tut nya hagom drek dip Brua Gi Preu dima. Gima rino noni ug ei Obed-Edom de ig lene ba nimbos-hi-mbos bikon Brua Gi Preu dima buug sut hanyen ug ei minu ndig Yerusalem.

NIBOU NDIG NYA GI NIGOM 8:63

Noni bon midut nibiyai ningon kwes kin tuhanti tug hon gi ibui sapi ningut sribu nyatungwagom bican kin domba ningut sribu sratus gom ba, nyatungwagom bak tuhan. Tug hon nisinati dima ne noni kin nide limwa nya yahagom ipiga tuhan De Ig tu.

NIBOHON MBEN ISRAEL GI NIGOM 13:8

Lene Daud kin mben Israel yahagom ibien-bien nyen ba, ibingon mingon ser. Lene iba ingon di llei bibor bikon Allah ninyeng ba, ibikek nggong mbrei kin ndug-ndug kin yeng beng ngkimom-tembaga di ibui kin pun mbrei cem.

NIBOHON MBEN ISRAEL GI NIGOM 15:12

bipai biyok “Jeni ne nibou mem jide bat nya di intun keret Lewi him ri. Gima rino suar jeni kin keret Lewi nindigsi nya jibon midut nipiap jenti bipwoi. Leu api jittei tuhan Allah Israel De Brua Gi Preu kwei ei mpia ttou nsi di ditin ei mem tu.

NIBOHON MBEN ISRAEL GI NIGOM 15:16

Daud cuk nibou Lewi dima yok leu binhyepo indo ibou poi leu ide keret mem gima ipai doia ba, ibikek nggong mbrei kin yeng beng ngkimom-tembaga di ibui cem ba, ibipai doia niyai nillei cem.

NIBOHON MBEN ISRAEL GI NIGOM 15:28

Mben Israel yahagom injei nyahan bit Brua Gi Preu dima kikau ba, ikwei krau minu ndig Yerusalem kep. Lene iba ingon di llei bimbos-hi-mbos cem imiep pun mbrei nicun nya kin nijei nya cem ibui yeng beng ngkimom-tembaga cem ikek nggong mbrei nya cem.

NIBOHON MBEN ISRAEL GI NIGOM 15:4

Leu api noni nduk yo di intun Harun kin keret Lewi nya him ba, idem yam biyongkom.

NIBOHON MBEN ISRAEL GI NIGOM 16:42

Heman kin Yedutun cem inyeng tak kep yo di iba pun mbrei kin yeng beng ngkimom-tembaga pima di ikek kep bibibit doia di ipai bibikon tuhan ninyenga. Lene yo di intun Yedutun ninsi de him nya igya ser dimbou pmem nya ei gumihyep dima.

NIBOHON MBEN ISRAEL GI NIGOM 16:5

Asaf ne nibou di ya bibie mem yok ri. Lene Zakharia ya kui noni. Idimig Yoel kin Semiramot kin Yehiel kin Matica kin Eliab kin Benaya kin Obed-Edom kin Yeiel ei mem gima ikek nggong mbrei nya. Asaf bui yeng beng ngkimom-tembaga ba,

NIBOHON MBEN ISRAEL GI NIGOM 23:5

Noni dimig ibou sribu bitai ei nok yo di igya ser tuhan De Ig a. Lene dimig ibou sribu bitai bu ei mem gima iba musik di itin ei su nya bipai doia mem gima ibinggei sut tuhan ninyenga.

NIBOHON MBEN ISRAEL GI NIGOM 26:31

Yo di intun Hebron him ide nibou di bie tut yok ninyeng Yeria. Mpe di Daud ninyeng tak kepti ug ei ari bingwam gi ningot bitai su lene igyok igyai kep binggok tut yo di intun Hebron him. Igyok igyai kep Hebron nide bat nya leu api jo nibreisi mem yok bipia tentara ibou poi di intun Hebron him di mimbri kui ingkek ibong ei Yazer ei Gilead de hanjop.

NIBOHON MBEN ISRAEL GI NICAN 29:25

Nibou ndig kes Lewi nya ei tuhan De Ig mem gima iba nggong mbrei kin yeng beng bipai doia noyam kin gi po Daud krau kep nipou pima. Noni yai bram Daud niyaisi dima bit leu tuhan nipingok Daud ningonti tug hon Nabi Gad kin Nabi Natanti. Nibou ndig kes imam nya cem ba, ikrau pun mbrei nya bigya ei sirima.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

NIBOHON MBEN ISRAEL GI NICAN 7:6

Imam nya igya igyati ei mpia di indo mem yok ba, iba yoho rok Lewi nya di iba mun nyeng hi gom hi gom po Nibou Ndig Daud bon bou ninda him pima bikon tuhan ninyeng ba, ipai doia “tuhan ningon ngakei tungwatu nyati jo kikau buug hon nohonti bi sren.” Doia dima bit leu Daud nipingokti. Limwa nya yahagom igya igyati lene imam nya yuhui jo kep pun mbrei bimiep.

EZRA 6:16

Lene mben Israel bitut imam nya kin keret Lewi nya kin yo di ingkwei hanyen kwei leu ingkiaisi yahagom iba ingon di llei bibor bipiga tuhan De Ig a.

NEHEMIA 11:20

Limwa Israel nya kin imam nya kin Lewi nya gi nindigsi nya yahagom ibong hak ei ide dihyei di jo bidem minu ndig kin minu mien ngot ei hanjop Yehuda nisurti-nipekti.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

NEHEMIA 8:17

Limwa nya di ingkwei hanyen kwei leu ingkiaisi yahagom yohok ig jibei nya bibong ser. Nipou yo tirigi yohok ig jibei mpam meng mem nijam Yosua di Nun nipmot kikau kwei bipek ammani kep ne ingon prion ser midut dima lo, ikinyon eisi hanyen njap di ammani tu. Gima rino tungwatu nya yahagom ingon llei bibor cem ingon nggei-hi-nggei cem.

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

MAZMUR 30:1

Doia Daud mem nipiga Allah De Igsi.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 20:5

Leu api ma nibou tentara nya ihig ser jeni ‘No di sindi ngot nide ig biput noro bon midut nipiga ig dima bigyo ningat rin ei jikieti e? Gino ningat rin ei jikieti lene ma no dima ngkwei hanyen hak ug. Leu gino mai nimbiam ei pranti leu lene hiter mibong kep nide ig ri.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.