NEHEMIA 10:37 - ALLAH NIHYET MEM TUNGWATU NYA

³⁷ Minittei tepun di niba gandum di nikos nimbie him ngat biniyai bak imam nya ei tuhan De Ig bikwop ari bingwam. Miniyai nok gima tut munkwas nindigsi nya nok ba anggur ngei kin mini zaitun ngei kin biei ngat nindigsi nya cem. Minikwas ningat leu miaisi gom leu ningot gom lene nok leu api nikes hagom ei Lewi nya indati. Lewo yoni ingon ya mem gima imbus munkwas nya gom leu ningot gom lene nok gima bidem minu ndig di niyai miai eisi nya hagom.

NEHEMIA 10:37 ပူးပေါင်းရင်းမြစ်များ

NIBOHON MBEN ISRAEL GI NICAN 31:6

Yo di ibong bidem minu Yehuda yahagom ikwas ide mindhe-ndhe nimuhup tu di nok sapi nya kin domba nya ningut gom leu ningut simnai lene nok kin mun nindigsi nya mang bibor bu cem ba, ikwas hagom tut ide tuhan Allah.

NEHEMIA 13:10

Ter leu gima ne dingat lo, yo di iba musik bipai doia kin Lewi nya imbut bintek leu minu ndig Yerusalem bingkwei hanyen ug ei itimieisi bigyai miai ei idihyei bidem yok hanyen lewo limwa Israel nya igimpu yok tut isuarti nya bi.

NEHEMIA 13:12

Gima bindei ba, limwa Israel yahagom ikinyon ei nikwas gandum kin ba anggur ngei kin mini zaitunti ba, ikwas gom leu ningot gom lene nok tut tuhan De Ig hanyen bittei hagom ug ei ninsi ninju ndigban ngug-ngau eisi.

NEHEMIA 13:5

Noni ndo nghim nsi ndig gom di ibet pijum ei mem gima inju munkwas nok gandum kin biei nggrai di ui-gwang kei kin nimbumbati di ibiyai midyai ei tuhan De Ig kin munkwas mem imam nya bitut gandum kin ba anggur ngei kin mini zaitun ngei di ikwas gom leu ningot gom lene nok tut Lewi nya kin yo di iba musik bipai doia nya kin yo di igya ser tuhan De Ig bak Tobia bibongti.

NEHEMIA 13:9

Leu api dicuk Elyasib leu binhyepo bon midut nibindei kwes ninsi dima. Gima leu api dibindei ngkwei nimbumbati mem tuhan De Ig kin gandum di ikwas tut tuhan kin biei nggrai di ui-gwang kei hagom ei ninsi dima hanyen.

NEHEI LEUSI 13:12

suar jidimig jipmot mighumbou nya yahagom ei mem Allah. Nok gima tut jide mindhe-ndhe nipmot bou nya cem bak. tuhan ninyeng tak kep hagom.

NEHEI LEUSI 13:2

“Ma adimig munggwom pinai mighumbou nya yahagom ei mem Da lewo dinyeng tak kep mben Israel ide munggwom pinai mighumbou nya kin ide mindhe-ndhe nipmot bou nya yahagom.”

IMAM NYA IDE MIDYAI 23:17

Lene ma bikwop ig ceu gom-gom kon roti nindak can kwei bijo nai ei Doho bei nok mun di bon ninyeng mem Da. Ma iba tepun kilo can di roti ninjep srigsi binon roti nindak gom lene nok. Gini ne mun di ikwas leu ide gandum nintam di ike bibie tut Da di tuhan ri.

MALEAKHI 3:10

Ma jipwoi jide mun nyeng gom leu ningot gom, gom leu ningot gom titut yam kwei ei Tuhan De Ig leu binhyepo njita mpung bibor ei Ditde Ig. Tug hon nisinati dima ne jibiyai hamem Da leu api jingat lo, dikau dimbou pmem ei gwamti nya bidinjei mun di kei nyeng hagom bak jeni.

MALEAKHI 3:8

Nogindini dihig ser je ‘Da di Allah disindui sut tungwatu nya biris Da e?’ Jo nibreisi bipia bit bon jiris Da bi sren. Noro jiris Da tu bijihig ser Da ‘Notou niris Na i?’ Dibuhup “Jiris Da tug hon munkwas di jiyai biDa bi. Gima ne mitiei gom leu ningot gom, gom leu ningot gom kin mun di jinyeng tut di jikwas mikuisi tut Da bi cem.

MBEN ISRAEL IMBUT-MBUT NYEN 18:15

Bitut mben Israel ipmot mighumbou nya kin ide mindhe-ndhe nihyen kep nipmot bou nya hagom di ikwas pijum tut Dani ne ade ri. Noro suar asindui sut ba, mben Israel iba mitiei bipek ipmot mighumbou nya kin ide mindhe-ndhe di map kuisi nya hanyen.

MBEN ISRAEL IMBUT-MBUT NYEN 18:18

Lene ama mikwau di nok ningget kin nindimuhum nite ninda com di imam su ninda tut biDa bou na nok ade.

MBEN ISRAEL IMBUT-MBUT NYEN 18:21

tuhan pai bak Harun “Bikwop mben Israel ide munkwas gom leu ningot gom lene nok hagom midiyai bak Lewi nya. Gima ne ide mun ninda rom nok imuhup di itug ndei drek dip midyai di igyai ei Ditde Prak Meng nsi ri.

ROMA 11:16

Gino tungwagom yai roti ninggop gi nigom bak Allah lene gima noyam kin gi noni yai roti nitindak titut yam bak Allah tu. Ba, gino Allah nyeng tut biei nigau lene gima bindo bipia ninggrupti cem Nide ri.

NINDAT KEP TUHAN NICUKTI NYA 14:22

“Suar jikwas ningat gom leu njita ningot gom bibikwop nok di jiyai kwei leu jide miaisi nya hagom ei bikwop ari bingwam.

NINDAT KEP TUHAN NICUKTI NYA 18:4

Nok gima cem ma itug ndei ningat nimbie him leu gandum kin ba anggur ngei kin mini zaitun kin domba nta cem nok ide ri.

NINDAT KEP TUHAN NICUKTI NYA 26:2

lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.