NEHEMIA 10:31 - ALLAH NIHYET MEM TUNGWATU NYA

³¹ Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NEHEMIA 10:31 ပူးပေါင်းရင်းမြစ်များ

NIBOHON MBEN ISRAEL GI NICAN 36:21

Gima pek kep mun di tuhan tri tut tug hon Yeremia bipia minu dini micut ei ningoi-ngati kikau mem nijam ari bingwam ningot muhwindacan ba, biluei Ari Bingwam Gi Nimuhwindacan Nikes Sidumti Pijum Hak Ei Mem tuhanti po inyohou bi pima.

NEHEMIA 13:23

Ei nijam dima cem dingat lo, limwa Yahudi imang bibor di iwak sop ngkiai di mben Asdod kin Amon kin Moab nya.

NEHEMIA 13:27

Jibon mun di kinei bibor jit tu! Jibrim jingkek kep Allah bijihwen bit Noni tug hon gi jiwak sop ngkiai nya dima!”

NEHEI LEUSI 12:16

Ma jidem yam ei mem jikuk je biDa mem njap gi nigom kin njap gi nimuhwindacan. Suar jikes jinda tut jide midyai nya mem njap dini yok lo, tut njita di jingei mem jenti lene dipai ser bi.

NEHEI LEUSI 20:10

Noro njap gi nimuhwindacan ne njap di jigwam kep jinghuisi. Ma jibet njap dima ei mem Da. Harin dima jiyai kep jide midyai nya mem njap gi nimuhwindacan a. Bitut jeni kin jimunggwom bat nya cem jide awak nya cem jide mindhe-ndhe nya cem ngkiai nya di ibong srig jikieti cem jahagom.

NEHEI LEUSI 34:16

Leu gino jipmot bat nya miwak sop ngkiai nya lene sop dima yok mibidip huk yok leu binhyepo ikes Da ei leu ba, yuug kuk yok bak ide nung nya.

YESAYA 58:6

Noro niyem njita bi mem nituti poi di dingon llei sut rinok gini. Ma jico kep tungwatu nya ba, jipai kep yok ei nikei noho bei bu au. Lewo gima dem kep nok lante di biteu ikimam kin mun di buhun tak yok. Ma jikes yo di isima hukum mikuisi nya ba, imbut hak.

IMAM NYA IDE MIDYAI 16:29

Suar mben Israel ibit dicuk yokti dini bijo ninno bijo kikau. Ug ei njap gi nisimnai ei bed gi nimuhwindacan lene ma yoni kin ngkiai nya di ibong bit yok yahagom isindui njita mem nituti poi lene inda jo kep ide midyai nya cem au.

IMAM NYA IDE MIDYAI 23:21

Harin dima jiyai kep jide midyai di buhun nya mem njap dima a. Noro ma jinduk yam ei bijikuk je biDa. Suar dicuk jeti dini jo kikau mem jide nintun him yamti di bram yam nya cem leu binhyepo ibit ei ibong kepti nya hagom bijo ninno bijo kikau.

IMAM NYA IDE MIDYAI 23:3

Ma jiyai kep jide midyai nya ei njap nitindur muhwindagom. Lene ma jiyok ngon kep bipia njap gi nimuhwindacan ne Njap Nigwam Kep Ninghuisi mem gima jigwam kep jinghuisi ri. Harin dima jiyai kep jide midyai nya mem njap dima a. Noro ma jinduk yam ei bijikuk je ei Doho bei. Njap gi nimuhwindacan nok Ditde njap mem je ei jibong kepti nya hagom.

MATIUS 6:12

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

KOLOSE 2:16

Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!