NEHEI LEUSI 9:27 - ALLAH NIHYET MEM TUNGWATU NYA

²⁷ Lene Firaun sok nihyet bak Musa kin Harun bikwei ngat noni lene pai biyok “Dibon sisar tu. tuhan ningon sren lo, dani kin ditde limwa nya nibon mun di tunggwei.

NEHEI LEUSI 9:27 ပူးပေါင်းရင်းမြစ်များ

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

MAZMUR 129:4

Noro tuhan di ningon sren-srau kwek nye leu gi yuubon nye nok awak.

NIBOHON MBEN ISRAEL GI NICAN 12:6

Lene Nibou Ndig kin nibou di igya kui noni ipai jit ei nibreisi bipia ibon sisar tu. Ibuhup “Mun di tuhan bon dima ne gi igbit hak ri.”

NEHEI LEUSI 10:16

Lene Firaun bipbur ba, hig Musa kin Harun kwei bipai biyok “Jo nibreisi bipia dibon mun tunggwei sut tuhan di nok jide Allah ba, dibon mun tunggwei sut jeni cem.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

DANIEL 9:14

tuhan di nyende Allah e, atin ei hukum mem nye nipou su leu api abindei ba, hukum dima cut igkep nye lewo ayai munti nya hagom igbit ba, sren-srau cem noro nikou sut gi ningig nitingou mem ahyet.

MBEN ISRAEL IMBUT-MBUT NYEN 22:34

Lene Bileam buhup “Dibon sisar tu. Gi po Andigpoi ya ser puig tut da ba, bigen ser da pima jo nibreisi mem da bi. Gino Andigpoi joi sut lene midingkwei hanyen ug ei ig bei hak ug.”

SAMUEL GI NIGOM 26:21

Leu api Saul buhup “Daud dipmot na e, dibon mun tunggwei sut na tu noro ma akwei hanyen. Midibon mun di kinei tut nani bu bi. Lewo aom angonti tut da ba, asindui sut bidiyaijo ei mmun di aponi pima. Dingon mbum jit ba, dibon mun tunggwei sut nani nindig bibor tu.”

SAMUEL GI NIGOM 15:24

Lene Saul buhup “Jo nibreisi bipia dibon sisar tu. Dibit Allah nicuk dati kin ade nipingok dati nya bi. Dittin tut ditde limwa nya bidisindui sut yoni igyai mun bit leu ingon kanti.

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

SAMUEL GI NIGOM 15:30

Lene Saul buhup “Dibon sisar tu. Noro na di Andigpoi e, abit da ba, singkwei hanyen leu binhyepo dikuk da bak tuhan di nok ade Allah. Tug hon nisinati dima ne angon mpo tut da ei nibou mien nya kin mben Israel nindigsi igyai him bi.”

NEHEI LEUSI 8:8

Lene Firaun jem Musa kin Harun kwei bipai biyok “Ma jingat nadi bak tuhan leu binhyepo Noni micok tut ugwaham dini yok hagom bingwig leu nye apino midisindui sut jide limwa nya bimbut. Leu binhyepo ibon midut nindig mindhe nya kep hum ei tuhan Noho bei.”

NEHEI LEUSI 8:25

Lene Firaun sok nihyet bak Musa kin Harun bipai biyok “Ma jahagom juug nggok mpia tou nsi di mem gima jibon midut nindig mindhe kep hum ei Allah Noho bei ei minu Mesir hak ug.”

NEHEI LEUSI 10:17

Ma jikos ser ditde sisar di dibon tunggwei sut je mbigom ngat ndini leu api jingat nadi bak tuhan di nok jide Allah leu binhyepo Noni miyai hukum di bindei nimai dini leu da.”

MBEN ISRAEL IMBUT-MBUT NYEN 21:7

Lene ikwei ngat Musa bipai jit bipia Nibon sisar tirigi nisrep tut tuhan kin nani. Ma angat nadi leu binhyepo tuhan mijji wou piet dini yok leu nyeni nikieti. Gima rino Musa ngat nadi tindei yok.

YOSUA 7:20

Lene Akhan buhup “Gima nijit. Dibon sisar tut Israel ide tuhan Allah ba, diyai nok gini.

SAMUEL GI NICAN 12:13

Lene Daud buhup “Dibon sisar tut tuhan tu.” Lene Natan pai binoni “Andigpoi e, tuhan kos ser ade sisar tu. Apino ma atug ndei nimai drek dip bi.