NEHEI LEUSI 9:17 - ALLAH NIHYET MEM TUNGWATU NYA

¹⁷ Mbro nok gima lo, ningon jei bijo ninno apino noni mikou sut gima kes Ditde limwa nya bimbut.

NEHEI LEUSI 9:17 ပူးပေါင်းရင်းမြစ်များ

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

YESAYA 45:9

Buhun bibor mem no di tte tut tuhan di pai tes noni. No dima noyam kin dibijig gom di srep tut no di bibon noni tu. Igtuyap hig ser noni “Aba da bibon mindei i?” Dibijig nso tut noni bipai “Angon mbum ba, abon da kan bi e?”

YESAYA 37:29

Dimiap tut ade niggati kin ade nikon nantiti dima. Nogindini diba ngkimom koisi biteu ahwap jou bidiba kuk kin ngkimom nitu buhum ahui leu binhyepo dijem na ba, angkwei kak puig di ambut kak kwei pima hanyen.”

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 10:15

Noro tuhan pai “Apo ma oi bon ninyeng jei dor njiriek no di krau oi dima ei nindati e? Apo ma sigigi bon ninyeng dor njiriek no di ba sigigi dima biyai midyai e? Biprip rino krau tungwatu bi noro tungwatu rino krau biprip a.”

AYUB 40:9

Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

NEHEI LEUSI 9:18

Njap di hyep bu mem jam di noyam kin mpia di nok gini lene midibindei ba, biget mbras nok tig njep ug ri. Ba, nibuhunti dor njiriek biget di mbras nok tig njep ei minu Mesir habiei ei nimbie him kikau kwei bipek ammani kep.

YEHEZKIEL 28:6

tuhan Di Ninyeng Jei Bibor pai, “Nibou ndig Tirus e, akon nanti noyam kin Allah.

DANIEL 5:20

Noro ningon di jei bibor kin ningon di tindak kin ningon di mbuk dima bindei ba, Allah om noni leu nide banggo mbrei leu api ninyeng di jei pror yon hak leu noni.