NEHEI LEUSI 9:16 - ALLAH NIHYET MEM TUNGWATU NYA

¹⁶ Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

NEHEI LEUSI 9:16 ပူးပေါင်းရင်းမြစ်များ

SAMUEL GI NICAN 7:23

Ngkiai nya ei dihyeisi dini noyam kin Israel bi. Lewo ateu mben Israel leu awak leu binhyepo abibon yok ba, inok Ade limwa nya. Mun di sindem bibor kin mun di mindur di abibon mem yok bindei ba, tungwatu nya itri tut bidem dihyei nisurti-nipekti tu. Ajji ngkiai nya bitut ide kwar nya bingwig sindam tirigi Ade limwa nya icoi ug ei ide minu bikon pran bit yok tu.

NIBOU NDIG NYA GI NICAN 19:35

Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.

NIBOHON MBEN ISRAEL GI NIGOM 16:24

Jitri tut tuhan Ninyeng Di Jeisi bak mben nya yahagom. Jitri tut niyai munti di nindig bibor nya bak tungwatu dihyeisi dini hagom.

NEHEMIA 9:10

Abindei mun di mindur di buhun bibor cut igkep nibou ndig mem mben Mesir kin yo di igya kui noni kin nide limwa nya yahagom lewo angig ayai kep Ade limwa nya tirigi mben Mesir ihwen bit yok. Mun dima bindei ba, anyeng jei bibor kikau kwei bipek ammani kep.

MAZMUR 106:8

Noro tuhan teu yoni bingwes ngun tug hon Nonti njem leu binhyepo ndo Nide nisindem biborti brei biyok.

MAZMUR 64:9

Isar drek dip yonti ighyet ba, yo di ingat yok yahagom ikit ibou leu.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

NEHEI LEUSI 14:17

Midibindei ba, mben Mesir ingkek ndok bibor apino yoni miyuhuk bram je di mben Israel kak muk tti leusi. Leu api midindo Ditde nisindemti brei bak Firaun kin nide tentara nya kin nide kroba pran nya kin nide yo di ibri bikrau nya.

NEHEI LEUSI 14:4

Mpe dima lene midibindei ba, Firaun ningkek ndok bibor bu leu api noni muhuk bram je. Noro midindo Ditde nisindemti brei binoni kin nide tentara tirigi dibindei timek yok. Leu binhyepo yoni mikan tut bipia Dani ne tuhan ri.” Lene mben Israel igyai hagom bit leu nok tuhan nicuk yoti.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

NEHEI LEUSI 9:15

Gino dikes hukum ei yok dip tug hon ninggwen di buhun bibor lene ningat ne yahagom imai bingwig su.

NEHEI LEUSI 9:17

Mbro nok gima lo, ningon jei bijo ninno apino noni mikou sut gima kes Ditde limwa nya bimbut.

NIPINGOK NINGONTI 16:4

tuhan niyai kepti nya hagom muug bipek nipekti. Yo di isibut nya yuug dor nipekti dino nisar ningwigsi.

YEREMIA 32:20

Nipou yo ne abon mindur kin mun di bibon ninggap leusi nya ei minu Mesir. Abon nok gima kikau kwei bipek ammani kep ei mben Israel kin ngkiai nya ikieti apino anyeng di jei bibor tibim ug ei dihyei nisurti-nipekti.

YEHEZKIEL 39:21

tuhan pai “Midindo Ditde nikei-kau-keisi bak ngkiai nya bingat. Yahagom mingat gi diba Ditde nisindemti bindei mbut nikos tutti di sren kei nya.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MBEN ISRAEL IMBUT-MBUT NYEN 14:21

Noro dipai tug hon neheng bit leu nok diyaijo bijo ninno bijo kikau ba, bit leu nok dingat rin bidem ei dihyei nisurti-nipekti cem bipia,

ROMA 9:17

Lewo Allah Nihyet pai sut Allah di pai bak nibou ndig minu Mesir “Dita nani nok nibou ndig bit leu dingon kanti gom ngat he. Dindo Ditde nisindemti bina leu binhyepo tungwatu nya mitri tut dinyeng jeisi kikau ug bipek minu nohon keti.”

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

YOSUA 4:24

Leu binhyepo tungwatu dihyeisi dini hagom mikan tut bipia tuhan sindem bibor. Tug hon nisinati dima lene mijibinggei sut Noni ninyeng bijo ninno bijo kikau.”

PETRUS GI NIGOM 2:19

Gino jiba jibou coi mem jiceu bat nya di ihwen bit je mikui-kausi ba, jibikan bipia gini Allah ningon kanti mem je rin lene Noni minjei mun di kei bak jeni drek dip.

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

SAMUEL GI NIGOM 4:8

Tou rimiteu nye ba, ingwes ngun leu yo dima ide kwar di ikuk yok bak di isindem bibor dima i? Ide kwar di ikuk yok bak dima yok ikon pran bit tentara Mesir ei iggum ndigsi pima bibindei ba, itimek tu!