NEHEI LEUSI 8:15 - ALLAH NIHYET MEM TUNGWATU NYA

¹⁵ Noro hammi tirigi Firaun ngat lo, ugwaham nya hagom imai bingwig nok rino ningkek ndok tut Musa kin Harun ighyet pima hanyen bibit bi bit leu nok tuhan nipaisi.

NEHEI LEUSI 8:15 ပူးပေါင်းရင်းမြစ်များ

YESAYA 26:10

Mbro nok gino nibibon yo di isibut nok gi igbit lo, ingon dorti tut igyai munti di igbit nya bi. tuhan e, Ade nikos tutti di sren-srau mbut sindem ei minu dini noro yo dima ibon mun di kinei ba, ibikou sut Ade nisindemti.

IBRANI 3:15

Bit leu nok gi ipas ei Allah nihyetti “Gino jimiap Allah nihyet mem Njap di Ammani lene ma jingkek ndok nok jidigup bat-jidigai bat nya di yaham imbuk kep Noni au.”

IBRANI 3:8

lene ma jingkek ndok nok jidigup-jidigai bat nya di ingkek ndok tut Allah au. Lewo isrep tut Noni ba, ibingon Noni ei iggum ndigsi mem nijam dima.

NIBA NINGON SRIP HUKTI 8:11

Nggon rino krop kei mem tungwatu ibon mun di kinei i? Lewo ikan tut bipia nikei mikes hukum ei yok dip haninyai drek dip bi.

NEHEI LEUSI 7:4

Mpe dima lene midikes hukum di buhun bibor ei yok dip leu api midibuwak Ditde limwa di mben Israel yahagom ba, yehei bingwes ngun leu minu Mesir.

NEHEI LEUSI 14:5

Tirigi Firaun miap tut mben Israel inghapti bipia yahagom inang bingwes ngun leu su lene noni kin yo di igya kui noni yahagom iluei ingonti bihig yam “Igyai mun di tunggwei nindig bibor ba, ikes mben Israel bimbut ba, ingwes ngun leu nye apino ibon ide awak nya hi bu bi!”

NEHEI LEUSI 4:21

Lene tuhan pai hanyen bak Musa “Nisindemti mem gima abibon mindur nya ne diyai bina tu. Tirigi aug krau minu Mesir hanyen bu lene abibon mindur pima hagom ei Firaun noho bei. Noro midibindei ba, ningkek ndok tut ahyet apino noni mikes mben Israel bimbut bingwes ngun bi.

NINGAT-HI-NGAT NYA 16:9

Mpia wam bibor bitigut yok apino ikucang Allah lewo Noni sindem ba, bindei nsuwer ajar dima yok hagom cut igkep yok. Noro ikou sut gi ittin ser ide sisar kin gi ikiek yok ndam Allah kin gi inggei sut Nide nisindem biborti.

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

NEHEI LEUSI 8:8

Lene Firaun jem Musa kin Harun kwei bipai biyok “Ma jingat nadi bak tuhan leu binhyepo Noni micok tut ugwaham dini yok hagom bingwig leu nye apino midisindui sut jide limwa nya bimbut. Leu binhyepo ibon midut nindig mindhe nya kep hum ei tuhan Noho bei.”

NEHEI LEUSI 8:14

Lene mben Mesir iroi hagom kok yam bikui sur mpia ei apino minu dima hagom mpiei bibor.

NEHEI LEUSI 8:16

Lene tuhan pai bu bak Musa “Ma acuk Harun bisu nide tom ba, bibui dihyei ninjek dip leu api dihyei ndung hagom midem kep nok amihip nya bikieng kep minu Mesir nisurti-nipekti hagom ug ri.”

NEHEI LEUSI 8:28

Lene Firaun ce bipai “Nna ba, midice tut ba, juug ei iggum ndigsi leu binhyepo jibon midut dima bak tuhan di nok jide Allah. Noro ma jimbut ug ei minu ting au. Lene jingat nadi tindei da.”

NEHEI LEUSI 8:29

Leu api Musa buhup “Mbigom tirigi dikes na di Andigpoi ei bidimbut lene midingat nadi bak tuhan leu binhyepo kros nya hagom mipror leu nani kin yo di igya kui nani kin ade limwa nya yahagom mem njap di hyep. Noro ma aris binye bu ba, acuon ser nye di mben Israel di nimbut mem nibon midut dima ei tuhan Noho bei bu au.”

NEHEI LEUSI 8:32

Noro dem kep nok gi nipou pima ba, Firaun ningkek ndok tut mben Israel bisindui sut yok bimbut bi.

SAMUEL GI NIGOM 6:6

Nggon rino jingkek ndok nok gi po nibou ndig mben Mesir kin nide limwa nya ingkek ndok pima i? Ma jiyok ngon kep bipia Noni ba mben Mesir bikek kikau bibou ikes yok bingwes ngun leu minu Mesir ug e.

NIPINGOK NINGONTI 26:11

No di ningon mbum di yai-yai nyen niyai kepti di bon ariwace rinoyam kin nsien di ngkwei bipiei ninjim hanyen.

SAMUEL GI NIGOM 6:3

Lene yo dima ibuhup “Ma jitug Brua Gi Preu dima hanyen bak Allah kin gi hei he au. Noro ma jikwas jide mun di kei hi tut Noni cem leu binhyepo jibigo gau jide sisar. Tug hon nisinati dima rino mijikei hanyen leu ninggwen di cut igkep je ba, mijo nibreisi mem je bitig dino mben Israel ide Allah kes hukum ei jeni dip cem.”

SAMUEL GI NIGOM 6:9

Lene ma jitou kep imbutti. Gino sapi nya imbut hallu kak puig ndam Bet-Semes lene mijo nibreisi mem nye bipia Allah Nonti ripo kes hukum di buhun bibor pini ei nye dip a. Ne gino sapi nya imbut ter lene gima mibindo brei binye bipia Allah Nonti ripo kes hukum dima ei nye dip bi noro mun di buhun bibor dima cut igkep nye mikui-kausi.”

SAMUEL GI NIGOM 6:12

Lene sapi nya yonti imbut tut kroba bimbut hallu kak puig ndam Bet-Semes ba, israwir bi. Lene idungwek kak imbutti kikau lo, nibou ndig mben Filistin ibou muhwi pima igya abia kep yok bingkwei hon minu Bet-Semes niya kwas yamti.