NEHEI LEUSI 8:1 - ALLAH NIHYET MEM TUNGWATU NYA

¹ Leu api tuhan pai bak Musa bu “Ma aug pai bak Firaun bipia dikes dihyet bak noni leu binhyepo noni sindui sut Ditde limwa nya bimbut ug leu binhyepo ikuk yok biDa.

NEHEI LEUSI 8:1 ပူးပေါင်းရင်းမြစ်များ

MAZMUR 105:30

Noni bindei bu ba, ugwaham di sider wap nya ngwig kep minu Mesir kin nibou ndig de ig cem.

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

NEHEI LEUSI 3:18

Ditde limwa nya mingig itingou mem ahyet. Lene abuwak nibou mben Israel ba, juug ngat Firaun leu api apai binoni bipia tuhan di nok mben Ibrani ide Allah ndo Nonti bina tu. Suar Firaun sindui sut je bijimbut jimig mem mmun-njap ningai ug ei iggum ndigsi leu binhyepo jibon midut nindig mindhe-ndhe ei humti bak tuhan di nok jide Allah.”

NEHEI LEUSI 4:23

Dikes dihyet bak noni mem gima noni sindui sut dimunggwom ba, mbut leu binhyepo kuk no biDa. Noro noni mikou sut. Gi nok lene midiyai nimai bak nonti nimunggwom mighumbou.”

NEHEI LEUSI 5:1

Lene Musa kin Harun yuug ngat Firaun bipai binoni “tuhan di nok mben Israel ide Allah sok nihyet bak na di Andigpoi bipia suar asindui sut Nide limwa nya bimbut ug ei iggum ndigsi leu binhyepo ikuk yok biNoni ei sirima.”

NEHEI LEUSI 5:3

Lene Musa kin Harun ipai binoni “Mben Ibrani ide Allah ndo Nonti binye tu. Gima rino ma asindui sut nye binimbut ug ei iggum ndigsi mem mmun-njap ningai leu binhyepo nibon midut nindig mindhe kep hum ba, nibikuk nye ei tuhan Noho bei. Gino niyai igbit tuhan nicuk nyeti bi lene nahagom minitug ndei nimai tug hon ninggwen di buhun kin pran cem.”

NEHEI LEUSI 7:16

Lene apai binoni bipia tuhan di nok mben Ibrani ide Allah cuk na kwei. Lene apai bak Firaun bipia suar noni kes Ditde limwa nya bimbut ug ei iggum ndigsi leu binhyepo ibon midut nindig mindhe kep hum bak Dani ei mpia dima. Noro Firaun ce tut bibit dihyet bi kikau kwei bipek ammani kep.

NEHEI LEUSI 7:25

tuhan sigion Minyei Nil bijo njap muhwindacan kep leu ug e.

NEHEI LEUSI 8:2

Gino Firaun kou sut lene midikes hukum dino ugwaham di sider-wap nya mingwig kep minu Mesir.

NEHEI LEUSI 8:20

Lene tuhan pai bu bak Musa “Ma aug um Firaun njap di hyep bu mem ha yausi tirigi noni juk ug ei Nil nyai leu api apai binoni bipia Da dicuk noni bipia suar noni sindui sut Ditde limwa nya bimbut ug leu binhyepo ikuk yok biDa.

NEHEI LEUSI 9:1

Lene tuhan pai bu bak Musa “Aug ngat Firaun ba, apai binoni bipia tuhan di mben Ibrani ide Allah cuk noni leu binhyepo noni misindui sut Ditde limwa nya bimbut ug leu binhyepo ikuk yok biDa.

YOSUA 8:18

Leu api tuhan pai bak Yosua “Asu anda tut ade micim anai hammi minu ndig Ai. Lewo nogindini dikes minu ndig dima ei andati. Lene Yosua bit tuhan nicukti dima.”