NEHEI LEUSI 7:23 - ALLAH NIHYET MEM TUNGWATU NYA

²³ Noro noni ngkwei hanyen ug ei nide ig bei lene digit tut mindur dima bi sren.

NEHEI LEUSI 7:23 ပူးပေါင်းရင်းမြစ်များ

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

HABAKUK 1:5

Leu api tuhan pai bak Nide limwa nya “Ma jiyok jiyai kep mben dihyeisi dini di ibong ttai je lewo jei bi ne mijinga leu sut mun di jingat bou jiyai him. Lewo ei nijam dini ne midiyai midyai gom di bindei ba, gino jimiap tut midyai dima he ne jingon jo kep bi.

YEHEZKIEL 40:4

Bipai bida “Na di tungwatu di ayaijo kikau bi e, angig atingou mem dihyet mungkun kei ba, angig ayai kep mun nyeng hagom di dindo bina. Lewo Allah buwak na kwei mem gima atri tut mun nyeng hagom di angat bou ayai him bak mben Israel.”

YEREMIA 36:24

Mbro nok gino Elnatan kin Delaya kin Gamarya ibrim ingkek kep nibou ndig ser nhyema noni ndig srat dima kep hum au lo, noni kou sut gima miap kep ighyet. Ningat ne nibou ndig kin nibou di igya ttai noni yahagom ittin tut srat nibokti dima ba, ingon ngguk tut nihyet dima bi.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

NIPINGOK NINGONTI 24:32

Dingig diyai kep bidikan-kan nyen tut leu api duum ningginausi dini.

NIPINGOK NINGONTI 22:17

Amiap e, midingginau na tut yo di ingon ki nya ingginausi! Ma angig atingou mem ditde ningginausi nya.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

AYUB 7:17

Nggon rima tungwatu nya ibon inyeng ei ayai him i? Nggon rima ayok ayai kep igyai munti nya kikau i?

SAMUEL GI NIGOM 4:20

Lo, duhug-duhug nyen bidideu niyaijo ningwig honti. Lene sop nya di yahati tut noni ipai bak “Ma abrim angkek! Asrek tut nipinai ri!” Noro noni buhup ighyet ba, miap cem bi.

NINDAT KEP TUHAN NICUKTI NYA 32:46

noni pai biyok “Suar jibit dicuk jeti di ditri tut bije njap di ammani hagom. Ma jingginau jimunggwom bat nya tut tuhan nicuk jeti nya hagom leu binhyepo iba ingon gom bibit nihyet.

NEHEI LEUSI 9:21

Noro nindigsi nya ingkek ndok tut tuhan nisok kep yokti lene isindui sut ide awak nya kin ide mindhe-ndhe nya bigya ei nisai.

NEHEI LEUSI 7:22

Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

NEHEI LEUSI 7:24

Lene mben Mesir yahagom itig jui sir Minyei Nil nipimat bibinggok minyei bousi nya leu binhyepo idut eisi lewo bit bon idut Minyei Nil kan bi.

NEHEI LEUSI 9:20

Lene nihyet dima bindei ba, yo di igya kui Firaun ibou poi ingon digit tut nindig bibor. Gima rino ibuwak ide awak nya bijem ide mindhe-ndhe nya hagom kwei ei ig bei leu binhyepo ingwes ngun.

NIPINGOK NINGONTI 28:14

Ma akuk na bak tuhan ba, abit nihyet kikau api angon minggei-hi-nggei. Gino angkek ndok tut tuhan ne atug ndei mun di buhun bibor.

YESAYA 47:7

Akan bipia anok sop nibou ndig bijo ninno bijo kikau leu ba, angon guhukti ba, agibisrip tut ayai munti ningwig honti bi.