NEHEI LEUSI 7:22 - ALLAH NIHYET MEM TUNGWATU NYA

²² Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

NEHEI LEUSI 7:22 ပူးပေါင်းရင်းမြစ်များ

NITRITI 41:8

Njap di hyep bu rino ningon ku no tut. Gima rino nduk yo di nung kui yok nya kin yo di ingon ki nya di ibong ei minu Mesir yahagom kwei. Lene noni pui sut nide mun di mumpriem dima biyok noro bit bon hi mbot kep tut mumpriem dima kan bi.

NEHEI LEUSI 7:11

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.

NEHEI LEUSI 7:13

Mbro nok gima lo, Firaun ningkek ndok tut Musa kin Harun ighyet bit leu nok tuhan nipaisi pima. Bit bon noni ce tut ighyet bibit kan bi.

NEHEI LEUSI 7:21

Wau nya ei Minyei Nil ngeisi hagom mai bingwig apino minyei mpiei bibor ba, bit bon mben Mesir idut kan bi. Minyei ei minu Mesir nisurti-nipekti hagom nok nggrom bu.

NEHEI LEUSI 7:23

Noro noni ngkwei hanyen ug ei nide ig bei lene digit tut mindur dima bi sren.

YEREMIA 27:18

Gino yoni ne nabi di nijit di igyai nisokti dima leu Dani rin lene nnaba yahara bak Da di tuhan Di Disindem Bibor leu binhyepo dibindei ba, siceu nya ipos ndigban nya niken di jo ei Ditde Ig kin nibou ndig de ig ei minu ndig Yerusalem bittei ug ei minu Babel au.

2 TIMOTIUS GI NICAN 3:8

Bit leu nok Yanes kin Yambres di isrep tut Musa nipou su ba, yo dini cem isrep tut nihyet di nijit lewo intin kiek ba, ide niba ningon comti srawir tu.