NEHEI LEUSI 7:17 - ALLAH NIHYET MEM TUNGWATU NYA

¹⁷ Gima rino disok kep noni bipia mbigom mijo nibreisi mem noni bipia Dani ne tuhan rin tug hon mindur nya di midibon ug ri. Mpe dima lene ma attei ade tom ba, abui Minyei Nil ningwa dip apino minyei minok nggrom.

NEHEI LEUSI 7:17 ပူးပေါင်းရင်းမြစ်များ

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NICAN 19:19

tuhan di nok nyende Allah e, ma ateu nye biningwes ngun leu mben Asyur inda nsi leu binhyepo jo nibreisi mem mben dihyeisi dini hagom bipia Nangkom ne Allah nijit ri.”

MAZMUR 105:29

Noni bindei minyei di ide nya hagom nggrom apino wau nya hagom mai bingwig.

MAZMUR 78:44

Noni luei minyei di ide nya binok nimbiam nggrom apino bit bon igidut minyei dima ningei kan bi.

MAZMUR 83:18

Nnaba tungwatu nya ibindei binimmai kui yokti bijo ninno ba, igwam nidigitti bimai ei nipai yok kinei-kinausi cem,

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

NEHEI LEUSI 1:22

Nok gima kikau bibou Firaun kes nihyet bak nide limwa nya yahagom bipai biyok “Suar jicom mben Ibrani imunggwom bat nya ningwoi-ngwoi nipinai nya tut igyaijo ug ei Minyei Nil bimai ug. Noro ma jisindui sut munggwom ngwoi-ngwoi nisop nya ba, igyaijo.”

NEHEI LEUSI 10:2

Lene apui sut notou diba mben Mesir bikek tug hon mindur dini yok bak amunggwom bat nya kin agnyon bat nya. Ba, jahagom mijikan tut bipia Dani ne tuhan ri.”

NEHEI LEUSI 4:9

Gino mindur ningat can dini mitot ingonti ba, iba ingon com nani bi ba, ikou sut nihyet di atri tut biyok lene atau minyei leu Minyei Nil leu api asiber ei dihyeisi. Apino minyei dima midem kep nok nggrom bu.”

NEHEI LEUSI 5:2

Lene Firaun buhup “tuhan dima tou i? Nggon rino dibit nihyet dima bidisindui sut mben Israel bimbut i? Dikan tut tuhan dima bi. Gima rino midisindui sut mben Israel bimbut bi.”

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

NEHEI LEUSI 7:20

Lene Musa kin Harun igyai hagom bit leu nok tuhan nicuk yoti. Harun su nide tom ei Firaun kin yo di igya kui noni yahagom yoho bei bibui Minyei Nil ningwa dip apino hagom nok nggrom.

NEHEI LEUSI 7:5

Tirigi dikes hukum ei mben Mesir dip lene dibuwak mben Israel bingwes ngun leu minu dima lene mijo nibreisi mem mben Mesir bipia Dani ne tuhan ri.”

YEHEZKIEL 25:17

Midikes hukum di buhun bibor ei yok dip. Dibuhup biyok tut ide nisibutti bipek nipekti ug e. Gino itug ndei Ditde niggati lene ikan tut bipia Dani ne tuhan ri.”

YEHEZKIEL 29:9

Minu Mesir miwer minu prenti di mpia mbum-bra bram apino akan tut bipia Dani ne tuhan ri.” tuhan pai “Nibou ndig minu Mesir e! Ajem Minyei Pmem Nil bou na nok ade lewo nani rino apai tes e?

YEHEZKIEL 30:19

Dikes hukum dima ei minu Mesir dip lene ikan tut bipia Dani ne tuhan ri.”

YEHEZKIEL 30:8

Mpe dino dindig minu Mesir ba, dibiyai nimai bak nide tentara ningot kep yokti nya yahagom lene ikan tut bipia Dani ne tuhan ri.

YEHEZKIEL 32:15

Mpe dino dibindei minu Mesir binok iggum ndigsi ningkom di mpia mbum-bra bram ba, dibindei sar mun nyeng hagom di jo minu dima bingwig lene ikan tut bipia Dani ne tuhan ri.

YEHEZKIEL 32:6

Midiba anggrom di disiber biprok nungug him nya ba, anggrom muut kep minyei nibiamti nya cem.

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

YEHEZKIEL 39:28

Apino Ditde limwa nya mikan tut bipia Ide tuhan Allah riDani. Lewo Dani rino dipinak yok ug ei ingkiaisi ba, Dani rino dibuwak yok kwei ei yonti itimieisi hanyen. Dikes tungwagom ngat he ei ingkiaisi dima bi sren.

DANIEL 4:17

Nye di malaikati di niput-put nyen binitindei ser mun di micut igkep nye nikos tut bak no dima tu. Gima rino suar tungwatu dihyeisi dini hagom ikan tut bipia Allah Di Ninyeng Jei Bibor sindem tut nibou ndig nya bitut inyeng tak kepti nya hagom. Nongkom he rino ta nibou nya bit leu Nonti ningon kanti. Gino joi sut lene Noni ta no di bon ninyeng bi binok nibou ndig bu.’

DANIEL 4:32

Tungwatu mijji na ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya kikau mem ari bingwam muhwindacan. Gima leu api angon hukti bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta nibou nya bit leu Nonti ningon kanti.”

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

DANIEL 5:21

Tungwatu nya ijji noni ug ei minu ting leu yok leu api ningon tungwatu bu bi noro ningon mindhe he. Noni ya-ya nyen bit keledai bigbehei nya biyem kep abris nggrup noyam kin sapi nya cem bibong bas hak ba, nggou kui noti cem. Gima hagom kikau leu api ningon hukti bipia Allah Di Ninyeng Jei Bibor ninyeng tak kep nibou ndig dihyeisi dini bitut ide ninyeng tak kepti nya hagom. Allah Nongkom he rino ta nibou nya bit leu ningon kanti.

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.

NINGAT-HI-NGAT NYA 11:6

Nabi cin dini inyeng tak kep mpia-bbed him leu binhyepo ibindei ba, mpia but bi mem nijam di itri tut Allah ningon kanti. Inyeng tak kep minyei yaisi nya bibindei minyei yaisi nya noyam kin nggrom. Inyeng tak kep nsuwer ajar ninyeng hagom bibindei ba, kieng kep dihyeisi dini ninyen bit leu ingon kanti.

NINGAT-HI-NGAT NYA 8:8

Tirigi malaikati gi nican miep nide pun mbrei lene mun di nindig krop dem kep nungug ttou di ninjeng cig-cai cut ug ei muk ngeisi mu bibindei ba, muk ngeisi nittou nsi gom dem kep nggrom noro nittou nsi can jo.