NEHEI LEUSI 7:11 - ALLAH NIHYET MEM TUNGWATU NYA

¹¹ Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.

NEHEI LEUSI 7:11 ပူးပေါင်းရင်းမြစ်များ

NITRITI 41:8

Njap di hyep bu rino ningon ku no tut. Gima rino nduk yo di nung kui yok nya kin yo di ingon ki nya di ibong ei minu Mesir yahagom kwei. Lene noni pui sut nide mun di mumpriem dima biyok noro bit bon hi mbot kep tut mumpriem dima kan bi.

NEHEI LEUSI 7:12

Yoni cem icom ide tom nya ei dihyeisi leu api ide tom nya nok wou nya. Noro Harun de tom pinde ide tom hagom bingwig ug.

NEHEI LEUSI 7:22

Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

NEHEI LEUSI 8:18

Lene yo di nung kui yok pima cem ibingon lo, bit bon iba inda di dut bindei dihyei ndung dem kep nok amihip nya kan bi. Mpe dima lene amihip nya kieng kep minu Mesir nisurti-nipekti hagom.

NEHEI LEUSI 8:3

Minyei Nil mimpung tut ugwaham nya apino yehei leu minyei ba, icoi ei Firaun de ig kin nghim nsi kin nibongti ba, ibicoi yo di igya kui noni kin nide limwa nya ide ig nya kin ide atriemti nya kin ide bokorti nya.

NEHEI LEUSI 8:7

Lene yo di nung kui yok pima cem iba inda di dut bindei ba, ugwaham hi kin bu ikiju leu minyei jou bikieng kep dihyeisi.

DANIEL 2:2

Gima rino noni sok nihyet bak yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom di igya kui noni ba, suar ikwei mbot kep mumpriem dima ningat bak. Tirigi yahagom idem yam bigya ei noho bei,

DANIEL 2:27

Daniel buhup “Andigpoi e, bit bon yo di ingon ki kin yo di nung kui yok nya kin yo di inda dut nya kin yo di iko mun ibinggok tut ndiyok nya yahagom ei dihyeisi dini imbot kep tut mumpriem dima bina kan bi.

DANIEL 4:6

Gima rino dihig yo di ipingok kep dingonti bidem minu Babel hagom kwei leu binhyepo ipai sut mumpriem dima ningat bida.

DANIEL 5:11

Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.

DANIEL 5:7

Gima rino noni hig yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom kwei. Tirigi idem yam ei su lene noni pai biyok “Tungwa tou rino kwop mun pas bokti dima bipai igbit ningat bida lene midiba sinsun nibou ndig di jei di dem kep nghei nta bijuk noni leu api midiba miep mas di bindo tut ninyeng jeisi bisrou nikimam cem leu api midita noni nok nibou gi niningai ei minu Babel.”

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

GALATIA 3:1

Je di timiei hanjop Galatia e, jingon mbum yo! Tou rino kiek jingon i? Dindo Yesus Kristus nimai ei biei salibti brei bije tu!

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

TESALONIKA GI NICAN 2:9

No Di Ba Nitok Bak Allah mittau kwei sut Bilis de nisindemti leu api bibon mindur ninyeng hagom bindo bindo di nijit bi nya mang bibor.

2 TIMOTIUS GI NICAN 3:8

Bit leu nok Yanes kin Yambres di isrep tut Musa nipou su ba, yo dini cem isrep tut nihyet di nijit lewo intin kiek ba, ide niba ningon comti srawir tu.

2 TIMOTIUS GI NICAN 3:9

Yo dini mimbut sindem biyuug bipek nipekti bi. Lewo ide ningon tindurti jo nibreisi bou tungwatu nya igyai him noyam kin mun di pek kep mem Yanes kin Yambres.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

SAMUEL GI NIGOM 6:2

timiei minu dima ihig ide imam nya kin yo di nung kui yok kwei leu api ihig ser yok “Ninggon ndei Brua Gi Preu dini i? Gino nitug brua dini hanyen bak niceu lene niba mindei kum eisi bu i?”