NEHEI LEUSI 6:8 - ALLAH NIHYET MEM TUNGWATU NYA

⁸ Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.

NEHEI LEUSI 6:8 ပူးပေါင်းရင်းမြစ်များ

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

YEHEZKIEL 20:42

Tirigi dibuwak je hanyen kwei ei jidihyei ei minu Israel di dipreu sut bak jidigup bat-jidigai bat nya leu api jikan tut bipia Dani ne tuhan ri.

NITRITI 14:22

Lene Abram buhup “Deheng bitug hon tuhan di nok Allah Di Ninyeng Jei Bibor di pai tes mpia-bbed him kin dihyeisi dini ninyeng bipia,

YEHEZKIEL 47:14

Diba neheng bipai bak jidigup bat-jidigai bat nya bipia midiyai dihyei dini biyok. Gima rino jiyai dihyei dini lene ma jiba jingon di kwes kin yam bikwas tut yam.

NINDAT KEP TUHAN NICUKTI NYA 32:40

Dani ne Allah di niyaijo rin ba, dikon dinda bideheng tut tug hon dinyeng bipia,

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NITRITI 35:12

Diyai minu po diyai bak Abraham kin Ishak nipou su dini hagom binani bu leu api yo di intun nani him mporo migyati nok ide minu ninda rom.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

YEHEZKIEL 36:7

Da di tuhan Di Dinyeng Jei Bibor diba neheng bipai bipia mben ngkiai nya di ibong ttai minu Israel mitug ndei nihyet di wer mpiahi tut yoti.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 20:23

Gima rino tirigi ingat rin ei iggum ndigsi ne diba neheng bipai kep yok bipia midibindei ntek gimahap yok bibong bidem dihyeisi dini nisurti-nipekti.

YEHEZKIEL 20:15

Gima rino tirigi ingat rin ei iggum ndigsi ne diba neheng bipai kep yok bipia midibuwak yok ba, icoi ug ei dihyei di bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom di ditin ei mem yok tu pima bi.

SAMUEL GI NIGOM 15:29

Nye di mben Israel ide Allah Di Ninyeng Jei ris mun ba, luei ningonti bi lewo Noni ne tungwatu dihyeisi dini rin bi.”

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 6:2

Dindo Danti bak Abraham kin Ishak kin Yakub nok Allah Di Sindem Bibor ei mpe di po dindo Danti biyok pima. Noro dindo Danti nok tuhan biyok bi.

NINGAT-HI-NGAT NYA 10:6

beheng bitug hon Allah di Niyaijo kikau buug hon nohonti bi di pai tes mpia-bbed him kin dihyeisi dini kin muk ngeisi bitut mun di joti nya hagom ninyeng bipai “Jam dem tu ba, itum ingon tut bu bi.

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

MBEN ISRAEL IMBUT-MBUT NYEN 14:30

Gi nipou lene dipreu ei mem je tut minu dima tu noro jigom micoi ug ei minu dima bi sren. Ibou can di inyeng Kaleb kin Yosua he micoi ug eisi.

YOSUA 24:13

Dibindei ba, jibong kei jigwam kei ei minu di jiyai miai eisi ba, jiwin minu bi sren. Nogindini jibong ei minu dima ba, mbro nok gino jita ba anggur nikioi hi eisi bigyo lo, jipuk ningat hi bijiyem tu. Mbro nok gino jita biei zaitun nikioi hi eisi bigyo lo, jipuk ningat hi bijiyem tu.’ ”

NEHEMIA 9:15

Tirigi po inggum ba, njita ngwig leu yok pima lene abindei juk roti kwei leu gwamti mem yok. Tirigi po inggobiau pima ne abindei ba, minyei bousi biam kwei leu bor ngug mem yok. Acuk yok leu binhyepo icoi ug ei minu po aba neheng bipreu sut ei mem yok nipou su pima ba, ibong kei igwam kei eisi.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

MBEN ISRAEL IMBUT-MBUT NYEN 10:29

Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”

MBEN ISRAEL IMBUT-MBUT NYEN 11:12

Dipai tes yok ba, disrek tut yok cem bi. Nggon rino ando da mem gima duusap yok dem kep nok no di sop hon ningwoi-ngwoi kikau ug ei minu po apreu sut ei mem idigup bat-idigai bat nya pima i?

NINDAT KEP TUHAN NICUKTI NYA 4:31

Lewo tuhan Allah ne jide Allah di ngondut tungwatu nya nindig bibor ri. Noni mikes je bihigom ei bi ba, mihwen je bijingwig bi. Gima cem ningon miprion ser mun po Noni preu ei mem jidigup bat-jidigai bat nya pima bi.