NEHEI LEUSI 6:7 - ALLAH NIHYET MEM TUNGWATU NYA

⁷ Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

NEHEI LEUSI 6:7 ပူးပေါင်းရင်းမြစ်များ

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NIGOM 8:60

Tug hon nisinati dima ne mben ngkiai bidem dihyeisi dini hagom mikan tut bipia tuhan Nongkom ne Allah rin lene hiter hi bi.

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

MAZMUR 81:6

Gima ne Allah nimbrap tutti di mben Israel ikrau kep ei mpe di po ikiju kep mben Mesir bihwen pima ri. Dimiap nihyet di dikan tut bi di pai,

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 14:18

Midibindei timek yok apino yoni mikan tut bipia Dani ne tuhan ri.”

NEHEI LEUSI 14:4

Mpe dima lene midibindei ba, Firaun ningkek ndok bibor bu leu api noni muhuk bram je. Noro midindo Ditde nisindemti brei binoni kin nide tentara tirigi dibindei timek yok. Leu binhyepo yoni mikan tut bipia Dani ne tuhan ri.” Lene mben Israel igyai hagom bit leu nok tuhan nicuk yoti.

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

NEHEI LEUSI 16:12

“Dimiap tut mben Israel ide ninso-nso nyenti pima tu. Apai biyok bipia midibindei ba, mmunti lene mibui mikwau lene njap bigyokti migyem kep roti bindei yok ug ri. Leu binhyepo mijo nibreisi mem yok bipia Dani ne tuhan bidinok ide Allah ri.”

NEHEI LEUSI 16:6

Gima rino Musa kin Harun itri tut bak mben Israel yahagom “Ariman mmunti lene mijo nibreisi mem je bipia tuhan rino buwak je kwei leu minu Mesir.

NEHEI LEUSI 2:11

Tirigi Musa wer pinjoi ndig tu lene ug cem kep nide adig-ajoi nya bingat lo, timiei minu Mesir nya iba imbuk bico kep yok nindig bibor. Mpe dima lene noni tou kep timiei minu Mesir gom di bui-bui nyen mben Ibrani gom di nimbier kim Musa.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 7:17

Gima rino disok kep noni bipia mbigom mijo nibreisi mem noni bipia Dani ne tuhan rin tug hon mindur nya di midibon ug ri. Mpe dima lene ma attei ade tom ba, abui Minyei Nil ningwa dip apino minyei minok nggrom.

YESAYA 41:20

Mpe dino tungwatu nya ingat gini bou igyai him ne mijo nibreisi mem yok bipia Da di tuhan dipai tes hagom. Ingon dor niti leu api igyok ngon kep bipia mben Israel ide Allah Di Kwes-Kwau bibon mun dima yok hagom.”

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 51:15

Lewo Dani ne jide tuhan Allah di bindei di muk roi nindig cem di bindei dino muk tti bibor di nugwei bong cem ri. Dinyeng rino No Di Sindem Bibor.

YESAYA 60:16

Ngkiai nya kin ide nibou ndig nya minyohou na noyam kin sop gom di nyohou nimunggwom. Mpe dima lene mijo nibreisi mem na bipia Da di tuhan diteu na ba, angwes ngun. Da di tuhan di disindem bibor dikwek na tu.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MBEN ISRAEL IMBUT-MBUT NYEN 15:41

Dani ne tuhan bidinok jide Allah ri. Dibuwak je kwei leu minu Mesir leu binhyepo dibindei Danti ba, dinok jide Allah. Dani ne tuhan ri.”

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

NINDAT KEP TUHAN NICUKTI NYA 29:12

Jide tuhan Allah bon gi preu dini bit jeni ba, jahagom jidem yam leu binhyepo juhum kep gi preu dini lene jibibit gi preu nicuk jeti nya.

NINDAT KEP TUHAN NICUKTI NYA 29:13

Njap di ammani tuhan simbot dat hanyen bipia jeni ne Nide limwa nya rin tug hon gi preu dini. Noni ne jide Allah rin dem igbit nipreu kep jeni kin jidigup bat-jidigai bat di Abraham kin Ishak kin Yakub nyati.

NINDAT KEP TUHAN NICUKTI NYA 29:5

tuhan bie tut je bijimbut jimig ei iggum ndigsi ei nijam ari bingwam ningot bitai noro sinsun jide kin srop jide bitun-ta ei sirima bi sren.

NINDAT KEP TUHAN NICUKTI NYA 4:20

Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

PETRUS GI NIGOM 2:10

Nipou ne jeni cem Allah de limwa nya rin bi. Noro tini bu ne jeni cem Nide limwa nya ri. Nipou ne jingon mbum tut Allah nisingat tut jeti noro tini bu ne jiyai Nide nisingat tut jeti ei jingonti tu.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.