NEHEI LEUSI 6:6 - ALLAH NIHYET MEM TUNGWATU NYA

⁶ Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 6:6 ပူးပေါင်းရင်းမြစ်များ

NIBOU NDIG NYA GI NIGOM 8:42

kin mun di mindur di abon mem Ade limwa nya lene kwei kuk no biNa ei Ade Ig dini,

NIBOU NDIG NYA GI NICAN 17:36

Ma jikuk je bak Da di tuhan lewo Dani rino diba Ditde nisindemti di nindig bibor bibuwak je di jehei leu minu Mesir nipou pima tu. Ma jikuk je biDa. Lene ma jibon midut nindig mindhe-ndhe ei nimbar hum dokti ba, jibikuk je bak Dani he.

NIBOHON MBEN ISRAEL GI NIGOM 17:21

Mben nindigsi di ingat rin ei dihyei nisurti-nipekti hi di noyam kin nye di mben Israel bi. Mben Israel ne mben gom ngat di akwek yok leu gi yuubon yok nok awak leu binhyepo inok Nanti Ade limwa nya. Nibon mun di nindig biborti nya kin gi mindur bibor nya di abon mem yok hagom bindei ba, anyeng di jei kieng kep dihyeisi dini hagom. Akwek Ade limwa nya leu minu Mesir leu api ajji mben ngkiai leu itimieisi ei mpe di po Ade limwa nya injei siceu mem gima ikon pran bit yok.

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 77:16

Aba asindemti bikwek Ade limwa nya. Yo dima ne Yakub kin Yusuf nya ide nintun him yamti di bram yok nya ri.

MAZMUR 81:11

Dani ne jide tuhan Allah di buwak je kwei leu minu Mesir ri. Gino jahara Da lene midiyai njita di jisuar bije bijiyem.

MAZMUR 81:6

Gima ne Allah nimbrap tutti di mben Israel ikrau kep ei mpe di po ikiju kep mben Mesir bihwen pima ri. Dimiap nihyet di dikan tut bi di pai,

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

NEHEI LEUSI 1:11

Gima rino yo di igya kui Firaun ita mindor nya di iba imbuk co kep mben Israel bikes midyai di buhun bibor ei inghat dip. Suar mben Israel ingot ig gudan bousi nindig bibor ei minu ndig Pitom kin Raamses cem leu binhyepo Firaun minju ndigban ninyeng hagom eisi.

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 12:51

Ei njap dima ne tuhan buwak mben Israel yahagom bingwes ngun leu minu Mesir.

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:16

Lene nibon midut dini mipingok jingonti dem kep nok mun di bindo di jingot kin jinda kin jingwak bipingok jingonti tut gi po tuhan buwak je bijingwes ngun leu minu Mesir tug hon Nide nisindemti di nindig bibor.”

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 15:13

Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

NEHEI LEUSI 16:6

Gima rino Musa kin Harun itri tut bak mben Israel yahagom “Ariman mmunti lene mijo nibreisi mem je bipia tuhan rino buwak je kwei leu minu Mesir.

NEHEI LEUSI 18:1

Mpe hi bu lene Musa nipmang Yitro po nok imam mem mben Midian pima miap tut Musa ninghapti bipia Allah mpu noni kin mben Israel nindig bibor tirigi Noni buwak yok kwei bingwes ngun leu minu Mesir.

NEHEI LEUSI 2:11

Tirigi Musa wer pinjoi ndig tu lene ug cem kep nide adig-ajoi nya bingat lo, timiei minu Mesir nya iba imbuk bico kep yok nindig bibor. Mpe dima lene noni tou kep timiei minu Mesir gom di bui-bui nyen mben Ibrani gom di nimbier kim Musa.

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 32:11

Noro Musa hara bak tuhan di nok nide Allah bipai “tuhan e, nggon rino angon sibui sut Ade limwa nya bibor i? Lewo ateu yok bingwes ngun leu minu Mesir tug hon Ade nisindemti di nindig bibor tu.

NEHEI LEUSI 6:2

Dindo Danti bak Abraham kin Ishak kin Yakub nok Allah Di Sindem Bibor ei mpe di po dindo Danti biyok pima. Noro dindo Danti nok tuhan biyok bi.

NEHEI LEUSI 6:29

Noro Musa buhup “tuhan e, ningat ne diji buhun bibor lene bit bon Firaun ngig nitingou mem dihyet kan bi.”

NEHEI LEUSI 6:8

Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.

NEHEI LEUSI 7:4

Mpe dima lene midikes hukum di buhun bibor ei yok dip leu api midibuwak Ditde limwa di mben Israel yahagom ba, yehei bingwes ngun leu minu Mesir.

NEHEI LEUSI 7:5

Tirigi dikes hukum ei mben Mesir dip lene dibuwak mben Israel bingwes ngun leu minu dima lene mijo nibreisi mem mben Mesir bipia Dani ne tuhan ri.”

YESAYA 9:12

Mbro nok gino tuhan Di Sindem Bibor kes hukum ei yok dip tu lo, iginso yonti tut gima ba, igittin ser ide sisar bingkwei hanyen ndam Noni bigyo.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

YEREMIA 21:5

Midiba Ditde nisindemti kin niggati di cig-cai cem bikon pran bit je.

YEREMIA 27:5

“Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.

YEREMIA 32:21

Aba Ade nisindemti di nindig bibor bibuwak mben Israel ba, yehei leu minu Mesir. Abon mindur kin mun di bibon ninggap leusi nya tug hon bindo di biyai ningon di ttin bibor bak ide siceu nya.

YEHEZKIEL 20:33

“Disok kep jeni tug hon Da di Allah di niyaijo kin tuhan Di Dinyeng Jei Bibor dinyeng bipia midiba dinda di sindem bibor kin dihyet di singga bidinyeng tak kep je drek dip Ditde nigga biborti.

KISAH 13:17

Mben Israel ide Allah dimig ide pung di intun him nya leu api bindei ba, ibong ingkiaisi ei minu Mesir bidigek bibor. Leu api Noni ba nisindemti di nindig bibor bibuwak yok kwei leu minu dima.

NINDAT KEP TUHAN NICUKTI NYA 11:2

Njap di ammani ma jiyok ngon kep mun di jipikor tut leu tuhan nisok kep jeti tug hon mun di pek kep mem je hagom. Mun di pek kep mem je dima pek kep mem jimunggwom bat nya bi. Lewo jeni rino jingat jide tuhan Allah nikei-kau-keisi kin nisindemti kin ninyeng jeisi,

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 26:8

Lene ateu nye biningwes ngun leu minu Mesir tug hon Ade nisindemti. Abon mun di mindur kin bindo nya kin mun di bindei dino nyende siceu ingon tai-tai bou.

NINDAT KEP TUHAN NICUKTI NYA 4:23

Gima rino ma jingon sok kep jenti ser nhyema jingon prion ser gi preu di tuhan preu ei mem je au. Ma jibit nicuk jeti nya ba, jibon kwar di jikuk je bak nya hi bou jinda him au.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

NINDAT KEP TUHAN NICUKTI NYA 7:19

Ma jiyok ngon kep nsuwer ajar nya po jingat bou jiyai him pima. Lewo tuhan di nok jide Allah kwek je leu minu Mesir tug hon mun di mindur nya kin Nide nisindemti di nindig bibor tu. Lene Noni mihwen mben di jittin tut yok dini bingwig leu je bit leu nok Noni hwen mben Mesir bingwig su pima.

NINDAT KEP TUHAN NICUKTI NYA 7:8

Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NINDAT KEP TUHAN NICUKTI NYA 9:29

tuhan e, ma ayok ngon kep bipia yo dini ne mben gom di adimig ei binok Ade limwa nya leu api aba Ade nisindemti di nindig bibor bibuwak yok kwei leu minu Mesir ri.”