NEHEI LEUSI 6:5 - ALLAH NIHYET MEM TUNGWATU NYA

⁵ Gima rino disok dihyet ei nani dip bak mben Israel bipia Dani ne tuhan ri. Miditeu yok bingwes ngun leu mben Mesir di iba isibut bico kep yok. Midindo Ditde nisindemti di mindur bibor ba, dibiteu yok leu lene midikes hukum di buhun bibor ei mben Mesir dip ug ri.

NEHEI LEUSI 6:5 ပူးပေါင်းရင်းမြစ်များ

NEHEI LEUSI 2:24

Lene Noni miap ighyet bikan tut bipia inso kwop nyen apino Noni yok ngon kep gi preu po Noni preu ei mem Abraham kin Ishak kin Yakub yoni pima.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

LUKAS 1:72

ningon nggriu sut idigup bat-idigai bat nya lene biyok ngon kep Nide nipreu ei mem yokti di kwes-kwau.

LUKAS 1:54

Noni mpu Nide awak di mben Israel bit leu nok gi Noni preu ei mem idigup bat-idigai bat nya.

MAZMUR 105:8

Noni yok ngon kep gi preu di Noni preu ei mem nye bijo ninno bijo kikau. Ningon miprion ser gi preu dima hanyen bi sren.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NITRITI 9:15

diyok ngon kep gi preu po dipreu ei bit nani kin mindhe-ndhe hagom pima ba, minyei su buut kep dihyeisi bikot mun di ninnei tau nuhwap nsi bu bi sren.

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

NEHEI LEUSI 2:23

Mimbrek-mimbrek bu lene Firaun pima niyaijo ngwig hon tu noro mben Israel sisip inso kwop nyen tut mun di buhun tak yok. Gima rino ingat nadi bak Allah ei gwamti.

NEHEI LEUSI 5:4

Lene Firaun hig ser Musa kin Harun “Nggon rino jibindei dino jide limwa nya inghen leu ide midyai nya i? Suar jicuk yok bipia ikinyon ei ide midyai pimati hanyen hak ug!