NEHEI LEUSI 6:4 - ALLAH NIHYET MEM TUNGWATU NYA

⁴ Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

NEHEI LEUSI 6:4 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 15:13

Leu api tuhan pai binoni “Ei nidipti bu lene ade nintun him yamti di bram yam nya mporo minok awak ei ingkiaisi ba, ngkiai ico kep yok nindig bibor kikau mem nijam ari bingwam sratus bitai.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 17:13

Suar bikwop tungwagom-gom yai nibon midut sunat nok bindo ei jingutti di bindo bipia Ditde gi preu bit jeni dima jo kikau.

NITRITI 17:4

“Dipreu ei bit na bipia mporo midibindei ba, anok pung di mben imang bibor intun him.

NITRITI 23:4

“Dibong dingkiaisi dini ba, nna ba jipek dihyei hanjop nsi gom bida leu binhyepo ditig ditnem ningut eisi.”

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:4

Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 6:18

Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

SAMUEL GI NICAN 23:5

Tug hon nisinati dima ne Allah minjei mun di kei bak ditde nintun him di bram yamti lewo Noni preu ei mem da tut gima bijo ninno bijo kikau tu. Noni nyohou yai mun nyeng hagom leu api miluei ningonti tut nipreu ei mem dati dima bi. Gino Allah bindei ba, dingon kanti dima mipek kep mem ditde nintun him di bram yamti lene midingon cut hon Nide nipreu ei mem dati.

MAZMUR 105:11

Noni preu ei mem noni “Midiyai minu Kanaan bina leu api ade nintun nani him di bram nani nya minyeng tut minu dima yo.”

MAZMUR 105:12

Nipou ne Allah de limwa nya ibong ingkiaisi ei minu Kanaan ba, imangti ibou poi he.

NEHEI LEUSI 13:4

Njap di ammani ne njap gi nigom mem jide bed gi nigom Abib rin ba, mijimbut leu minu Mesir mem njap di ammani.

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 6:8

Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

MBEN ISRAEL IMBUT-MBUT NYEN 10:29

Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”

KISAH 7:5

Mpe dima lene Allah ndo minu ttou nsi gom bak Abraham binok nide dihyei ninda rom bi. Noni pek hanjop nsi mien hi mem miai ngausi cem bi. Noro Allah preu ei mem noni kin yo di intun noni him bipia inyeng mitak kep minu dini hagom ei nidipti bu. Tirigi Allah preu ei mem noni dima lene Abraham yai nimunggwom hi bigyo.