NEHEI LEUSI 5:21 - ALLAH NIHYET MEM TUNGWATU NYA

²¹ Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”

NEHEI LEUSI 5:21 ပူးပေါင်းရင်းမြစ်များ

NITRITI 16:5

Gima rino Sarai nso tut bak Abram bipai “Nani rino abindei ba, Hagar ningwes pri gau da. Dindo noni bina ba, tirigi noni kan lo, nghop tu lene ningwes pri gau da kikau kwei bipek ammani kep. Nna ba tuhan mbus singonti leu binhyepo jo nibreisi tut tou leu sani di bon mun di igbit.”

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

SAMUEL GI NICAN 10:6

Apino mben Amon ingon huk niti bipia igyai munti dima bindei ba, Daud ningon sibui sut yok. Gima rino ingot kep tentara Siria nya di ibong ei Bet-Rehob kin Zoba ibou sribu nyatungwagom kin tentara nya di ibong ei Tob ibou sribu simnaibrimigcan kin nibou ndig minu Maakha bitut nide tentara nya ibou sribu gom cem.

NIBOHON MBEN ISRAEL GI NIGOM 19:6

Lene Nibou Ndig Hanun kin mben Amon ingon huk niti bipia ibon munti dima bindei ba, Daud ningon sibui sut yok. Gima rino ipinak perak kilo sribu ningot ningai bitai ug ei minu ndig Mesopotamia Bei Nai cem ug ei minu ndig can di Maakha kin Zoba ei minu Siria cem. Iba perak dima bingot kep nibou nya leu kroba pran ningat sribu ningot ningai can kin tentara di iba kuda bikon pran kan nya cem. Leu api nibou ndig Maakha de tentara ikwei sut kroba pran di mben Amon iba perak bingot kep nibou leu pima hagom ba, yohok ide prak meng yati dideu ig kumti Medeba. Mben Amon cem yahagom injei kwei leu ide minu ndig nya hagom binjei siceu mem gima ikon pran bit Daud.

NEHEI LEUSI 14:11

Lene ipai bak Musa “Minu Mesir pima bon jui dip di kei mang bibor mem nye. Nggon rino abuwak nye kwei binimai ei iggum ndigsi dini i? Angat i! Gi po abuwak nye leu minu Mesir pima bie ndam nimai mem nye ug ri.

NEHEI LEUSI 15:24

Lene tungwatu nya inso tut bak Musa bihig ser noni “Idut minyei ei sirigitou i?”

NEHEI LEUSI 16:2

Mpe dima lene yahagom inso-nso nyen bak Musa kin Harun ei iggum ndigsi,

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

NEHEI LEUSI 5:20

Yehei leu Firaun de ig lene ikwei um Musa kin Harun di imem kep ser ikweisi.

NEHEI LEUSI 6:9

Lene tuhan pai hanyen bak Musa,

NIBA NINGON SRIP HUKTI 10:1

Kros gom ngat di mai bindei mpiei mini di ui-gwang kei ampou nuut gom titut yam. Ningon mbumti poi mien bindei pror ningon ki biborti.

YESAYA 30:6

tuhan tri tut nihyet tut mindhe-ndhe nya di ibong ei iggum ndigsi ndam nite bei mpia nibiho bipai “Yo di igya hacan pima ikak puig ug ei nikineisi ba, ei sirima ne singa kin wou piet kin naga di bon ninyehei ilus-lus nyen. Yo di igya hacan igyai ide mun di nibok kak bibor bak ngkiai di bit bon impu yok kan bi.

YOEL 2:20

Midijji hai ceng nya di inok tentara nya di ikwei leu bei mpia nijjai leu api bihi minang ug ei iggum ndigsi. Midijji gi hi di bie ug ei Igpong Nsimti leu api midijji gi hi di ya abia ug ei Muk Hacanti. Hai di imai nya impiei dem kep nok mindhe nggruau nimpieisi. Midibindei ba, itimek bingwig drek dip gi ihwen bit je.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 14:3

Nggon rino tuhan mibuwak nye ug ei minu dima i? Yahagom mimai tirigi timiei minu dima mikon pran bit nye leu api yoni mipos nyeni itnem bat-imunggwom bat nya. Nna ba nyeni yahagom ingkwei hanyen ug ei minu Mesir hak ug.”

SAMUEL GI NIGOM 13:4

Yo di imiep pun pima itri tut bak tungwatu nya tut Saul po yai nimai bak tentara Filistin ide nibou pran pima ba, ibitri tut mben Filistin di ingon sibui sut yok bibor cem. Gima rino tungwatu nya ibrim ingkek bidem yam bit Saul ei Gilgal.

SAMUEL GI NIGOM 27:12

Noro Akhis ba ningon com Daud lene kan “Daud de mben migga noni bibor apino bitig dino noni minok awak mem da kikau ug bipek niyaijo ningwig honti.”