NEHEI LEUSI 4:21 - ALLAH NIHYET MEM TUNGWATU NYA

²¹ Lene tuhan pai hanyen bak Musa “Nisindemti mem gima abibon mindur nya ne diyai bina tu. Tirigi aug krau minu Mesir hanyen bu lene abibon mindur pima hagom ei Firaun noho bei. Noro midibindei ba, ningkek ndok tut ahyet apino noni mikes mben Israel bimbut bingwes ngun bi.

NEHEI LEUSI 4:21 ပူးပေါင်းရင်းမြစ်များ

NITRITI 6:3

Gima rino tuhan pai “Misisindui sut ba, tungwatu nya igyaijo ninno bi. Suar ma yoni imai lewo yoni ne tungwatu di igyaijo ninno rin bi. Hon kep ammani kui lene ide njap nimangti ug ei ari bingwam sratus gom ningot can he ug api imai.”

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

MAZMUR 105:25

tuhan sindui sut ba, mben Mesir ingon mpo tut Nide limwa nya ba, iba ingon di mang biyai Nide awak nya.

MAZMUR 78:43

Ibbwe ser Nide mindur nya kin midyai di bibon ninggap leusi di Noni bibon ei Mbang Briep Zoan ei minu Mesir.

NEHEI LEUSI 10:1

Lene tuhan pai bak Musa “Aug ba, aya ei Firaun noho bei. Dibindei ba, noni kin yo di igya kui noni ingkek ndok bibor leu binhyepo dibon mindur nya ei ikieti.

NEHEI LEUSI 10:20

Noro tuhan bindei ba, Firaun ningkek ndok tut mben Israel hanyen bu ba, sindui sut yok bimbut ug bi.

NEHEI LEUSI 10:27

Lene tuhan bindei ba, Firaun ningkek ndok tut mben Israel bu ba, sindui sut yok bimbut bi.

NEHEI LEUSI 11:10

Gima rino Musa kin Harun ibon mindur dima yok hagom ei Firaun noho bei noro tuhan bindei ba, ningkek ndok ser apino noni sindui sut mben Israel ba, kes yok bimbut leu minu Mesir bi.

NEHEI LEUSI 11:9

tuhan pai bak Musa bipai “Gi po Firaun ningkek ndok tut ahyet kikau pima mibon nituti mem gima dibon mindur nya hi kin bu ei minu Mesir.”

NEHEI LEUSI 14:17

Midibindei ba, mben Mesir ingkek ndok bibor apino yoni miyuhuk bram je di mben Israel kak muk tti leusi. Leu api midindo Ditde nisindemti brei bak Firaun kin nide tentara nya kin nide kroba pran nya kin nide yo di ibri bikrau nya.

NEHEI LEUSI 14:4

Mpe dima lene midibindei ba, Firaun ningkek ndok bibor bu leu api noni muhuk bram je. Noro midindo Ditde nisindemti brei binoni kin nide tentara tirigi dibindei timek yok. Leu binhyepo yoni mikan tut bipia Dani ne tuhan ri.” Lene mben Israel igyai hagom bit leu nok tuhan nicuk yoti.

NEHEI LEUSI 14:8

Mpe dima lene tuhan bindei ba, Firaun ningkek ndok apino noni huk bram mben Israel di ingwes ngun leu minu Mesir noro tuhan nyohou yok nok Nide limwa nya.

NEHEI LEUSI 3:19

Lene Allah binut bu bipai “Dikan tut bipia gino dikes mun di buhun bibor ei noni dip drek dip je bi lene noni misindui sut je bijimbut kan bi.

NEHEI LEUSI 3:20

Noro midiba Ditde nisindemti bikes hukum ei mben Mesir dip tug hon mun di buhun bibor di micut igkep yok. Apino Firaun misindui sut je bijimbut hak.

NEHEI LEUSI 7:13

Mbro nok gima lo, Firaun ningkek ndok tut Musa kin Harun ighyet bit leu nok tuhan nipaisi pima. Bit bon noni ce tut ighyet bibit kan bi.

NEHEI LEUSI 7:3

Noro midibindei ba, Firaun ningkek ndok ahyet. Mbro nok gino dikes mindur di buhun bibor ei mben Mesir dip lo, noni mimiap ahyet bibit kan bi.

NEHEI LEUSI 8:11

Ugwaham nya hagom mimai bingwig leu na di Andigpoi kin yo di igya kui na di Andigpoi cem kin ade limwa nya jahagom lo, nikenti nya he mibong ei Minyei Nil jou bit leu nok igyai kepti.”

NEHEI LEUSI 8:15

Noro hammi tirigi Firaun ngat lo, ugwaham nya hagom imai bingwig nok rino ningkek ndok tut Musa kin Harun ighyet pima hanyen bibit bi bit leu nok tuhan nipaisi.

NEHEI LEUSI 8:32

Noro dem kep nok gi nipou pima ba, Firaun ningkek ndok tut mben Israel bisindui sut yok bimbut bi.

NEHEI LEUSI 9:12

Noro tuhan bindei Firaun ningkek ndok leu api noni bit Musa kin Harun ighyet bi bit leu nok nipaisi pima.

NEHEI LEUSI 9:35

Firaun kou sut gima kes mben Israel bingwes ngun bit leu nok tuhan nipaisi tug hon Musa.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

YESAYA 63:17

tuhan e, nggon rino asindui sut nye ba, nisrawir i? Nggon rino abindei ba, nyeni ningkek ndok apino nittin tut Na bu bi i? Ma akwei ba, angat rin bit nye hanyen bu lewo angon a tut Ade awak nya di inok Ade limwa nya drek dip gima aba Nakep nye nipou su.

YOHANES 12:40

‘Ditak igyai ba, tu tu. Dikes ningon ndok serti ei yokti ser nhyema iba igyai bingat ba, ingon dor niti au. Diyai nok gima leu binhyepo ingkwei hanyen ndam Da bidibindei ba, ikei hanyen bi.’ ”

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

ROMA 9:18

Gima rino Allah ngondut igom bit leu ningon kanti bibindei igom ningon tindak bit leu ningon kanti.

KORINTUS GI NICAN 2:16

Mem yo di israwir nya ne inoyam kin ninghap di hwen yok ba, imai. Mem yo di ikak puig ug ei niyaijo kikauti ne inoyam kin ninghap di ui-gwang kei di biyai niyaijo nijep. Tou ridem mem midyai dini i?

NINDAT KEP TUHAN NICUKTI NYA 2:36

Nyeni igyai yo dima ide minu ndig nya hagom bigyati tug hon ide tuhan Allah di sindem tut nye. Ikinyon ei niyai minu ndig Aroer ei Mbang Briep Arnon ninghas him kin minu ndig di jo hacan ei briep dima kikau ug bipek kin minu ndig Gilead bigyati. Minu ndig hi bon ngug tig ngkiem bibor di bikrop ttai ser nyeni bi.

YOSUA 11:20

tuhan bindei ba, yo dima ingon tindak bikon pran bit mben Israel leu binhyepo bon nituti mem tentara Israel yoom ingonti binggriu sut yok bi noro ibindei sar yahagom ningwig a. Igyaisi dima dem igbit tuhan nicukti po kes ei mem yok tug hon Musa pima ri.

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.