NEHEI LEUSI 4:12 - ALLAH NIHYET MEM TUNGWATU NYA

¹² Gima rino ma aug hak ug! Midimpu na tirigi ahap aji ba, midipingok angonti tut ahyet di mitibim ei ahui him cem.”

NEHEI LEUSI 4:12 ပူးပေါင်းရင်းမြစ်များ

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 143:10

Angginau da leu binhyepo diyai igbit angon kanti lewo Nani ne ditde Allah ri. Ma asingat tut da ba, abie tut da kak puig di sur yam kei.

MAZMUR 32:9

Ma anok kuda di mbut-mbut wai au. Tungwatu nya iba kuk kin ngkimom nitu buhum kuda nuhwap jou leu binhyepo mbut-mbut wai bi.”

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

NEHEI LEUSI 4:13

Noro Musa srep bipai “Tuhan e, dahara mem Nani. Ma apinak da ug ei minu Mesir hanyen au. Noro ma apinak hiter bu.”

NEHEI LEUSI 4:15

Ma ambrap bit noni ba, apingok ningonti tut mun di suar noni mbrap tut. Midimpu jahacem lene midingginau je tut mun di suar jitri tut kin mun di jiyai nya cem.

NEHEI LEUSI 4:16

Noni mimbrap tug hon anyeng ei jide limwa nya yoho bei. Noni miba niji di ngkiem biya hacan mem na. Lene apingok ningonti tut nihyet di mitibim ei nuhui him tereu nok tuhan rino pingok tungwatu nya ingonti.

YESAYA 49:2

Noni bindei ba, dihyet tot tungwatu nya ingonti dem kep nok simeda di nggwen-gwau. Noni ku da ei nindansi binyohou da. Noni bindei ba, dinok tibor di nggwen bibor bikrau da kin Nide hampiap di tin ei su.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

YEREMIA 1:9

Gima ngwig lene tuhan su ninda bingget duhui ngkek lene pai bida “Ma amiap kep dihyet lene ma atri tut hagom hanyen bak tungwatu nya.

MBEN ISRAEL IMBUT-MBUT NYEN 16:28

Lene Musa pai bak limwa dima yok “Tug hon nisinati dini mijikan tut bipia tuhan cuk da mem diyai mun dini yok hagom lewo diyai munti dini ntun danti dingon kanti him bi.

MARKUS 13:11

Tirigi tungwatu nya ikat je bibuwak je ug ei nikei nya yoho bei lene ma jingon ku jenti tut mun di jibirop hanyen biyok au. Lewo mun di tibim ei juhui him mikwei leu jenti jingonti bi noro Jicig Ninnei miba jihyet di Noni pingok je tut dima bibirop yo dima ighyet.

LUKAS 11:1

Mpe di gom bu lene Yesus ug ngat nadi ei mpia ttou nsi gom. Tirigi Noni kes nadi hon tu lene no di ya kui Noni gom pai “Tuhan e, angginau nye tut nadi bit leu nok Yohanes ngginau yo di igya kui noni tut nadi.”

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

NINDAT KEP TUHAN NICUKTI NYA 18:18

Midipinak nabi gom leu ide mben di noyam kin nani ndam yok. Midisok dihyet tut dicuk yokti nya ei noni dip mem yoni leu binhyepo noni mitri tut dihyet hagom bak ade limwa nya yahagom.