NEHEI LEUSI 4:1 - ALLAH NIHYET MEM TUNGWATU NYA

¹ Lene Musa buhup tuhan nihyet bipai “Notou mem da tut gima mben Israel iba ingon com da bibit dihyet bi i? Gino isrep tut da bipai bipia ando Nanti bida bi lene midibuhup hanyen biyok notou i?”

NEHEI LEUSI 4:1 ပူးပေါင်းရင်းမြစ်များ

NIBOU NDIG NYA GI NIGOM 13:3

Lene nabi dima binut bu “Nimbar hum dok dini nonti mitti bibindei ba, atriem ndung di jo dip mikiber ug ei dihyeisi ug ri. Gima ne mun di bindo tut bipia tuhan cuk da kwei ri.”

NEHEI LEUSI 2:14

Lene no dima buhup “Tou rindo nani nok nibou kin nikei dino abakei nyeti i? Mpaba ma ayai nimai bida nok gi po ayai nimai bak timiei minu Mesir gom pima e?” Apino Musa ningon digit tut bikan “Aye! Tungwatu nya ikan tut mun di siyai annani pima tu.”

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NEHEI LEUSI 3:16

Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NEHEI LEUSI 3:18

Ditde limwa nya mingig itingou mem ahyet. Lene abuwak nibou mben Israel ba, juug ngat Firaun leu api apai binoni bipia tuhan di nok mben Ibrani ide Allah ndo Nonti bina tu. Suar Firaun sindui sut je bijimbut jimig mem mmun-njap ningai ug ei iggum ndigsi leu binhyepo jibon midut nindig mindhe-ndhe ei humti bak tuhan di nok jide Allah.”

NEHEI LEUSI 4:10

Noro Musa srep bipai “Tuhan e, henha nipou kikau kwei bipek tirigi ambrap bit da ammani kep lene dimbrap kan bi. Diji buhun ba, nggicai cem.”

NEHEI LEUSI 4:30

Ba, Harun tri tut mun di tuhan cuk Musa tut hagom biyok leu api Musa ndo mun di mindur nya brei bou yahagom igyai him.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

NEHEI LEUSI 6:12

Nok gima lene tuhan sok nihyet ei Musa kin Harun dip bak Firaun kin mben Israel bipai “Dicuk yo cin dini leu binhyepo iteu mben Israel biyehei leu minu Mesir.”

YEREMIA 1:6

Lene dibuhup “Na di tuhan Di Anyeng Jei Bibor e, diji nggan bi lewo dimahan bigyo.”

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

KISAH 7:25

Noni kan bigya nisut bat mben Israel mingat bipia Allah ba noni biteu yok bingwes ngun leu mben Mesir indati. Noro igingat nok gima bi.

NIJAM NIKEI NYA 6:17

Lene Gideon pai biNoni “Gino ajoi sut da lene ma ando bindo bida leu binhyepo dikan tut bipia Nani ne tuhan nijit ri.