NEHEI LEUSI 38:21 - ALLAH NIHYET MEM TUNGWATU NYA

²¹ Gini ne daptar ngkimom mem tuhan De Prak Meng nibuhunti ri. Ba, tig mma can po Allah pas kep Nicukti Simnai eisi pima jo ei mpia dima. Keret Lewi nya ipas kep daptar dini bit leu nok Musa nicuk yokti ba, Itamar di Imam Harun nipmot bie tut yok.

NEHEI LEUSI 38:21 ပူးပေါင်းရင်းမြစ်များ

NIBOHON MBEN ISRAEL GI NIGOM 6:3

Amram yai nipmot bat nya ibou can ba, inyeng rino Harun kin Musa. Noni yai nipmisop Miryam cem. Harun yai nipmot bat nya ibou bitai. Nadab kin Abihu kin Eleazar kin Itamar.

NIBOHON MBEN ISRAEL GI NICAN 24:6

Gima rino Yoas jem Imam Yoyada di nok mindor mem midyai dima bipai bak “Apo Musa di tuhan de awak cuk nide limwa nya yahagom leu binhyepo igo belasten mem gima ibahati tut tuhan De Prak Meng bi e? Nggon rino nogindini acuk Lewi nya leu binhyepo ibrim belasten leu limwa di ibong ei minu Yehuda kin minu ndig Yerusalem didiyam bi i?” (

AYUB 11:4

Apai bipia atunggwei sut ambrapti nya bi ba, angon kwes kin Allah cem.

AYUB 22:23

Aba abou coi mem tuhan leu api angkwei hanyen ndam Noni. Abikes hon mun di kinei di jo ade ig.

AYUB 26:1

Noro Ayub buhup “Mbenjen! Na di angon ki bibor apingok da di disindem bi ba, diduhug-duhug nyen dini dingonti!

MAZMUR 15:1

Doia Daud. tuhan e, tou ridem mem gima coi ug ei Ade Prak Meng i? Tou ridem mem gima nggei sut Na ei Sion, ade nungug tou di adimig ei su i?

NEHEI LEUSI 25:16

Lene midiyai tig mma po Ditde nicukti nya joti pima can bina leu binhyepo akes hacem bijo ei Brua Gi Preu dimati.

NEHEI LEUSI 26:33

Lene atas ban mbrawin dima titut yam bijo bijehei paku di apek kin bot ei Prak Meng ninsi. Lene akes Brua Gi Preu bitut tig mma can pima ei bei ninsi dima ba, ei ban mbrawin dima nite dima kwei. Lewo ban mbrawin kwas Gumihyep Di Kwes bijo ter leu Ditde Ninsi Di Kwes-Kwau.

NEHEI LEUSI 38:20

Lene noni ba ngkimom-tembaga bibon keu di sren nya mem ig hyei kin sar dima cem.

NEHEI LEUSI 38:22

Bezaleel di Uri nipmot ba, Hur nignyon di nimbier kim keret Yehuda bibon hagom bit leu nok tuhan nicukti.

NEHEI LEUSI 40:3

Lene akon Brua Gi Preu bitut Nicukti Simnai di joti ba, akes eisi. Lene apindur ban mbrawin bijo ser Brua dima.

NEHEI LEUSI 6:23

Lene Korah yai nipmot bat nya ibou ningai di inyeng rino Asir kin Elkana kin Abiasaf. Yo dini ne pung di Korah de keret nya intun him ri.

MBEN ISRAEL IMBUT-MBUT NYEN 1:50

Noro acuk yok ba, inyohou dimig Ditde Prak Meng bitut nimbumbati nya ba, igyai midyai eisi lene ibiang hagom tirigi jimbut-mbut nyen cem. Lene ma yohok ide prak meng nya bikrop ttai Ditde Prak Meng dima.

MBEN ISRAEL IMBUT-MBUT NYEN 1:53

Noro suar yo di intun keret Lewi him yohok ide prak meng bikrop ttai Ditde Prak Meng dima. Lene igya ser leu binhyepo tungwa hi dideu bi. Leu gi nok lene gima mibindei ba, digga yok bidikes hukum ei mben Israel dip.”

MBEN ISRAEL IMBUT-MBUT NYEN 10:11

Mpe dima ne bumbuhui sindi son kui leu tuhan De Prak Meng dip ei njap ngon bou gi nyatungwagom ei bed gi nican mem ari bingwam gi nican niabiati mben Israel ijo leu minu Mesir.

MBEN ISRAEL IMBUT-MBUT NYEN 18:2

Suar abuwak keret Lewi di jintun yam him pima ug ei Prak Meng nsi ba, igyai midyai bit na bimpu nani kin apmot bat nya.

MBEN ISRAEL IMBUT-MBUT NYEN 24:5

Je di mben Yakub e, diyai ngakei jide prak meng nya. Je di mben Israel e, diyai ngakei jide prak meng nya niyati.

MBEN ISRAEL IMBUT-MBUT NYEN 9:15

Lene hammi tirigi imam nya yohok tuhan De Prak Meng biput tu rino bumbuhui ttou juk kwei bijo nai Prak Meng dima dip.

MATIUS 17:4

Lene Petrus pai bak Yesus “Tuhan e, nyeni ningon llei sut gi ningat rin bit je. Gino ajoi sut ne nohok ig jibei ningai ba, hi mem Nani hi mem Musa lene hi mem Elia.”

KISAH 7:44

Prak meng di ndo tut Allah di ningat rin bit Nide limwa nya jo bit ide pung di intun him nya ei iggum ndigsi. Yoni yohok prak meng dima bit leu nok Allah nicuk Musati ba, noyam kin prak meng ningwes di Allah ndo binoni.

KORINTUS GI NICAN 5:1

Lewo ikan tut bipia mpe dino ingut di nok ig di ibong ser ei dihyeisi dini nggek lene Allah tin ei ig mem nye ei gwamti. Noni ngot ig dima bou ninda him ba, jo ninno bijo kikau.

IBRANI 8:2

Noni yai midyai nok Imam Nibou Ndig ei Ninsi Di Kwes-Kwau ei Tuhan De Prak Meng nsi di nijit di tungwatu nya iwin bi noro Tuhan Nonti win.

IBRANI 9:11

Noro tini bu ne Kristus kwei su. Noni ne Imam Nibou Ndig di bindei ba, ningon kwes kin Noti ttau su. Noni coi ug ei prak meng behei di bon ninyeng ba, kei-kau. Tungwatu nya ibon prak meng dima bou inda him bintun Allah nipai testi ei dihyeisi dini bi.

PETRUS GI NICAN 1:13

Ei nijam di dingat rin ei dihyeisi dini ne dikan bipia suar diwin kep jingonti tut mun dima yok hagom.

NINGAT-HI-NGAT NYA 11:19

Leu api dimbou kau leu Allah De Ig ei gwamti ba, Brua Gi Preu di joti jo ei nibreisi bibindei ba, kigyei ninjeng srei cem kru cut ba, nisu bong nindig bibor cem dihyei ugwa-kwei ba, biget mbras dem kep tig njep.

NINGAT-HI-NGAT NYA 15:5

Leu api dingat lo, dimbou kau leu Tuhan De Ig ei gwamti ba, Allah de Prak Meng joti.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.