NEHEI LEUSI 38:1 - ALLAH NIHYET MEM TUNGWATU NYA

¹ Lene Bezaleel ba biei meng dia nisra bibon nimbar hum dok di nijeisi kin ninyanti meter can biniken ba, hacem noyam. Ba, nanaisi meter gom biniken.

NEHEI LEUSI 38:1 ပူးပေါင်းရင်းမြစ်များ

NIBOHON MBEN ISRAEL GI NICAN 1:5

Nimbar hum dok ngkimom-tembaga po Bezaleel di Uri nipmot ba, Hur nignyon bon cem no jo ei Gibeon ei tuhan De Prak Meng nuhui him. Lene Nibou Ndig Salomo ya tut nide limwa nya yahagom ba, ikuk yok bak tuhan ei sirima.

NIBOHON MBEN ISRAEL GI NICAN 4:1

Nibou Ndig Salomo cuk yok ba, iba ngkimom-tembaga bibon nimbar hum dok ningat gom. Nimbar hum dok dima nijeisi dem meter muhwindatai. Lene ninyanti dem meter muhwindatai. Lene nanaisi dem meter bitai biniken.

NEHEI LEUSI 25:5

kin domba nikre ningkek di ihwen bingwoi kei kin mindhe-ndhe nindigsi ningkek di kei bibor kei kin biei meng dia,

NEHEI LEUSI 30:17

Lene tuhan pai bak Musa,

NEHEI LEUSI 31:9

kin nimbar hum dok di indig mindhe kep hum eisi bitut nimbumbati nya kin bokor minyei tut nidihim,

NEHEI LEUSI 38:2

Lene noni bon ninggai hammi nuhuisi bitai ndam nidip ba, nimbar hum dok kin ninggai nya hagom rap yam nok gom. Lene noni ba ngkimom-tembaga di dile binggai kep titut yam.

NEHEI LEUSI 40:29

Lene ikon nimbar hum dok pima kwei bikes ei minghas dini nuhui bu. Lene noni bon midut nindig mindhe titut kep hum kin nibon midut njita nibipai sigyo bak Allah cem bit leu nok tuhan nicukti.

NEHEI LEUSI 40:6

Lene akon nimbar hum dok kwei ba, akes bijo ei Prak Meng nuhui.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

IBRANI 13:10

Nyeni ibon nimbar hum dok mem ide midut nibikos ser sisarti ei Allah Noho bei. Noro dem mem gima imam nya di igyai midyai ei Tuhan De Ig igyem kep mun di jo ei nimbar hum dokti dima bi.

IBRANI 13:8

Yesus Kristus luei ningonti kan bi ei nijam gi nipou kin nijam di nogindini kin nijam di nidipti di jo kikau bi sren.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

NINGAT-HI-NGAT NYA 21:16

Minu dima nijeisi kin ninyanti hacem noyam. Malaikati nai minu dima ba, nijeisi kilometer sribu can sratus bitai ba, ningot muhwi. Lene nijeisi kin ninyanti kin nanaisi hagom noyam.