NEHEI LEUSI 33:9 - ALLAH NIHYET MEM TUNGWATU NYA

⁹ Niabiati noni kimbas ug ei ninsi dima tu lene cou bumbuhui pima juk kwei biya kui dimbou hui ei tuhan De Prak Meng nuhui leu api tuhan mbrap pijum bit noni leu bumbuhui dima.

NEHEI LEUSI 33:9 ပူးပေါင်းရင်းမြစ်များ

MAZMUR 99:7

tuhan gwam ei cou bumbuhuiti bimbrap bit yok leu api ice tut bibit Nide nikos tutti kin nicukti nya hagom.

NEHEI LEUSI 31:18

Tirigi Allah kes nihyet hon bimbrap bit Musa ei Nungug Sinai bu bi lene noni kes tig mma can po pas kep Nide nicukti nya eisi pima ei Musa nindati.

YEHEZKIEL 3:22

tuhan ningat rin bit da ba, Nide nisindemti pijuk dingonti leu api Noni pai bida “Ma akiju ba, ambut ug ei mbang briepti leu api midimbrap bit na ei gima jug.”

MBEN ISRAEL IMBUT-MBUT NYEN 11:17

Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

NEHEI LEUSI 34:3

Lene ma tungwa hi bit na kwei au. Nok gima cem ma tungwatu nya isu yo bico nungug dini nisurti-nipekti hagom cem au. Ma jikes sapi nya kin domba nya kep mintu-minta ei nungug dini nimig au.”

NEHEI LEUSI 33:11

tuhan mbrap pijum bit Musa dem kep nok tungwagom mbrap bit nisut. Gima ngwig leu lene Musa ngkwei hanyen ug ei ide prak meng yati dima. Lene pinai pilei Yosua po nicig ninyeng Nun pima ya kui Musa bimpu noni. Noro noni kuk no nyahan ei tuhan De Prak Meng nsi dima ba, hei sut Musa bi.

NEHEI LEUSI 25:22

Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”

NITRITI 18:33

Tirigi tuhan kes nihyet hon bimbrap bit Abraham bu bi lene Noni ug leu lene Abraham ngkwei hanyen ug ei nide prak meng nsi.

NITRITI 17:22

Tirigi Allah kes nihyet hon tu lene Noni kes Abraham bimbut leu.

NEHEI LEUSI 33:8

Bikwop mpe dino Musa ug ndam Prak Meng dima lene nide limwa nya yahagom igya hak ei dimbou hui ei ide prak meng yati dima bitou kep noni nggilun bibou coi kikau ug ei ninsi dima ug e.

NEHEI LEUSI 33:10

Hammi tirigi mben Israel ingat cou bumbuhui di ya kui dimbou hui ei tuhan De Prak Meng yati lene yahagom ikuk yok ei ide dimbou heisi nya biba ingwak bikik mpia.

NEHEI LEUSI 34:5

Lene bumbuhui ttou gom nggai kep tuhan leu api Noni juk kwei biya simiak Musa ei mpia dima bindat kep ninyeng di kwes-kwau ba, ninyeng dima rino tuhan.

NINDAT KEP TUHAN NICUKTI NYA 31:14

Lene tuhan pai bak Musa “Son dideu ayaijo ningwig honti tu. Gima rino ma ahig Yosua kwei ba, jahacem jicoi ug ei Ditde Prak Meng nsi leu binhyepo dipai sut dicuk noti nya bak.” Lene Musa kin Yosua icoi ug ei Prak Meng nsi.

NINDAT KEP TUHAN NICUKTI NYA 31:15

Leu api tuhan tau kep yok tug hon cou hum di ya hammi dimbou hui ei Prak Meng nsi dima.

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.