NEHEI LEUSI 32:8 - ALLAH NIHYET MEM TUNGWATU NYA

⁸ Yoni ikriek leu puig di dindo biyok tu ba, iba mas di jet bibon sapi nikre di nehen pap leu api ikuk yok bak ba, ibui mindhe-ndhe bindig kep hum bak cem tu. Isimbot dat bipia sapi dima ne ide kwar po buwak yok kwei leu minu Mesir pima ri.

NEHEI LEUSI 32:8 ပူးပေါင်းရင်းမြစ်များ

NIBOU NDIG NYA GI NIGOM 12:28

Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

NINDAT KEP TUHAN NICUKTI NYA 9:16

Lene dingat bou diyai him bipia jipigau nicukti po tuhan di nok jide Allah tri tut bije pima ba, jibon sisar tut Noni tug hon gi jiba mas bibon kwar di nok sapi bijikuk je bak.

NIJAM NIKEI NYA 2:17

Noro mben Israel iba inghim bak ide nibou dima yok ighyet lewo ingon gom tut tuhan bu bi ba, ikuk yok bak nung nya tu. Idigup bat-idigai bat nya ibit tuhan nicuk yokti nipou su noro tini bu ne yo dini ikiek yoho ter leu Noni ba, ingkek ndok.

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

NEHEI LEUSI 32:4

Lene noni mbus hagom biba hum bibindei jet leu api siber ei tig ningwakti di noni bon noyam kin sapi nikre di nehen pap ningut. Lene nide limwa nya yahagom ipai biyam “Mben Israel jen, gini ne ide mun di ikuk nye bak di buwak nye kwei leu minu Mesir pima ri!”

NEHEI LEUSI 34:15

Ma jeni kin timiei nya ei minu dima jipreu mun ei bit yam au. Lewo tirigi yoni ikuk yok bak ide nung nya bindig ndiyok kep hum ei ide nimbar hum dokti bak lene mbigom yoni mihig je bijinjei bit yok.

IMAM NYA IDE MIDYAI 17:7

Suar mben Israel igyai ingon gom bak tuhan kikau lene ma ibui mindhe-ndhe ei ngoi dumti nya mem ibikuk yok bak nung di isibut nya au. Suar ibit nicukti dima bijo ninno bijo kikau.

NINDAT KEP TUHAN NICUKTI NYA 9:12

Lene Noni pai bida ‘Abipbur ba, ajuk hanyen ndam ade limwa nya di abuwak yok kwei leu minu Mesir ug lewo icut ei sisarti ba, ingon rom tu. Yoni ikriek leu puig di dindo biyok ba, ibibon kwar bikuk yok bak tu.’

NINDAT KEP TUHAN NICUKTI NYA 32:17

Yoni ibui ide mindhe-ndhe nya bindig kep hum ei nimbar hum dokti bak ninnei rom nya kin kwar di ikuk yok bak nya di ingon kiowi tut kin nung di nijep nya di idigup bat-idigai bat nya ikuk yok bak bi sren tu.

MAZMUR 78:36

Noro iris mun bak Noni tug hon ighyet di nok bu tan.

YOSUA 22:15

Tirigi yoni yuug krau keret Ruben kin Gad kin Manasye nite hi di ibong ei Gilead idim,

NIJAM NIKEI NYA 8:24

Lene noni pai ningon kanti gom kin bu “Dahara je tut mun nyeng gom he. Ma jahagom bikwop tungwagom-gom jiyai mitingouhim di jiyai leu nimbiam mben Midian hagom bida.” (Pai nok lewo mben Midian indei mitingouhim mas noyam kin yo di ibong bidem iggum ndigsi nindigsi nya.)

NEHEMIA 9:18

Yoni ibon kwar di noyam kin sapi nikre bou inda him lene isimbot dat bipia kwar dima ne mun di ikuk yok bak di bie tut yok kwei leu minu Mesir ri! Allah e, yo dima ighyet wer mpiahi tut Na nindig bibor!

MAZMUR 106:19

Iba mas bibon kwar sapi nikre di nehen pap ei Nungug Sinai bikuk yok bak kwar mas di iba mas di jet bibon dima.

YESAYA 46:6

Tungwagom kwek nide bangdop bisiber nide mas leu api bakilo nide perak nibuhunti. Noni yai mitiei poi bak nibon kep kwar cig gom leu binhyepo ba mas kin perak pima bibon kwar mem noni. Lene noni kuk no bak binggei sut.

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.