Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NEHEI LEUSI 32:4 - ALLAH NIHYET MEM TUNGWATU NYA

4 Lene noni mbus hagom biba hum bibindei jet leu api siber ei tig ningwakti di noni bon noyam kin sapi nikre di nehen pap ningut. Lene nide limwa nya yahagom ipai biyam “Mben Israel jen, gini ne ide mun di ikuk nye bak di buwak nye kwei leu minu Mesir pima ri!”

အခန်းကိုကြည့်ပါ။ ကော်ပီ




NEHEI LEUSI 32:4
36 ပူးပေါင်းရင်းမြစ်များ  

Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”


Lene noni kinyon ei nibon midut kep njap ndig gom ei njap gi nisimnaimuhwidip mem bed gi nimuhwindaningai di noyam kin timiei Yehuda ide njap ndig. Lene noni bon midut nindig mindhe titut kep humti ba, bikuk no bak sapi nikre di noni ba mas bibon pima. Lene noni ta imam di noni dimig ei su nya ei ig nikuk no bak kwar eisi nya di noni ngot ei minu ndig Betel.


Yehu cuk yok “Suar jindo ngon bou gom pijum ei mem gima ikuk yok bak Baal.” Gima rino yo dima igyai igbit nicuk yokti dima,


Gima rino tuhan pai bak Yehu “Abindei mbut mun nyeng hagom di dicuk na tut mem Ahab de nintun him yamti di bram yam nya yahagom bingwig su. Gima rino dipreu ei mem na bipia agnyon bat kin adigup bat-adigai bat nya leu pung nigom kikau ug bipek pung nibitai mikui bigwam nok nibou ndig ba, inyeng mitak kep mben Israel.” Noro jei bi lene Yehu ba ningon di gom bibit mben Israel ide tuhan Allah nihyet bi. Ba, yai bram Yerobeam niyaisi di bindei mben Israel ibon sisar tug hon gi ikuk yok bak sapi di iba mas bibon di iwin ei minu ndig Betel kin Dan pima.


Yerobeam nonti kon nide imam nya mem gima igyai midyai ei mpia di ikuk yo bak kwar nya eisi cem mpia di ikuk yok bak ninnei rom nya kin kwar sapi di nonti bon ei su nya cem.


Nogindini jikan bipia jisindem mem gima jico kep nisindemti di tuhan kwas tut yo di intun Daud him. Lewo jide tentara nya imang bibor ikwei sut sapi mas di Yerobeam bon bou ninda him nok jide kwar nya cem tu.


Yoni ibon kwar di noyam kin sapi nikre bou inda him lene isimbot dat bipia kwar dima ne mun di ikuk yok bak di bie tut yok kwei leu minu Mesir ri! Allah e, yo dima ighyet wer mpiahi tut Na nindig bibor!


“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.


Ma jiba perak kin mas bibon kwar nya mem gima jibikuk je bak njiriek Da au.


Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.


Ma no di ningon ki tut tig permata kilis Yakub nipmot bat nya inyeng ei tig njep can pima dip leu api kes tig hacem binap bunggan nimpung di noni ba mas bibon.


Ma igyai tig delima ninjep can ba, ikilis Yakub nipmot bat nya ibou simnaibrimigcan inyeng eisi,


Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”


Gima rino dicuk yok bittei ide mitingou him mas kwei. Lene yo di indei mitingou him mas yahagom ipas ide mitingou him nya bigyai bida. Leu api dicom hagom ug ei humti leu api nok sapi dini!”


Gima rino yahagom ipas ide mitingou him mas nya hagom kwei bak Harun.


Lene tuhan bindei ba, nsuwer di buhun bibor hwen mben Israel drek dip gi po icuk Harun biba mas bibon kwar di nok sapi pima.


Lene Harun bon nimbar hum dok bikes ei sapi nikre di noni ba mas bibon noho bei bipai biyok “Njap di hyep lene yahagom ibon pesta di ibinggei sut tuhan.”


Lene tuhan pai bak Musa “Abipbur ba, ajuk hanyen ndam ade limwa di abuwak yok kwei leu minu Mesir ug lewo icut ei sisarti ba, ingon mpo tut Da tu.


Yoni ikriek leu puig di dindo biyok tu ba, iba mas di jet bibon sapi nikre di nehen pap leu api ikuk yok bak ba, ibui mindhe-ndhe bindig kep hum bak cem tu. Isimbot dat bipia sapi dima ne ide kwar po buwak yok kwei leu minu Mesir pima ri.


Mijicom jide kwar di jikuk je bak nya di jiba perak kin mas binggai nya hak binok mumpiang. Lene mijibipai biyok “Juug bihigom leu nye!”


Tungwagom kwek nide bangdop bisiber nide mas leu api bakilo nide perak nibuhunti. Noni yai mitiei poi bak nibon kep kwar cig gom leu binhyepo ba mas kin perak pima bibon kwar mem noni. Lene noni kuk no bak binggei sut.


Noni yai kep midyai sop krar dima bijo kikau noyam kin gi bon ei minu Mesir nipou po nide nipilei ngatti cut leu no bigyo pima. Yo dima ijou noni ba, ibibon noni nok sop krar habiei leu nimien yo kwei su.


Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.


Keret Efraim dima no ibon sisar kikau kwei bipek ammani kep. Iba perak bibon kwar nya bikuk yok bak. Kwar dima yok intun tungwatu nya ide nikan-kan nyenti him leu api tungwatu ibon bou inda him. Itri tut “Ma jibon midut nindig mindhe ei nimbar hum dokti ba, jibikuk je bak kwar dini yok!” Mbenjen! Yo dima imei kwar sapi pmot cem!


Gino nyeni intun Allah him nok nimunggwom bat nya lene ma ibibon Noni noyam kin mun di tungwatu iba mas kin perak kin tig bibon bou inda him au.


Lo bi lene ibibon kwar bibingon nok sapi nehen pap leu api ibui mindhe tut ninggrom bak bibon pesta kep cem lewo ingon jei sut mun di ibibon bou inda him.


Ma ikuk nye bak kwar cem noyam kin yoni au. Bit leu nok gi ipas ei Allah nihyetti “Ikuk yok bigyem njita bidut mun di pu yok leu api ikiju bigya ba, iba ingon di llei bikuk yok bak kwar nya.”


Lene dingat bou diyai him bipia jipigau nicukti po tuhan di nok jide Allah tri tut bije pima ba, jibon sisar tut Noni tug hon gi jiba mas bibon kwar di nok sapi bijikuk je bak.


Lene noni pai ningon kanti gom kin bu “Dahara je tut mun nyeng gom he. Ma jahagom bikwop tungwagom-gom jiyai mitingouhim di jiyai leu nimbiam mben Midian hagom bida.” (Pai nok lewo mben Midian indei mitingouhim mas noyam kin yo di ibong bidem iggum ndigsi nindigsi nya.)


Lene Gideon ba mitingouhim mas pima titut yam bibon kwar bitas pijum ei Ofra di nitimieisi pima. Apino mben Israel yahagom ikes hon ba, ikuk yok bak Allah bu bi noro ikuk yok bak Gideon de kwar dima. Niyai munti di kinei dima srou Gideon kin nide bat nya yahagom.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ