NEHEI LEUSI 32:30 - ALLAH NIHYET MEM TUNGWATU NYA

³⁰ Njap di hyep bu lene Musa pai bak mben Israel “Jibon sisar nindig bibor tu noro nogindini midikui nungug dini hanyen ug ei tuhan Noho bei. Midibrim dingkek kep Noni leu binhyepo mpaba Noni mikos ser jide sisar.”

NEHEI LEUSI 32:30 ပူးပေါင်းရင်းမြစ်များ

SAMUEL GI NICAN 12:9

Gi nok lene nggon rino angon hou ser dicuk nati nya i? Nggon rino ayai mun di mbuk bibor pini i? Abindei dino mben Amon igyai nimai bak Uria tirigi ikon pran bit yam leu api apos nitnem binok atnem bu!

SAMUEL GI NICAN 16:12

Mpaba tuhan mingig niyai kep mun di buhun di cut igkep da dini leu api miyai gi kei bida biluei nide nimbriom dati dima e?”

NIBOU NDIG NYA GI NICAN 17:21

Niabiati tuhan bindei ba, mben Israel kin timiei Yehuda nya ikwas yam lene mben Israel ikon Yerobeam di Nebat nipmot nok ide nibou ndig. Leu api noni bindei ba, mben Israel iba inghim bak tuhan bibon sisar nindig bibor.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NEHEI LEUSI 32:29

Lene Musa pai bak keret Lewi nya “Jidimig jenti ei mem gima jiyai kep midyai imam mem tuhan njap di ammani tug hon gi jiyai nimai bak jimunggwom bat nya kin jide bat nya. Gima rino tuhan minjei mun di kei bak jeni.”

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

MBEN ISRAEL IMBUT-MBUT NYEN 16:47

Lene Harun yai igbit Musa nicuk noti ba, dor ug ei limwa di idem yam ei dima ikieti bingat lo, nsuwer ajar sindi hwen yok. Leu api noni kes biei nggrai di ui-gwang kei ei hum mbom dip lene bibon midut nibiyai nikos ser sisarti gau limwa nya.

MBEN ISRAEL IMBUT-MBUT NYEN 25:13

Dikos tut noni kin nide nintun him yamti di ibram yam nya bipia inok imam bijo ninno bijo kikau lewo noni brim ningkek mem nide Allah binyohou dinyeng di jei bibor lene bindei ba, mben Israel igyai gi kos ser ide sisar.”

LUKAS 15:18

Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu.

LUKAS 7:47

Gima rino dipai bina bipia nide ningon ngakei Dati di nindig bibor dima ndo bipia Allah kos ser nide sisar di mang bibor tu. No di yai nikos ser nide sisarti gom-gom he miba ningon ngakeisi poi mien bibirop no di kos ser nide sisar.”

ROMA 9:3

drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

2 TIMOTIUS GI NICAN 2:25

Ma iba ingon di nggriu binyohou pingok yo di isrep tut yok nya ingonti. Mpaba Allah bon nituti mem yo dima ittin ser ide sisar ba, ingon jo kep nihyet di nijit.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

SAMUEL GI NIGOM 12:17

Mbro nok gino nijam dini ne bed di biang mpia ngei rin lo, midingat nadi lene Noni mibindei ba, kru micut lene mpia but. Tirigi jingat gima bou jiyai him lene mijo nibreisi mem je bipia jibon sisar nindig bibor tut tuhan tirigi po jibidip huk Noni tut nibou ndig di ninyeng tak kep je.”

SAMUEL GI NIGOM 12:19

Leu api ipai bak Samuel “Andigpoi e, angat nadi bak tuhan di nok ade Allah mem nye ser nhyema nitug ndei nimai bi. Jo nibreisi mem nye tu bipia nibon sisar tirigi po nahara mem nibou ndig di ninyeng tak kep nye pima ba, nibikum ei nyende sisar nindigsi nya hagomti.”

SAMUEL GI NIGOM 12:20

Lene Samuel buhup “Dwai! Mbro nok gino jibon mun di kinei bibor dima lo, ma jiba jinghim bak tuhan au. Noro ma jiba jingon titut yam bikuk je biNoni kikau.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 2:17

Gima rino Eli nipmot bat cin ibon sisar di buhun bibor ei tuhan niyai him lewo ibimangkrei mun di mben Israel indig ei nimbar hum dokti bak Noni.