NEHEI LEUSI 32:19 - ALLAH NIHYET MEM TUNGWATU NYA

¹⁹ Tirigi Musa juk kwei biya puig sinon bidideu ide prak meng yati dima lene ngat sapi di iba mas bibon kin nide limwa nya di ibihim kep cem lene ningon sibui sut yok nindig bibor leu api com tig mma can po ttei kwei su pima ug ei dihyeisi mu ei nungug dima nikiou apino tig mma dima hacem ki kukiau.

NEHEI LEUSI 32:19 ပူးပေါင်းရင်းမြစ်များ

EFESUS 4:26

Gino jingon sibui sut tungwagom lene ma jisindui sut jide ningon sibuisi dima bindei bijicut ug ei sisarti au. Ma jikes hon ba, jingon sibui kikau ug bipek mmun kep au.

MARKUS 10:14

Tirigi Yesus ngig niyai kep yok lene wok yo di igya kui Noni bipai biyok “Jisindui sut munggwom dima yok bikwei ndam Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.

MARKUS 3:5

Lene Noni ngig niyai kep yok biningon sibui sut yok nindig bibor apino ningon buhun drek dip ingkek di ndok bibor dima. Noni pai bak no dima “Atit anda.” Hammi tirigi noni tit ninda di mai rino noni kei hanyen hak.

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

ZAKHARIA 11:14

Gima leu lene didahat tom de gi nican di dijem ninyeng “Nibicom yamti”. Diyaisi dima bindo bipia minu Yehuda kin minu Israel ide ningwes gwam yamti ki hacan tu.

NIBWOS-BWOS NYENTI 5:15

Nibong kei nigwam keisi kin niba ningon di nggei-hi-nggei bibien-bien nyenti pror leu nye tu ba, ningon nggukti luei bu tu o!

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.

SAMUEL GI NICAN 6:14

Lene noni pri-pri nyen sindem bibor bibinggei sut tuhan. Mpe dima lene noni juk nide sinsun ser nonti bi noro kri sre linen nicun he kep nintig boua.

NINDAT KEP TUHAN NICUKTI NYA 27:26

‘Ma tuhan sigion no di bit tuhan nicukti kin ningginausi nya hagom bi.’ Lene limwa nya ibuhup ‘Igbit ri!’ ”

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

NEHEI LEUSI 32:11

Noro Musa hara bak tuhan di nok nide Allah bipai “tuhan e, nggon rino angon sibui sut Ade limwa nya bibor i? Lewo ateu yok bingwes ngun leu minu Mesir tug hon Ade nisindemti di nindig bibor tu.

NEHEI LEUSI 15:20

Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

KORINTUS GI NIGOM 10:7

Ma ikuk nye bak kwar cem noyam kin yoni au. Bit leu nok gi ipas ei Allah nihyetti “Ikuk yok bigyem njita bidut mun di pu yok leu api ikiju bigya ba, iba ingon di llei bikuk yok bak kwar nya.”

NEHEI LEUSI 32:18

Lene Musa pai “Ighyet dima noyam kin yo di yoom kep ide siceu nya kin yo di icut bak ide siceu nya ighyet bi. Lewo ighyet dima noyam kin yo di ipai doia.”

NEHEI LEUSI 34:1

Lene tuhan pai bak Musa “Ma abon tig mma di noyam kin tig mma timiei can pima ba, attei kwei. Lene midipas kep nicukti pima eisi noyam kin nicukti po jo ei tig mma timiei po abindei ki kukiau pima.

MAZMUR 119:53

Dingon sibui sut yo di isibut bibor nya lewo ikes Ade nicukti nya bijo hak ei tu.

NINDAT KEP TUHAN NICUKTI NYA 10:2

Lene midipas kep nicukti pima ei tig mma dimati noyam kin nicukti po jo ei tig mma timiei po abindei ba, ki kukiau pima. Lene ma akes tig hacem bijo ei brua pimati.’