NEHEI LEUSI 32:13 - ALLAH NIHYET MEM TUNGWATU NYA

¹³ Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 32:13 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 15:7

Lene tuhan pai binoni “Dani ne tuhan rin ba, dibuwak nani kwei leu atimieisi ei minu ndig Ur ei minu Babilonia leu binhyepo dipek minu dini hagom bina nok ade hanjop nsi.”

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 22:16

“Dani ne tuhan rin ba, deheng bitug hon Danti dinyeng. Ayai mun dini ba, angon tak kep apmot gom ngat dima leu Da bi.

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 24:7

Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NEHEI LEUSI 13:11

Lene Musa pai bak mben Israel bu “tuhan mibuwak je ug ei minu Kanaan bit leu nok Noni ba neheng bipreu ei mem jeni kin jidigup bat-jidigai bat nya. Tirigi jinyeng tak kep minu dima lene,

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

IMAM NYA IDE MIDYAI 26:42

lene midiyok ngon kep gi preu di dipreu ei mem Yakub Ishak Abraham nya. Midiwin Ditde nipreu ei mem yokti tut minu Kanaan ba, midingkwei minu dima bak Ditde limwa di mben Israel hanyen.

NINDAT KEP TUHAN NICUKTI NYA 1:10

jide tuhan Allah bindei ba, jimangti kum eisi bidem kep ham mpia-bbed him nimangti.

NINDAT KEP TUHAN NICUKTI NYA 7:8

Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NINDAT KEP TUHAN NICUKTI NYA 9:27

Ma ayok ngon kep Ade awak di Abraham kin Ishak kin Yakub lene ma ayok ngon kep yo dini ide ningkek ndokti kin ide nisibut biborti kin ide sisar au.

IBRANI 6:13

Tirigi Allah preu ei mem Abraham lene ba neheng bipreu ei mem noni. Allah ba Nonti ninyeng bipreu ei mem noni lewo hi ninyeng jei dor njiriek Allah bi.