NEHEI LEUSI 32:1 - ALLAH NIHYET MEM TUNGWATU NYA

¹ Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

NEHEI LEUSI 32:1 ပူးပေါင်းရင်းမြစ်များ

KISAH 7:40

Ipai bak Harun ‘Ma abibon kwar nya mem nye leu binhyepo kwar dima yok ibie tut nye. Lewo nikan tut mun di ndei Musa di buwak nye kwei leu minu Mesir bi!’

NINDAT KEP TUHAN NICUKTI NYA 9:9

Mpe dima ne dikui ug ei mbigdip dima leu binhyepo duug yai tig mma can po Noni pas kep mun di Noni preu ei mem jeni eisi pima. Lene dibong ei mbigdip mem mmun-njap nyatungwacan lo, diyem njita ba, didut minyei bi.

PETRUS GI NICAN 3:4

tirigi ihig ser je “Tuhan preu ei sut nikwei hanyenti tu e? No hantou i? Idigup bat-idigai bat nya imai bingwig leu su noro mun nyeng hagom jo nijoti habiei ei nimbie him tirigi Allah pai tes dihyeisi kikau kwei bipek ammani kep!”

NEHEI LEUSI 24:18

Lene Musa kui kikau ug ei mbigdip bicoi ug ei bumbuhuiti bibong ei sirima mem mmun-njap ningot bitai.

MATIUS 24:48

Noro gino awak dima ningon dindi bikan ‘Siceu ug bong ninno ba, mikwei hanyen bigyo,’

KISAH 17:29

Gino nyeni intun Allah him nok nimunggwom bat nya lene ma ibibon Noni noyam kin mun di tungwatu iba mas kin perak kin tig bibon bou inda him au.

KISAH 19:26

Nogindia jingat bou jiyai him bijimiap ei jitingou nsi cem tut no di Paulus bitut ningginau tungwatuti. Noni tri tut bipia kwar di ikuk yo bak di tungwatu ibon bou inda him dima ne nitrowai he. Ba, noni pingok timiei minu ndig Efesus dini he ingonti bi noro pingok timiei hanjop Asia nisurti-nipekti ingonti cem ba, imang bibor itti kin noni.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

NEHEI LEUSI 32:11

Noro Musa hara bak tuhan di nok nide Allah bipai “tuhan e, nggon rino angon sibui sut Ade limwa nya bibor i? Lewo ateu yok bingwes ngun leu minu Mesir tug hon Ade nisindemti di nindig bibor tu.

NEHEI LEUSI 32:7

Lene tuhan pai bak Musa “Abipbur ba, ajuk hanyen ndam ade limwa di abuwak yok kwei leu minu Mesir ug lewo icut ei sisarti ba, ingon mpo tut Da tu.

NEHEI LEUSI 14:11

Lene ipai bak Musa “Minu Mesir pima bon jui dip di kei mang bibor mem nye. Nggon rino abuwak nye kwei binimai ei iggum ndigsi dini i? Angat i! Gi po abuwak nye leu minu Mesir pima bie ndam nimai mem nye ug ri.

NEHEI LEUSI 13:21

Lene tuhan bie tut yok tug hon cou bumbuhui mem njap lene tug hon cou hum mem mmun bipiga digai puig mem yok. Gima rino dem mem imbut mem njap kin mmun cem.

NEHEI LEUSI 16:3

bipai “Gino tuhan kes hukum nimai ei nye dip tirigi po nibong ei minu Mesir pima lene dem. Lewo mpe di po ningat rin ei minu dima lene niyem kep mikwau kin njita nindig bibor di bindei nye. Noro jibuwak nye kwei ei iggum ndigsi dini apino nahagom minimai ninggum ug ri.”

NITRITI 44:15

Lene Yusuf hig singgre yok “Jiyai munti notou rini i? Jikan tut ditde nisindemti bi e? Lewo bon diko bidibinggok ndiyok leu binhyepo dikan tut mun nyeng hagom kan.”

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

NEHEI LEUSI 33:3

Ma jimbut ug ei minu jep di bon ninnumti di kei bibor kei. Noro Dani midingat rin bit je bi leu binhyepo dicok tut je ei puig sinon bi. Lewo jingkek ndok bibor.”

NITRITI 44:4

Tirigi ijo leu minu ndig dima bimbut imig biyuug ei ting leu minu ndig dima bigyo lene Yusuf cuk nide awak pima bipai “Abipbur ba, ahuk bram yo dima. Gino ahatap yok lene ma ahig singgre yok bipia nggon rino ibuhup kin gi kinei bida drek dip gi dingondut yok i?

NITRITI 39:8

Noro Yusuf srep bipai “Amiap e, diceu ba ningon com da tut mun di noni nyeng tut nya hagom ba, ningon ku no tut nide ig bei nsi bi.

NITRITI 19:14

Gima rino Lot bisau buug ngat pinai cin di igyok wa kep nipmisop bat cin lene bidip huk yok bipai “Suar jibipbur ba, jinang leu sirini lewo tuhan micok tut hagom ug ri.” Noro ikan bigya noni cat eisi he.

MATIUS 24:43

Ma jiyok ngon kep bipia gino ig ceu kan tut ninggimang kep mun cig nikweisi lene niyai ngkiem ba, tindei ser no dima leu binhyepo nggimang ndigban bi.

NITRITI 21:26

Lene Abimelekh buhup “Dikan tut yo di isrin ser minyei bousi dima bi. Lewo ambot kep tut bida bi sren ba, sindi nogindini api apai sut bida dini.”

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

NEHEI LEUSI 32:23

Ipai bida bipia ikan tut mun di pek kep mem no po ninyeng Musa di buwak yok kwei leu minu Mesir pima bi. Lene icuk da bipia suar dibon kwar di mibie tut yok bou dinda him.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

YEHEZKIEL 20:8

Noro yaham imbuk kep Da ba, igimiap dihyet bi. Ikou sut gima icom kwar di suwok bibor di ikuk yok bak dima lene ibikes hon gi ikuk yok bak mben Mesir ide kwar cem. Mpe dino ingat rin ei minu Mesir ne ditin ei mem gima dikes Ditde niggati ei yok dip.

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 32:22

Lene Harun buhup “Ma angon sibui sut da au. Akan tut bipia yo dini ita ibou ei nibon sisarti.

NINDAT KEP TUHAN NICUKTI NYA 9:1

“Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

MAZMUR 106:19

Iba mas bibon kwar sapi nikre di nehen pap ei Nungug Sinai bikuk yok bak kwar mas di iba mas di jet bibon dima.