NEHEI LEUSI 3:8 - ALLAH NIHYET MEM TUNGWATU NYA

⁸ Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:8 ပူးပေါင်းရင်းမြစ်များ

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NITRITI 11:7

Nna ba nyeni nihwou ndam yok ba, ninggek tut ighyet leu binhyepo imiap yam hyet bu bi.”

NITRITI 15:13

Leu api tuhan pai binoni “Ei nidipti bu lene ade nintun him yamti di bram yam nya mporo minok awak ei ingkiaisi ba, ngkiai ico kep yok nindig bibor kikau mem nijam ari bingwam sratus bitai.

NITRITI 15:14

Noro midikes hukum ei ngkiai dima yok dip drek dip gi ico kep yo di intun nani him binok awak nya. Mpe dino yo di intun nani him imbut leu ingkiaisi lene yoni mittei ndigban nindig bibor bikwei sut.

NITRITI 18:21

Suar da duug bisis ser yok leu binhyepo dikan tut bipia inghapti di tibim ei ditingou nsi dima igbit rin e, he igbit rin bi e?”

NITRITI 43:11

Lene Yakub ce bipai “Nna ba gino puig hiter hi bi lene ma jipwoi ndigban di kei bibor kei leu minu dini nok biei ngat kismis kin ahwei lon kin biei ngat di ninghap ui-gwang kei kin biei ngat kemiri kin badam cem ba, juug sut bijinjei bak nibou mben Mesir.

NITRITI 46:4

Midingat rin bit na bidinyohou na kikau ug ei minu Mesir. Ei nidipti bu ne midibuwak ade nintun him yamti di bram yam nya hanyen kwei ei itimieisi dini. Yusuf migwam bit na binam ninda bidwip ayai mpau tirigi annei kimbas a.”

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NEHEMIA 9:8

Jo nibreisi mem Na bipia noni ningon gom tut Na ba, bit ahyet cem. Gima rino Na di tuhan kin Abraham jibon gi preu nicom nigau ei yamti. Apreu ei mem noni bipia mporo ma ayai minu di mben Kanaan kin Het kin Amori kin Feris kin Yebus kin Girgasi ide di ibong ser nya hagom binoni leu binhyepo nide nintun him di bram yam nya migyai dihyei hanjop nsi dima yok hagom bibong ser nok ide dihyei ninda rom. Lene ayai hagom bit leu nok apreu ei mem noniti lewo angon gom.

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 34:8

Nide malaikati ya srak ko hagau yo di ikuk yok bak tuhan biteu yok bingwes ngun leu mun di om kep yok.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 12:51

Ei njap dima ne tuhan buwak mben Israel yahagom bingwes ngun leu minu Mesir.

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 34:11

Suar jibit niggai serti di diyai bije njap di ammani. Midijji mben Amori kin mben Kanaan kin mben Het kin mben Feris kin mben Hewi kin mben Yebus yahagom bingwig leu je sindam tirigi jicoi ug ei minu dima.

NEHEI LEUSI 5:23

Lewo hammi tirigi diya hacan mem Ade limwa nya tug hon anyeng ei Firaun noho bei rino noni ba nisibut bico kep nye bu lo, ampu Ade limwa nya bi!”

YESAYA 36:17

dibuwak je ug ei minu gom di noyam kin jide minu dini. Lewo ba anggur nghousi di ngat ningat mem tungwatu nya bipot bidut ningei kin miai gandum nghousi di ngat ningat mem tungwatu nya ba, ibikang roti cem no jo ei minu dima.

YESAYA 64:1

tuhan e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

YEREMIA 11:5

Gino ibon mun dima yok hagom lene midiyai bipek kep mun di dipreu ei mem idigup bat-idigai bat nya. Midiyai minu di nogindini ibongti dima di nnum kei di mun nyeng hagom dem kei joti dima biyok ri.” Lene dibuhup bak “tuhan e, Igbit ri.”

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 32:22

Ayai minu di nnum kei dini cem biyok bit leu nok Ade nipreu bak idigup bat-idigai bat nyati.

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

IMAM NYA IDE MIDYAI 20:24

Dipreu kep jeni tut minu di bon ninnumti di kei bibor dima tu. Ba, diyai dihyei dima bije ba, jima bou je nok jide. Dani ne tuhan ba, jide Allah rin ba, didimig jeni bijo ter leu ngkiai nya ikieti.

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

MBEN ISRAEL IMBUT-MBUT NYEN 13:18

Ma jiyok jitta kep minu dima leu binhyepo jinggok tut timiei nya. Yoni imang bibor e, he imang bi e, he isindem bibor e, he isindem bi e, lene nok.

MBEN ISRAEL IMBUT-MBUT NYEN 13:19

Jiyok jitta kep minu dima leu binhyepo jinggok tut gino minu dima kei bibor e, he bi e? Timiei minu dima ibong ei minu mien di jo bas nya e, he ibong ei minu ndig di bon ngug tig di bikrop ttai nya e?

MBEN ISRAEL IMBUT-MBUT NYEN 13:27

Ipai bak Musa “Ningig niyai kep minu dima lene jo nibreisi bipia dihyei dima bon ninnumti nindig bibor ba, biei nya hagom nimeng nggrou. Angat biei ngat gom-gom di nibiang kwei rini.

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

NINDAT KEP TUHAN NICUKTI NYA 1:25

Leu api ingkwei hanyen kwei ba, ittei biei ngat kin ba ngat di igyai leu minu dima ba, ibipai sut binye bipia minu di ide tuhan Allah miyai binye dima nnum kei.

NINDAT KEP TUHAN NICUKTI NYA 1:7

Ma jilet jide prak meng nya bijimbut ug ei mben Amori ide minu di bon nungug him kin minu di gahai dima kou cem. Nok Yordan nyai kin hampiati kin les him kin hanjop di jo bei mpia nibiho kin mukti di jo ndam Muk Hacan hagom. Ma jicoi ba, jiya bidem minu Kanaan kin Nungug Libanon kikau ug bipek minyei nindig Efrat.

NINDAT KEP TUHAN NICUKTI NYA 27:3

Ma jipas kep bikwop niggai serti nya gom-gom di ditri tut bije hagom ei tig dima dip. Tirigi jicoi ug ei minu di bon dihyei suti ba, nnum kei cem di jidigup bat-jidigai bat ide tuhan Allah preu sut ei mem je ba,

NINDAT KEP TUHAN NICUKTI NYA 28:11

tuhan miyai munggwom mang-mang bijeni. Mindhe-ndhe nihyen kep jide nya mimang lene jide miai mingat ningat di mpung bipias hagau ei minu di tuhan preu ei mem jidigup bat-jidigai bat nya bipia miyai bijeni.

NINDAT KEP TUHAN NICUKTI NYA 6:3

Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 5:6

Mben Israel imbut-mbut nyen ei iggum ndigsi mem ari bingwam ningot bitai bibou pinai nya di ikon pran kan di ingwes ngun leu minu Mesir yahagom imai bingwig ug e. Imai bingwig drek dip gi po ibit tuhan nihyet pima bi. Gima rino Noni pai tug hon neheng bipia yo dima micoi ug ei minu di bon ninnumti di Noni preu ei mem idigup bat-idigai bat nya bi sren.

YOSUA 9:1

Nibimbiti tut mben Israel di ibindei timek ide siceu nya tibim kikau ug ei nibou ndig di ingat rin ei Minyei Yordan nite bei mpia nicutti itingou nsi. Nibimbiti tibim bidem nungug him kin nungug nimig him kin les him ndam Muk Hacan nipimat kikau bipek kin Nungug Libanon nite bei mpia nijjai cem hagom. Yo dini ne nibou ndig mben Het kin nibou ndig mben Amori kin nibou ndig mben Kanaan kin nibou ndig mben Feris kin nibou ndig mben Hewi kin nibou ndig mben Yebus yahagom ri.

YOSUA 9:7

Noro nibou mben Israel ibuhup “Nibon gi preu bit jeni mem mindei i? Mpaba jide minu dideu dini kou e?”