NEHEI LEUSI 3:7 - ALLAH NIHYET MEM TUNGWATU NYA

⁷ Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NEHEI LEUSI 3:7 ပူးပေါင်းရင်းမြစ်များ

NITRITI 16:11

Jei bi lene ayai apmot lene ma ajem ninyeng Ismael lewo tuhan miap ahyet tirigi po aba ayai nggwei bahara pima.

NITRITI 18:21

Suar da duug bisis ser yok leu binhyepo dikan tut bipia inghapti di tibim ei ditingou nsi dima igbit rin e, he igbit rin bi e?”

NITRITI 21:17

Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 31:12

Lene noni binut bu ‘Dani ridibindei dino kambir nikre di niba nimmun bikos nya kin gi nillikti nya ipri gau niwek nya. Dipai bina nok lewo dingat mun di Laban bon tunggwei sut na bou diyai him tu.

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

SAMUEL GI NICAN 22:28

Ateu yo di yoom kep ingonti bingwes ngun noro acut yo di ingon jei nya.

NIBOU NDIG NYA GI NICAN 13:4

Leu api Yoahas ngat nadi bak tuhan. tuhan ngat lo, mben Siria ide nibou ndig ba nisibut biborti bico kep mben Israel apino tuhan buhup Yoahas de nadi dima.

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.

NEHEMIA 9:9

Angig ayai kep nyeni nidigup bat-nidigai bat di igyai inghuisi wei ei minu Mesir nya leu api angig atingou mem ighyet tirigi ikwei ya hon Muk Lipig ba, yahara Na.

MAZMUR 106:44

Noro tuhan miap ighyet di yahara bak Noniti ba, yok niyai kep yok tut ide mun di buhun tak yok.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 142:3

Dinso-nso nyen ei Noho bei bidipai sut mun di buhun tak da hagom bak.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 22:24

Je di Allah de awak nya e, ma jinggei sut Noni! Je di jintun Yakub him e, ma jikon Allah ninyenga! Je di mben Israel e, ma jikuk je biNoni!

MAZMUR 34:4

Jikwei ba, inggei sut tuhan nisindemti ba, ikon ninyeng noyam.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

MAZMUR 35:22

Noro Na di tuhan angat mun dima yok hagom tu. tuhan e, ma aba aji di buhun bikimut ahui ba, agwam ting leu dani au.

MAZMUR 9:14

tuhan e, angat i! Ditde siceu nya ihwen bit da! Angondut da ba, ateu da bidingwes ngun leu nimai,

NEHEI LEUSI 1:11

Gima rino yo di igya kui Firaun ita mindor nya di iba imbuk co kep mben Israel bikes midyai di buhun bibor ei inghat dip. Suar mben Israel ingot ig gudan bousi nindig bibor ei minu ndig Pitom kin Raamses cem leu binhyepo Firaun minju ndigban ninyeng hagom eisi.

NEHEI LEUSI 1:8

Mpe dima lene Firaun di nijep bu ya luei Firaun nitimiei nohoti ei minu Mesir noro noni kan tut Yusuf niyai munti nya bi.

NEHEI LEUSI 22:23

Leu gino jibibon yok nok gima lene Da di tuhan midibuhup ighyet tirigi yahara Da drek dip je.

NEHEI LEUSI 33:13

Gi nok lene handei kon ba, Na di tuhan ando angon kanti bida leu binhyepo diyai kep Ade midyai nya bidibindei ba, ajoi sut da kikau. Ma ayok ngon kep bipia adimig yo dini ei ba, inok Ade limwa nya ba, anyeng tak kep yok tu.”

NEHEI LEUSI 5:10

Lene mindor nya pima yok kin nibou mben Israel pima yok yuug pai bak mben Israel “Firaun ggai ser nye ba, miniyai mbrui ut bije mikuisi bu bi.

NEHEI LEUSI 5:6

Njap gom ndia ne Firaun kes nihyet bak mindor nya di inyeng tak kep nibou mben Israel di inyeng tak kep ide limwa nya bipai biyok,

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

MBEN ISRAEL IMBUT-MBUT NYEN 20:16

Leu api nahara tuhan leu binhyepo Noni mikwei mpu nye. Noni buhup nyeni nihyet bipinak malaikati gom kwei leu api Noni bie tut nyeni biningwes ngun leu minu Mesir tu. Nogindini nikwei krau Kades di jo simiak ade hanjop nsi.

KISAH 7:34

Dingat Ditde limwa nya di igyai ninghuisi wei nindig bibor ei minu Mesir bidiyok ngon kep yok. Dimiap ighyet tut gi yuun-icot nindig bibor tu. Gima rino dijuk kwei mem diteu yok bingwes ngun. Nogindini akwei! Dipinak nani hanyen ug ei minu Mesir.’

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

SAMUEL GI NIGOM 9:16

“Njap di hyep bu mem mpia di nok gini lene midipinak tungwagom leu keret Benyamin hwou ngat nani. Ma ata noni nok nibou ndig mem Ditde limwa nya leu api noni miteu yok bingwes ngun leu mben Filistin indati. Lewo dingat bipia mun di buhun bibor cut igkep yok tu ba, yahara Da leu binhyepo dimpu yok.”